ناڤکرنا بزنان
تەرزێت ناڤکرنا بزنان ژدەرڤەی لەشی
ئەڤ ناڤێت ژێری یێت هاتین بو وان سالوخدانا یێت دیار سەر ڤان ئەندامێت لەشی بزنێ وەک: رەنگ، شاخ، گوهـ ، ئالەک، ئەنی، لەش، سەر وچاڤ، روی، موی، زک، بن زک، ستو،کوری.
ناڤێت بزنان:
باڤێل: بزنا گوهـ بادای وشکەستی
بەل: بزنا گوهـ بادای
بەلە همبس: گوهێت بزنێ سپی وبادای نە
بەلەک: پارچیت سپی یێ ل سەر لەشی وێ بزنێ
پۆخین: گوهـ وسەروچاڤ وێ بزنێ پنی پنی تەحینکینە
پۆش: بزنا سەر وچاڤ وروی رەش وسپی نە
چاڤزیق: چاڤێت وێ بزنێ دزیقن
چال: بزنا ڕەشە بتنێ ئەنیا وێ پنیەکا سپی یا لێ
کالاسۆر: گوهـ وئالەکا وێ بزنێ دسۆرن
چوییڕ: بزنا رەنگ سپی یە
حنێر: پشتا گوهێ وێ بزنێ دزەرن یان دقەمەرن
حیت: بزنا بێ موی یە یان یا کوسەیە
زیل: گوهـ وڕوی بزنێ خەتەکا سۆرا زراڤ پێدا تێت وکوریا وێ یا ڕەنگینە
سۆر: رەنگێ وێ بزنێ یا سۆرە
سیس: بزنا رەنگ سپی یە
شین: رەنگی وێ بزنێ شینە
شەمام: گوهـ وسەروچاڤێت وێ خەتێت سۆر وزەرن وەکی شەمامۆکێ
قلیچ: بزنا شاخ چیخنە وشاخ کورتە
کال: نیڤا گوهێت وێ بزنێ دسۆر وتارینە
کالحنێر: گوهێ وێ بزنێ هەمی ڕەنگێ تەحینکینە
کڕ: بزنا گوهـ کورت
کرە همبس: گوهێت وێ بزنێ سپێ وکورتن
کڕەپۆش: بزنا گوهـ کورت وسەر وچاڤ سپی یە
کڕەسیس: بزنا رەنگ سپی یە وگوهـ کورتە
کڕەکال: گوهێت وێ بزنێ سۆر وکورتن
کڕەکەڤەر: گوهـ کورت وهندەک ژلەشی وێ بزنێ سپی یە
کۆچ: بزنا بێ شاخ یان چ شاخ پێڤە نە
کەڤچ: بزنا گوهشۆرە: سەرێت گوها دبلندن وەک کاڤچکی
کەڤەر: بزنا لەش سپی یە بەس سەرێ وێ حەتا ستۆی یێ رەشە
کەلاچ: شاخێت وێ بزنێ ژێک دفرن
کەمەر: بزنەکا رەشە خەتەکا سپی وپەحن یا ل ناڤ تەنگا وێ
گوریف: بزنا ره شە بتنێ کوریا وی یا سپی یە
گۆرد : هەمی یا ڕەشە بتنێ بن زک وڕەخێت کوریا وێ دزەر زەرەن
مۆخ: ئەو بزنە یا ب سەر وچاڤان ڤە بەلەکە
همبس: رەخێت گوهێت وێ سپی نە ب سەر زەریڤە بەلێ نیڤا گوهی یێ رەشە
ناڤکرنا بزنا ژلایێ شاخانڤە:
شاخ بەلاڤ: شاخێ وێ بۆ ڕەخاڤە دچیت، پیچەک دباداینە ونزم و بۆ ژدەرڤە ڤەدەن.
شاخ چیخن: شاخێن وێ وەکی دوو چیخنا ژێهەل ڕادبن پیچەک بۆ لایێ ژدەرڤە.
شاخ قولۆز: شاخێن وێ دووسێ جارا دباداینە و درێژن.
شاخ کەلاس: شاخێن وێ پیچەک دباداینە و زراڤن.
شاخ ئۆرەمار: شاخێت وێ ڕاست ڕادبن ژسەری ڤە نێزیکی ئێک دبن
کۆچ: بزنا بێ شاخە.
ناڤکرنا ميھ وبزن ل دیف ژیێ وان
بەرخێ نێر
بەرخ: ئيك سالە
كاڤر: دو سالە
شەك: سێ سالە
بەرندر: سێ سالە
ھوكجە: چار سالە
قەرتە: پێنج سالە
بەران: پێنج سال پتر
بەرخا مێ
بەرخ: ئيك سالە
كاڤر: دو سالە
بەلەندير: بەییند : سێ سال
بەلەنديرێ دزێت: چار سال
ميھ: پێنج سال
بزن: پەزێ رەش
كارێ نێر
ئێك سالى: كارە: کەهر
دو سالى: كويرە
سێ سالى: سەيزە
چوار سالى: نيرى
کارێ مێ
ئيك سالى: كارە
صەیس: سەیس: گیسکی یەک ساڵە
دو سالى: گیسکە
سێ سالى: تشتيرە
چار سالى: تشتيرێ دزێت
پێنج سالی: بزنە
٢٨-٣-٢٠٢١ - دهوک – ئەحمەد عەلی