سەرهاتی

کورێ من پرسیارا دیکلی بکەن

ل گوندەکێ کوردا زەلامەکی حەڤت کور هەبون، هەمی گەنج تولاز بون، کەس نە دشیا دبەر وانرا ب ئاخڤیت، چنکی دبوش ودزیرەک بون. خودان تەرش وپەز بون، هێستر وهەسپ وچیل وگابون.

روژەک ژ روژا پشتی روژ ئاڤا بوی دەما دیکل ومریش هاتینە کوتانێ، دەیکا وان گوت گەلی کورا دیکەلەکێ مە یێ باژێلە بوی نەهاتیە ڤە. هەر حەڤت کورا خو ب سەر های نەدا هەر وەکی وان چ نە بهیستی. ئەڤ خەبەرە گەهشتە گوهێت بابێ، پشتی شیڤ خارنێ گوتە کورا بابو بو من یا هاتیە گوتن کو دیکلێ هەوە نە ڤەگەریایە مال وەکی من زانی، بێژنە من هەوە لێ گەریایە یان نە هەوە پرسیارەک ژێ بریە یان نە. گوتن نە بابو. بابێ بەرسڤا وان دا گوت : کورێت من هەرن ل ناڤ گوندێ ناڤا ل خو ب دەن بێژن کا دیکلێ مە کێ دیت یە یان کێ بریە. بابێ خو بێ دەنگ کر ما ل هیڤیا بەرسڤا وان. ئێکی ژ وان گوت باب مالا تە ما چیە هات وچو دیکلەکە تە هوسا مازن کر. باب ما بێ دەنگ چ جاب نەدان.

روژا پاشتر پشتی روژ ئاڤابوی گایێ جوتی نەزڤری مال، کورەک چو گوتە بابێ: باب گایێ مە یێ جوتی نینە نە هات یە ڤە، ئینا بابێ بەرسڤا وی دا گوتێ: کورێ من هەرن پرسیارا دیکلی بکەن. کورکا هەمیا پێ کرە کەنی. باب گا چو تو یێ دبێژی پرسیارا دیکلی بکەن.

دیکل بەرزە بو ئو گا نەڤەگەریا ڤە، روژا سیێ پشتی مەغرەب کورەک هاتڤە ئو گوتە برایێت خو: ئەز دبێژم هەسپێ مە نینە، نە ژدەرڤەی گرێدایە ونە دئاخیرێ ڤە یە. تێک هاتن ویێک چون بابێ زانی گوت: ها کورا چ هەیە! چ چێبویە ! چ ل هەوە قەومیە بێژنە من. ئێکی گوت باب هەسپێ مە نەیێ دیارە. ئینا بابێ گوت کورێت من هەرن پرسیارا دیکلی بکەن. کورا گوتنە ئێک بابێ مە یێ ژبەر دئاخڤیت ئەمێ دبێژینێ هەسپ نەما، یێ چ دبێژیت کا هەرن پرسیارا دیکلی بکەن. هوین ب خودێ ئەڤە گوتنە بابێ مە دبێژیت.

روژەک پێ نەچو لگوندی بو دەنگ دور کو برایەک ژ وان حەڤت برا هاتە کوژتن ئو خەلکێ گوندی هاتنە بەر دەرێ خانیێ بابێ کورا ئو هەر شەش برایێت دی تێک هاتن وچون مەندەهوش وسەودا، باب دەرکەتە ژدەرڤە گوت: ئەو چیە گەلی کورا چ چێبویە چ ل هەوە کەتیە ئاخێ. گوتن بابو برایەکێ مە هاتە دوراندن ل رەخێ گوندی. بابێ گوت: چنینە کورێت من بەس هەرن پرسیارا دیکلی بکەن. کورێ مازن گوت: بابو تو یێ دینی یان یێ بێ خەمی ئەمێ دبێژینە تە برا چو تو یێ چ دبێژی. پرسیارا دیکلی بکەن. ئینا بابێ ب دلکێ پر خەم گوتە وان ب تەعن وتڤنگ. کورێت من هەکە هەوە روژا ئێکێ دەما دیکل نەهاتیە ڤە هەوە دەنگ ل خودابان ئو هەو گەف خازبان ل نیڤا گوندی ب دەنگەکێ بلند، ئەڤرو برایێ هەوە نە دهاتە کوژتن ب ڤی رەنگی کرێت یێ هوین دبینن چاڤ شور وبێ خەما. بەس مەزنا یا گوتی: یێ گوهێ خو نە دە تە مەزنا دێ لێ هێن شاخێت بزنا.

١٦ – ١٢ – ٢٠١٦ دهوک ئەحمەد عەلی / ئەڤ سەرهاتیە ژ فلکلورێ کوردی یە

فندێت ژنکا

ل گونده کی کوردا مرۆڤه کێ گه له ك دیندارهه بو ودوعایه ك پتنێ دکر و دا بێژیت یاخودێ تو من ژ شه یتانی ب پارێزی.

هندی ژنکا وی د ما پێڤه ودگوتێ فێل وفندێت ژنکا مه زنترن و بخو دوعا بکه کو خودێ ته ژوان پارێزیت وی هه ر دگوت نه بخودێ هه که مروڤ ژ شه یتانی هاته پاراستن ما ژنك چنه

ژنکێ د دلئ خودا دگۆت . پا ئه ز دێ ئێکێ ب سه رێ ته ئینم کو تو بهایێ ژنکان بزانی ودوعایێت خو دا خو ژفێل وفندێت ژنکان ب پارێزی.

روژه کێ ژنك چو ناڤ بازارێ وچەند ماسی کرین وچوناڤ زه ڤی دا ولبه ر به روکا جوتی وئه و ماسی کرنه دبن ئاخێ ڤه وده ما زه لامێ وێ جوت دکر، دیت چەند ماسی یێ ژبن ئاخێ ده ردکه ڤن و وی ژی ئه و ماسی ڤێگدان وکرنه د چانتکێ خودا وئێڤاری ڤه گه ریا مالا خو وماسی نیشا ژنکا خودان.

ژنکئ گوتی ته ئه ڤ ماسیه ژکیرێ ئیناینه ؟

زه لامی گوت من یێت ژناڤ جوتی ئیناین ودبن ئاخێ ڤه بون

زه لامی گوتی ڤان ماسیا بومه جوان چێکه جابا برایێت خو و برایێت من ژی فرێکه وبلا ل مالا مه ببن مێڤان وئەم دێ ڤان ماسیا پێکڤه خوین. ژنکێ ژی گوتێ بلا. رۆژا پاشتر بو نیڤرو ژنك چو هه ر وە ک وزه لامێ وێ گوتی جابا برایێت خو وتیێت خو فرێکر. بو فراڤینێ داخازا خارنێ کرن.

هه می بونه مێهڤان وده مێ ڤراڤینێ زه لامی گوته ژنکا خو هلو هه ره بو مه خارنێ بینه وژنکێ به ری هینگێ ئه و ماسی ڤه شارت بون. بو خارنا مێهڤانا نیسکه کا روهن چێکربو و ئینا دانا به ر وان. زه لامی به رێ خودا نیسکێ وگوته ژنکا خو پا کا نێنە ئه و ماسیێت من ئیناین؟ ئەوێت من ژبن ئاخێ ده رئێخستین؟ ته بوچی بومه چێنه کرینە؟ ژنکێ گۆتێ ماسیێت چێ جامێرو؟

زه لامی گوتێ دەما من کێلان دکر وئه و ماسیێت ژ به رگێسنی ده رکه تین؟ ژنکێ گوتێ دیاره تویێ دین بوی جامێرو؟

زه لامی ده ست دا گوپالی خو وبه زی ژنکێ دا ب قوتیت و برایێت ژنکێ رابونه به رسینگی وگۆتنێ ئه ڤه تو چ دکه ی راست دبێژیت تویێ دین بوی، ما ته گوهـ لێ بویە ماسی ژبن

عه ردی ب ده رکه ڤن. زه لامی هه ر هه ولدان دا خوش له پێت وان ده ربێخیت وبچیت ژنکێ بقوتیت. ژنك ب دزیکی ڤه هه ر یا کوریا ماسیێ نیشان د ده ت و مێرك یێ دبێژیت ئەڤەنە.

ئه و ماسیێت ده ستێت وێدا وهه ر زوی ژنك دا ڤه شێریت.

دبێژن برایێت ژنکێ وتیێت وێ نه چاربون زلامێ وێ ب ستوینێ ڤه گرێدا وب وان سه ر ودلان ڤه قه ستا مالێت خو کرن. ژنکێ ژنوی گوته زه لامێ خو دێ تو ژ نوکه وێڤه دگه ل دوعایێت خو بیژی کو خودێ ته ژ فند وفیلێت ژنکا قورتال که ت زه لامی گوت سوز بیت ئه ز ژنوکه وێڤه ڤێ دوعایێ بکه م پشتی من ب چاڤێت خو دیتی. رابو ده ستێت زه لامێ خو ڤه کرن وچو جاره کا دی برایێت خو وتێیت زه لامێ خو گازی خارنێ کرن و چیروکا وی ودوعا وفێل وفندێت ژنکا بو وان گوت وڤه گێرا.

ئەڤ سەرهاتیە ژ فلکلورێ کوردی یە/ ٢٠١٦ دهوک ئەحمەد عەلی

نڤێسیا رزقێ

دبیێژن روژەکێ مروڤەکی بریاردا کو ل دیف رزقێ خو نه گه ریت وکا دێ چەوا خودێ رزقێ وی ده ت. ئەو مروڤ ژگوندی ده رکه فت وچو حەتا گەهشتیە چیای وخو لگه لیه کێ ئاسێدا و چو د شکه فته کێ ڤه وبو خو گوت : پا بلا خودێ رزقێ من بینیت .

خودێ وەسا حەز کر، کاروانه ک لرێکێ خەلەتبون، رێك ل وان به رزه بو ئینا لوی گه لی درکه تن دەمێ روژ ئاڤا. سه رکێشێ کاروانیا بریاردا کو کاروانی بچنە شکه فته کێ دانن ولێ بمینن حەتا دبیته سپێده وچونه دوێ شکه فتێ ڤه یا ئەو مروڤ تێڤە.

ئه وی مروڤی دیت کو ئه و کاروانی هاتنه دشکه فتێ ڤه، رابو چو دپاشیا شکه فتێ ڤه. ئو خو مت کر دەما دیتی کو

کاروانی ب ژور که تن و سه روکێ کاراونیا گوته هنده ك زەلاما هه رن ل پاشیا شکه فتێ بنیرن نه کو ده هبه ك تێڤه

بیت. هندەک چون ودیت کو مروڤەک یێ ل وێرێ. وان ملێت وی هه ژاندن بەس وی خو شرکر و ئه و مرۆڤ رابون هه

لگرتن و ئینانه ده ف سه روکێ کاروانیا و وی گۆتێ دیاره تو یێ برسیێ. نە دا نە ستاند خو مت کر. ده ف لێ زوها ببو.

گوت هەرن هنده ك شیری گەرم بکه ن وبده ڤی داکه ن. پشتی هنده ك شیر ب ده ڤی دا کری، ئەو مروڤ رابو سەر

خو ئو تیق و تیق کره که نی. کاروانی مانە مەندەهوش دەما وی چیروکا خو یا رزقێ نڤێسی بو وان هاتیە گوتن.

ئەڤ سەرهاتیە ژ فلکلورێ کوردی یە / ٢٠١٦ دهوک

ژ خو چی !!

ئیڤارەکا هاڤینێ ل دەمێ تری چنینێ، پیرەمەرکێ کورد ل ناڤ رەزی بو یێ شەپرزەبو تری چنیبو دکرە سالکا دا روژا پاشتر دا ببەت سویکێ بو فروتنێ.

ل وی دەمی کورە جحێلەک دبەر رەزیرا دچوو ئو چاڤێ وی ف پیرەمێری کەت ئو دلێ وی چوو هندەک تری. رەق راوستیا ل بەر تەعانی ئو گوتە رەزڤانێ رەزی:

_ خال خودێ قووەتی.

_ پیرەمێری بەرسڤا وی دا گوت: ژ خو چی!!

_ ژبەر چ تە وەگوت خال کا بێژە من. تە جابا خودێ قووەتا من نەدا.

_ ئەرێ مامێ عەزیز. دا بێژمە تە رەحمەت ل دەیک وبابێت تە. دا بێژیە من ئەو چیە؟ دا بێژمە تە: تریە. تو دا بێژی: کا هندەکێ ب دەمن. دا بێژمە تە : نو. بێ گومان دا بێژیە من خال ژ بەر چ؟ ئەز دا هەر ئەڤێ بێژم: ژخو چی. هەما کورت وکرمانجی ئەڤە کورت ڤەبرینە، هەرە ئو ئەز نادەمە تە چنکی چیێ هات وگوت خودێ قووەتا تە ئو من هندەک تری دایێ دێ چ بو خالێ تە دێ مینیت.

٢٠١٦ دهوک / ژفلکلورێ کوردی

ئێ مام ریخە پا ناڤێ بابێ تە چییە؟

روژەکێ پیرەمێرەکێ کورد دچو ناڤ چەمێ خو، ئێکێ فەلە کەتە رێکا وی، پشتی سوحبەتێ یێ کورد گوتە یێ فەلە

مامو من نەزانی کا ناڤێ تە چییە؟

فەلەی گوتێ: خونی ئانگو برا: ناڤێ من میخەیە

بهنەکا خوش پێڤە چو لێ زڤری گوتێ: ئێ مام ریخە پا ناڤێ بابێ تە چییە؟

فەلەی لێ زڤراند وگوت: هەرێ مامو چ بێژم تە، "تە گێرە ژناڤێ من چێکر دا ئەز ناڤێ بابێ خو بو تە

بێژم!"

چنکی هوین دزانن پەیڤا ریخ ب کوردی گویە! ڤێجا لبەر هندێ مامێ فەلە ئەڤ بەرسڤ هویا پر مەبەست گوتێ کو

پشتی هنگێ بو یە گوتن دناڤ جڤاکی.

محو وبابێ کورە

ل باژێرێ دهوکێ ئو بتایبەت ل گرێ باصێ کو دگوتنێ دسالێت شێستێدا مەحلا گینیکا. ل دەمێ شورەشا کوردا

دگەڵ رژێمێت بن گور. زور گوند وێران بون ئو گەلەک خەلک ئاوەرە ومشخت بون، هند خێزانا قەستا دهوکێ کربو. محو

وبابێ خو یێ کورە ژوان تالان ڤێ کەتی بون. کارێ وان گەریان وخازوکی بو چنکی محوی نەدشیا چ شولا بکەت ژبەر

بابێ خو یێ کورە چنکی ئەو یێ پێدڤیێ چاڤدانێ بو. زوربەی جارا دنڤستن ل کولانا ل بەر دیوارا یان دناڤ کولکادا. ژبەر

هەژاری وبەلنگازیا وان دەیکا من ئودەکا بچیک بو وان ڤالاکر.

دەما من خاندنا خو ب تەمامی دهینا ئەز دچومە نک وان، بابێ کورە سوحبەت وسەرهاتیێت خوش دگوتن. ل وی

دەمی من بهایێ وان گوتن وبێژا نەدزانی ئەوێت دهاتن سەر زارێ وی. بەس من زور ژبەر کربون بێ ئەز بزانم کا

مەبەست ورامان ژێ چییە؟

ئێک ژوان گوتنێت وی پیرمەندی بو من گوتی ئو مایە دهزرا مندا ئەڤەیە: دا بێژیت کورێ من بخو ب خوینە دا

بگەهیە مراد وئارمانجا خو چنکی:" کەس بخوزیا، نا گەهتە جوتێ کەزیا". ل وی دەمی من نەدزانی رامانا وێ گوتنی

ئەوە کو ئەز کارەکی بدەست خوڤە بینی ئو خێزانەکێ پێک بینی پشتێ سەرکەڤتنێ. ئو دا کەت وبێژیت نە مینە وەک مە ڤان هەژارا. چنکی یێ خو ب هێلیت ل هیڤیا خەلکی خولیا سەرانە. لاوێ من مەزن دبێژن: "هیڤیا دەرا، خولیا سەرا". هزار رەحمەت ل گورێ تەبن باپیر، وەیە و وێڤەترە.

بەرسڤەکا بێ ئاخڤتن

جحێلەکێ فەقیر وهەژار گەلەک کارکرن، ژژیان خو پێڤەتر زێدە نەکر. زور حەزدکر کارەکی بکەت وب سەرکەڤیت وبیتە دەولەمەندەک. چەند سالا ما ل سەر ڤێ رەوشێ. روژەکێ دبەر دەرێ زەگینەکیرا دچو یێ ل وێرێ راوستیای بو. سلاڤ کرێ گوتێ من پرسیارەکا هەی دێ فەرمێ بەرسڤا من دەی بدرستی. گوتێ بلا بەس وەرە بچینە دقەسرێ ڤە ناڤ کوچکێ. هەردو پێگڤە چونە بێلا سەری وبژور کەتن. گلوپەکا هەلبو، پیچەکێ ئودە یا تاری بو. ئینا کورکی گوتێ پشتی روینشتی سەرقەنەپەی، بەرێز بێژە من بو چی ئەز زەنگین نابم ئو ئەز گەلەک کاری دکەم دژیانا خودا. بەری پیرەمێر بەرسڤێ بدەت، گوتێ هەرە وێ گلوپا هەنێ ب ڤەمرینە ئو وەرە دا بو تە رونکەم ئەو پرسیارا تو پێ هاتی. کورە جحێلی گوتێ نە هەوجەیە ئەز تێ گەهشتم. خاترا خو خازت ودەرکەت ژمالا زەنگینی. برێڤە بخودگوت: ڤەگری وئابوری دڤێت بهێتە کرن دهەمی تشتێت ژیانێدا. بێ وان سەرکەڤتن وزێدەکرن نا هێتە بەردەست وپێش چاڤ. مەزنا یا گوتی:

" ئاڤ زێیە، ئابوری لێ یە."

" نەزانو... بەرێ خو بکە.. جیرانو"

گەلەک رەنگێت زانین وپێزانان مروڤ وەردگریت دقویناغا ژیانا خودا، هەر ژدەستپیکێ هەتا مرنێ. ئێک ژوان چاڤکرنە، کو دبێژنێ چاڤ لێ کرن. ئەو دەما مروڤ سەح دکەتە ئێکێ دی گاڤا کارەکی دکەت یان پێزانینەکێ بەلاڤدکەت مروڤێ نەزان ژوێ ب خو دگریت ئو ب کار دهینیت دژیانا خودا ل پاشە روژێ.

روژەکا نیڤرو چەند رێڤینگ بو نە مێڤان ل مالەکێ ل گوندەکێ کوردا. مالخویێ وێ خێزانێ نە ل مالبو. کابانیێ زانی ئەو دبرسینە، ئینا رولێ خو ب درستی کر، چو کوتکەکێ دوشاڤی پڕکر ئو کەڤیژکەکا تژی کونجی دانا بەر وان وبلەز دەرکەڤت، وێ نەدزانی کو وان ئەڤ رەنگێ خارنێ نەدیتیە کا چەوا دخون؟ پشتی دەرچوی، مێڤان مان حیبەتی ئێکی بەرێ خو کرە یێ دی دگوتنە ئێک ودو کا چەوا دێ شێن ڤی زادی خون بێ نان وبێ کافچک. هەمی مانە وەسا بهنەکا خوش، کەسێ دخورا نەدیت ب چیتە نک وی زادی ڤە. دوێ ناڤ بەینێدا بچیکەکێ مالێ سەر خو ئینا بەر دەروکی وسەحکرە وان. مەزنێ وان نیشان کری وگوتێ وەرە مامو ڤێ بخو. وی زانی ئەو یێ شەهرەزا یە دخارنا ڤی زادیدا. زاروکی نە کرە مەردی وبژور کەفت ئو ل سەر چکێ خو راوستا ودەستێ خو دناڤ دوشاڤێ هەلاند، راکر ل کونجیا دا وبرە بەر دەڤێ خو وئالیست. زڤری داجارەکا دی دەستێ خو لێدەت، ئێک ژوان ملێ وی گرت ئو برە دەر گوتێ هەرە ئەم ڤێ کەتین، تە نیشا مەدا. مێڤان لێ پالە بون دوشاڤ وکونجی کرنە بنک، تشتەک تێدا نەهێلان چنکی دهیلاک بون ژبرسادا.

14-5-2017 Duhok

" چیا برو، گوت: ئەگەر نە بروی، ئەمن بروم "

دبێژن ل گوندەکێ کوردا ئەز نزانم کیژک بو یان دکەڤتە کیری، یان ل کیژدەڤەرێ یە، بەس یا ئەز دزانم، گوندەکێ کوردا تیشێ ئاریشەکا سروشتی بو. کەڤرەکێ مەزن ژچیا ڤەرست ئو ژوردا هات وکەڤتە دناڤ بەربەندا گەلی ب رەخ گوندی ڤە. ئەو دەربەندە رێکا هاتن وچونا وان بو ئو رێکا کاروانیێت دەڤەرێ بو. کەس نەشیا چ چارە لێ بکەت. هەمی کەتبونە دخورکومانکێدا ژبەر گەلەک کارێت وان ب زەحمەت وئیزا کەتبون. دبیژن روژەکێ کا برایەکێ سورا بو مێڤان ل وی گوندی. سەحکرێ سوحبەتا وان خرا هەر سەر وێ تارێتێ بو ئەوا ب سەرێ وان هاتی. ئەوی دیت ئەڤە خوش دەلیڤە یە هندەک پارا ب دەست خوڤە بینیت. ئینا گوتە مەزنێ گوندی ئەز توانم ڤی کەڤری ژوی جهێ ب وەرگێرم وپالدەمە وێڤە ژدەربەندێ ب چەند ئاخڤتنا. بەس بەری ئەز ئەڤێ بکەم من دڤێت هوین بو من پێشەکێ بکەن. ئینا موختاری هەر ژمالەکێ هندەک دراڤ جەماندن بو وی کەسی. بەری روژ بهەلێت وی کەسی قەستا دەرێ گەلی کر، ئو نە هێلا کەس دگەل وی بچیتە وێرێ. گوتە وان هوین سەحکەنە من ژدویرڤە. ئەو کەس گەهشتە دەف کەڤری ئو راوستیا ودەستێ خو درێژ کرە کەڤری ئو گوتێ: " چیا برو، کەڤرو برو، گوت ئەگەر نە بروی، ئەمن بروم ". ئەڤ گوتنە سێ جارا گوت وگوتە ڤە. دگەل هندێ رێکا خو گرت و ب سەر چیای کەت وبەرێ ڤە بو. ئوکەڤر هێلا ل وی جهی هەر وەکی خو. ل وی دەمی گوندیا زانی کو وی ئەو خاپاندن.

١٦-٥-٢٠١٧ دهوک

حنێرێت ژنکان

ژفولکلورێ کوردی

گەنجەک خو نێزیكى ژنکەکێ کر، ئو ئه‌و ژنە ل سه‌ر برکا ئاڤا گوندى بو، وی گەنجی پرسیار ژێ كر وگوتێ : دێ شێ بو من دیاركه‌ى فه‌ند و فێلێت ژنان چنه‌ ئو دگەهنە چ رادەی دا ئەز بزانم؟ ژنکێ ل هنداڤ برکا كانیێ راوه‌ستیا وکرە گرى وكره‌ ها‌وار بده‌نگه‌كێ بلند دا خه‌لكی پێدا بجریێت وگوندى ده‌ما گوه ل هه‌وارێیت وێ بوین د هه‌وارێ هاتن ل ڤێرێ وی گەنجی گوتێ ته‌ بوچى وه‌كر؟

ژنکێ گوت: من وه‌كر دا خه‌لكێ گوندى بهێن وته‌ بكوژن، ئەز دێ بێژمى ڤى کەسی ڤیا شولا خراب دگەل من بكه‌ت .

زه‌لامى گوت : ئه‌ز نه‌ هاتیمه‌ ڤێرێ دا خرابیێ دگەل ته‌ بكه‌م بەلێ من دیت تو ژنکەکا شاره‌زا وتێگەهشتی، ژبەر ڤێ چەندێ من ڤیا ڤێ پرسیارێ ژته‌ بكه‌م! ئو ئه‌گه‌ر ته‌ پێ نه‌خوش بیت ئه‌ز دێ ژڤێرێ چم ؟

خه‌لكێ گوندى برێكێ ڤه‌ دهاتن دا بزانن كا بوچى وێ ژنێ دكره‌ ها‌وار . به‌رى خه‌لكێ گوندى بگه‌هنە وێرێ، ژنکێ جه‌ره‌كێ ئاڤێ بسه‌رێ خودا كر، زه‌لام ما حێبەتی وپرسیار ژێ كر بوچى تە وە کر ؟

دوى ده‌میدا خه‌لكێ گوندى گه‌هشتن ل ده‌ف وان، ژنکێ گوته‌ وان : ئه‌ڤى تولازی ئه‌ز قورتال كرم ده‌ما ئەز كه‌تیمه‌ دبرکێدا، خه‌لكێ گوندى هه‌میا باورکر وسوپاسیا وى كر وكه‌یفا وان پێ هات .وی گەنجی لڤێرێ گوتێ : من پسیاره‌ك ژته‌ كر وته‌ ئه‌ڤه‌ هه‌مى كر ژبەر چ؟ ئو کا بێژه ‌من مەبەستا تە ژڤێ چ بو ؟

ژنکێ گوت : ژن یا هوسایه‌ ئه‌گه‌ر هەوە ئێشاند دێ هەوە ئێشینیت وئه‌گه‌ر هەوە رازى کر ئو ل دیف حەز ومەرامێت وێ كر دێ ل هەوە‌ دلخوش بیت ئو دێ وێ کەت ئەوا هەوە دڤێت.

١٥-١-٢٠١٨ دهوک