بێژ وبەند

حەیرانوک 3: سێ رێز

کچك

لاوكێ دلێ من كه‌وێ له‌نگه

به‌ژنا بلند شوخو شه‌نگه

وه‌رن داوه‌تا لاوكێ من بكه‌ن لمه‌ دره‌نگه

کورک:

هەی کچکا، ل سەر بانی

یا دبژێریت، ئەوی دانی

من تو دڤێی، ما تو نزانی

کچ:

ئو کورکێ ل بەر دەری

تو ب زڕە وەکی کەری

ما هەمی کولاڤ دچنە سەری

كورك:

ب شه‌ڤێ دنڤم خه‌ونا دبینم

ده‌ستا ل دور گه‌رده‌نا یاركا خو دوه‌رینم

سپێدێ رادبم شه‌رمزار ودره‌وینم

کچ:

بهار هات وبهارا لینگی

بزنەکا سەرئاڤێ دهێت کارێ لبەر سنگی

خوزی من لاوکێ خو دیتبا ب رویڤنگی

کورک:

کچکێ دینێ، خەما نەخو دا پیر نەبی

تو کەمەرێ ب شدینە، دا ستویر نەبی

ما تو نزانی بابکێ تە تو یا دایە من، لێڤە نەبی

کچ:

ئەز دێ چمە سەڕێ هەر سێ گرا

ئەز دێ بەرێ خو دەم رێزێت کەپرا

ئەز نەمینم بو خویشکێت بی برا

كورك

سنگێ ته‌ عه‌بدالا خودێ ج

كچێ دينێ ناڤێ ته‌ ب قيمه‌ته‌ەنه‌ته‌

ماچاته‌ چه‌ندا خوشه‌ چ له‌زه‌ته‌

كچك:

هه‌رێ مێڤانو مێڤانێ مێ خێرێوۆ

هه‌كه‌ تو مێڤانی هه‌ره‌ كوچكا مێ مێوۆ

هه‌كه‌ تو رێڤينگی هه‌ره‌ به‌ر ريتكێوۆ

كورك:

ئه‌ز نه‌ مێڤانم ناچمه‌ كوچكا مێ مێوۆ

ئه‌ز نه‌ رێڤێنگم نا چمه‌ به‌ر ريتكێوۆ

ئه‌ز مێڤانێ سنگ به‌رێت ته ‌زه‌ريێوۆ

كچك:

کورکو دینو چومه گه‌لی گه‌لیێ كه‌مه‌كا

ژوردا دهێن وبرێت وه‌رده‌كا

من حه‌یرانێ خو دڤیت ژكه‌ربێت گه‌له‌كا

حەیرانوک 5 : پێنج رێز

کور ودینو:

چ شەڤە شەڤە شەڤا منە

تاکێ لحێفێ راکە و وەرە بنە

کورو دینو نە تڕسە

یان گرتنە یان کوشتنە

یان فەرمانا سەرێ منە

كورو دينو

كورو دينو خه‌ما من توی خه‌يالا ته ئه‌زم

به‌ژنا ته بوشتلا سپيندارا لئاڤا مه‌زن

دێ وه‌ره‌ رویكێت من بگه‌زم

ما تو نزانى بالاڤی مه

گه‌رماڤی مه ئه‌زا ب له‌زم

کورو دینو

دلێ منو، وێڤە وێڤە

قاز وقولنگ مانە ب رێڤە

هوین ب خودێ کەن

بێ دڵیێت دەلالێ من نە کەن

یێ نەساخە، د خەستەخانێ ڤە

کورو دینو

ناڤێ لاوکێ من حەسەنە

سەر مەزنە لێڤ لەگەنە

بەختێ خودێ وبەختێ تەمە

هەکو تو دبەر دەرێ مەرا دبوری

ب من نە کەنە

کورک دبێژیت:

کچێ دینێ

به‌ژنا بلند وه‌خته‌ بشكێ

ئه‌ز دێ چمه‌ زاخوكا ره‌نگين

كه‌مه‌ره‌كا زێری چێكه‌م ل قايدا پشتێ

ئيشه‌لا خودێ مالا وی خراب كه‌ت

يێ نه‌ هێلای بكه‌ڤمه‌ به‌ر كێله‌كێ ل به‌رته‌نشتێ

کچک دبێژیت:

كوركو دينو

كوركو دينو بچين رێڤاسا بچين سه‌رى

كارێ خو بكه ژ كه‌سك وزه‌رى

دێ وه‌ره‌ ده‌ستێ خو پاڤێژه‌

زه‌ندا من عه‌بدالا خودێ

بچين زوزانا ژورى ل ناڤ كوچه‌رى

کورک دبێژیت:

سیبەرێت ئێڤاریا دشورن

رەوشا چەما وەردەک دسورن

سەد قەدا وبەلا

ب یارکێت ڤی زەمانی ب کەڤن

چەند بێ سوزن یار گوهورن

كورو دينو

كورو دينو چومه‌ چه‌ما چه‌م قه‌رسى

من به‌رێ خودا حه‌ودا گولا يێ چرمسى

چ كه‌سێ من ل كولانێ ديت وژێ پرسى

ئاگر به‌ر بو دلێ ره‌به‌ن

ده‌ما زانى ديكا ته‌ يا بويه‌ خه‌سى

حەیرانوک 4 : چار رێز

كورو دینو

ئه‌ز دگه‌لیدا تو دگه‌لیدا

بایه‌ك هات وسینگێ سپیدا

كورو دینو ئه‌ز بو ته‌مه‌

ژ كه‌رب وركێت ڤی گوندیدا

كورو دینو

مازی چنێت گوندێ مه‌ چونه‌ مازيا

به‌ر بون ده‌ر وپشتێت ڤان گه‌ليا

ئه‌ز وده‌لالێ دلێ خو چوينه‌ شكه‌فته‌كا تاری

كه‌تينه‌ حه‌نه‌ك وياری ولاقرديا

كورو دینو

كانيا ل گوندێ مه‌ مه‌رمه‌ره‌

فه‌رشه‌كێ سوره‌ ئێكێ زه‌ره‌

ئنشەلا هه‌چيێ ل ناڤ به‌ينالا دو دلا باخڤيت

نه‌ چيت سه‌ر دينێ پێغه‌مبه‌ره‌

کورو دینو:

ئەڤان دلا گوتە دلا

ئاگر بەربو زنجا ورەزا، باغێ گولا

دێ بلا خودێ حاسڵ بکەت

مرادا نەزانا وبێ عاقلا

کورو دینو:

چ دارەکا دحەوشا مەدا

ئەڤێ دارێ بەلگ وەراندن دخەملا خودا

خوزی مرادا من وتە حاسل ببا

دناڤ لحێف ودوشەکێت قەدیفەید

کورو دینو:

ل رێکا رەزا ئەم دئێک تەشقلین

ل چاڤ وبریێت ئێک فوکرین

خودێ کارێ فەسادا راست نەئێنیت

نەهێلان ئەز ولاوکێ خو ل ئێک بحەسلین

کورو دینو:

چوم باژێری قەسرا سپی کر

ئەز چوم رێکێ رێ ب نیڤی کر

عەزیزێ دڵێ من ب هیڤی بو

خەلکێ فەساد بێ هیڤی کر

کورو دینو:

شەڤا تاڕی بو، روهنی نەبو

چومە پشتا دەری دەرفەت نە بو

من نەزانی لاوکێ من

کاروانی یە ل ماڵ نوبو

چار رێزی (کورک وکچک )

كورك:

ئه‌گه‌ر تو نان پێژی ئه‌ز برسيمه‌

ئه‌گه‌ر تو ئاڤ كێشی ئه‌ز تێنيمه‌

ئه‌گه‌ر تو جوت مه‌مكێت خو دفروشی

ده‌لالێ بخودێ ئه‌ز مشته‌ريمه‌

كچك:

چومه‌ بالاڤێ من بالاڤ نه‌كر

هات مه‌ ڤه‌ ژبالاڤێ من كار نه‌كر

لاوكێ من هه‌ل بوری

كۆری ئه‌زێ سلاڤ نه‌كر

کورک:

من تو ديتی ل سه‌ر بێده‌رێ

ددان مه‌زنێ دفن كه‌رێ

هه‌كو توحه‌فت مالو مێرا بكه‌ی

دێ هه‌ر بێژی خوزيكێت مێرێ به‌رێ

کچک:

هه‌رێ شڤانو شڤانێ په‌زی

ئاگره‌كی هه‌لكه‌ ده‌ستێت من ته‌زی

دابچینه‌ كانیكا دانگا مالا

ده‌ڤێ خو پاڤێژه‌ روكێت قورمزی

کچک:

ژهەشتێ حەتا هەشتێ

چاڤێت من کچکێ کلێ رەش تێ

ئەزێ چەوا چمە زوزانا

لاوکێ خو هێلم ل دەشتێ

كچك:

لاوێ من سڵ بو ژڤان گونديا

گرتبو رێكا پشت خانيا

ئه‌زێ لاوكێ خو زڤرينم

ب حه‌نه‌كو و لاقرديا

كچك:

چوم بالاڤێ ل كانيا مالا

من بالاڤ كر ل گه‌ل هه‌ڤالا

خوزی ئه‌ز وتو بباينه‌

بيك وزاڤا ل ئه‌ڤان سالا

کچک:

دایکا منێ، تویا پێ گوتی

ل هنداڤ سەرێ من، وەک بزوتی

تو ب خودێ کەی

تو نە بە سەبەبا، دلێ منێ سوتی

کچک:

دایکا منێ، تو یا عادلێ

ل هنداڤ سەرێ من، وەک بلبلی

تو ب خودێ کەی

تو نەبە سەبەبا، ئەڤی دلی

کچک:

هەیڤا مە یا هاتیە چاردە شەڤی

چیاکێت گوندێ مە دبلندن، ڤ سەرناکەڤی

چومە بەر بەژنا بلند حەتا نیڤا شەڤێ

مودینکا کارەبانی، یا ل بەر دەڤی

كچك:

وەلا هه‌كه‌ لاوكێ من زڤريته‌ ڤه

دێ ده‌مێ راموسانه‌كێ ژهه‌ر دو رويا

كوركو دينو ئه‌ز سه‌ربانی تو دحه‌وشێ دا

دوو گول شين بون د حه‌دیقێ دا

كورك د بێژيت:

عه يشێ جانێ رابه سه ر خو

كراسێ كتانێ مه‌له‌سى بكه به‌رخو

خوزى من زانيبا راموسان خوشترن

يان قه هوه و چاو گوشتێ به رخو

کچک دبێژیت:

هازێ ل من هازێ

دەنگێ قولنگی، فرینا قازێ

راموسانێت من ولاوکێ من

دخوشن ل ناڤ نهێلیا

ل چەلکێ پیڤازێ

کچک دبێژیت:

چومە چەما چەم پەسارن

چومە گولا بشکوژ خارن

من نەزانی کورکێت ڤی زەمانی

چ دبێ قەولن، دبێ قەرارن

کورک دبێژیت:

چومە چەما چەم دشینن

چومە گولا بشکوژ نینن

من نەزانی کچکێت ڤی دەوری

سەر چ قەول وقەرارا نینن

کچک دبێژیت:

هەی دڵ هەی دڵ

سوار نەبە ل ماهینا بێ جڵ

پەیا نە بە ل مێرگا بێ گوڵ

خودێ حاسڵ نەکەت مرادا نە ژدڵ

کورک:

کچێ دینێ خو ب شه‌لینه‌

ئه‌وی له‌شی هێرڤه‌ بینه‌

له‌شێ من یێ بویه‌ ئاگر

ب ئاڤا خو ب ڤه‌مرینه‌

کچکێ دینێ:

ئەڤێ شەڤێ خو ل شەڤێدا

ئەڤێ تەیری خو ل کەویدا

خوزی مرادا من وکچکا دەلاڵ

حاسڵ ببا وەلا بابو دڤێ مەهێدا