حەیرانوک چاررێز

نڤێسین وکۆمکرن وبەرهەڤکرنا: ئەحمەد عەلی حەسەن

دهوک / ٢٠٢١

حەیرانوک: دێوانێت ئەڤینێ

حەیرانوکێت چاررێز

حەیرانوکێت چار رێز هەر وەسا وەک یا سێ رێز جهێ خۆ یێ تایبەتێ کری ل نک ڤەهینەرێ حەیرانوکێ وزۆر دهاتن ڤەهاندن ب ڤێ شێوەی. یا ب کێش وڤەکێشە دیەکسانن ب سەروا ل دیماهیێ رێزێت دهێت. من یا دیتی دگەلەک نڤێسینێت پەرتوکان ل سەر بابەتێ حەیرانوکێ رێزا سیێ دمالکا سێ رێزیێدا دقەتینن ودکەنە چار رێز ئەو ژی ژبەر درێژیا رێزا سیێ ول ڤێرێ یا سێ رێزی دبیتە چار رێزێ ول نک من ئەڤە نە یا درستە وەک:

کورک دبێژیت

ئه‌گه‌ر تو نان پێژی ئه‌ز برسيمه‌

ئه‌گه‌ر تو ئاڤ كێشی ئه‌ز تێنيمه‌

ئه‌گه‌ر تو جوت مه‌مكێت خو دفروشی ده‌لالێ ب خودێ ئه‌ز مشته‌ريمه‌

کچک دبێژیت

دلێ منو، وێڤە وێڤە

قاز وقولنگ مانە ب رێڤە

هوین ب خودێ کەن بێ دڵیێت دەلالێ من نە کەن یێ نەساخە، د خەستەخانێڤە

كورك دبێژيت

عه يشێ جانێ رابه سه ر خو

كراسێ كتانێ مه‌له‌سى بكه به‌رخو

خوزى من زانيبا راموسان خوشترن يان قەهوه و چاو گوشتێ بەرخو

کچک دبێژیت

ل رێکا رەزا ئەم دئێک تەشقلین

ل چاڤ وبریێت ئێک فوکرین

خودێ کارێ فەسادا راست نەئێنیت نەهێلان ئەز ولاوکێ خو ل ئێک بحەسلین

دمالکێت ژێریدا هەر چار رێزا سەروا خۆ یا تایبەتا یەکسانا هەی وکێم جارا سەروە دهێت جودا جودا ژیێت دی وەک:

کورک دبێژیت

جیاکێت گوندێ مە ب دار مازی

قازی وقولنگ لێ دکەن گازی

حەیفا چاڤێت رەش وبەلەک بەلنگازن

ئەڤرو کەتینە بەر مەزادێ خەلکی دخوازی

کچک دبێژیت

كورو دينو خه‌ما من توی خه‌يالا ته ئه‌زم

به‌ژنا ته بوشتلا سپيندارا ل ئاڤا مه‌زن

دێ وه‌ره‌ رویكێت من بگه‌زن‌

ما تو نزانى بالاڤی مه، گه‌رماڤی مه ئه‌زا ب له‌زم

حەیرانوکێت چار رێز

کچک دبێژیت

کورو دینو دایک وبابا وەل مە کری

ب شەڤ ورۆژا ئەزا دگری

ئاگرێ خودێ یێ ل دل ومێلاکێت من وتە هلکری

یێ لێ دبۆریتە ڤە ئاگر وگۆری

کورک دبێژیت

کچێ دینێ وەرە دەرێ وەرە دەرێ

تە کراس سورێ خزێم زەرێ

ئەزێ تەبەم ب قوەتا خودێ بو ڤێ وەغەرێ

دێ تە بەمە دەڤ مەلایێ پشتە دەرێ

کچک دبێژیت

کورو دینو ئەم نەوێرن ئەم نەوێرن

ئیجاخا مالا بابێ من تژی مێرن

هەمی سەرێت رێکا دێ ل مە گرن

دێ من کوژن ل تە ڤەشێرن

کورک دبێژیت

ئەزێ چمە میسلێ ل سویکا سەری

دێ سلاڤەکێ کەمە پێغەمبەری

دێ کەفیکەکێ کرم سۆر وزەری

دا ب کەمە خەلات ب هاڤێمە سەری

کچک دبێژیت

خوزى ئەڤرو روژا خوتبە با

رێکا تە ل بەر دەریکێ مالا مە با

دا من تێر بەژنا لاوێ خۆ دیتبا

پاشى بلا ڕۆژا قیامەتێ کورزەک زێدە با

كورك دبێژيت

دارەکا دحەوشا مەدا دار بەرینە

دێ وەرە بیستەکێ ل دەف من روینە

من پرسیارکر ژشێخ و مەلا گوتینە

راموسانێت کچکا حەلالن و گونەهـ نینە

کچک دبێژیت

حه‌یران تێت ژ کانیکا

ئه‌ڤینا من وته‌ یا ستی وزینکا

ته‌ پشتی گرانه‌ ژکمکێت نێزیکا

ل به‌ر خودا بنێره‌ کا رستکا موریکا

كورك دبێژيت

چ سال سالە سالا ترى

خودێ مالا فەقیریێ خراب کرى

هەتا من کارێ خۆ کر وگوستیل کڕى

خەلکى بەژنا بلند خاست ونەخت ڤەبرى

کچک دبێژیت

وەرە مالا بابێ من ب مێڤانى

دێ بۆتە سەرژێکەم بەرخو بەرانى

هەکە دەیبابێت من گوتن کانی

دێ بێژم گورگى خارن بەر دارێ شڤانى

كورك دبێژيت

وەرە وەرە جانا منێ

کراس سۆرێ ژرەنگێ دەرسوکا منێ

تو بێهنەکی پالێ خۆ بدە پالێ منێ

بلا ژدەولەتان بێت فەرمانا سەرێ منێ

کچک دبێژیت

هەیڤا مە یا هاتیە چاردە شەڤی

چیاکێت گوندێ مە دبلندن، ڤ سەرناکەڤی

چومە بەر بەژنا بلند حەتا نیڤا شەڤێ

مودینکا کارەبانی، یا ل بەر دەڤی

كورك دبێژيت

خوزی دخوشن موشێ دبەردا

ئەز خولامێ جوت مەمکێت دئێلەکیدا

من تو خازتی بابی نە دا

کچێ دینێ مە دونیا گرت وئاخرەت بەردا

کچک دبێژیت

كوركو دينو بچين رێڤاسا بچين سه‌رى

كارێ خو بكه ژ كه‌سك وزه‌رى

دێ وه‌ره‌ ده‌ستێ خو پاڤێژه‌ زه‌ندا من عەه‌بدالا خودێ

بچين زوزانا ژورى ل ناڤ كوچه‌رى

كورك دبێژيت

سنجانێ ئەردێ هشکە

کەزیا سنجانێ تژى رشکە

یا ژ خەلکی ڤە کەڤشکە

هەمجا سنجان سەر پشکە

کچک دبێژیت

هەی دڵ هەی دڵ

سوار نەبە ل ماهینا بێ جڵ

پەیا نە بە ل مێرگا بێ گوڵ

خودێ حاسڵ نەکەت مرادا نە ژدڵ

كورك دبێژيت

من یارەک دیت ل پشتا بانى

ئیشارەت دا من ب فیستانى

دێ لەزکە بدە من راموسانی

تۆ یا بلەزى وئەز کاروانى

کچک دبێژیت

چ شەڤە شەڤە شەڤا منە

تاکێ لحێفێ راکە و وەرە بنە

کورو دینو نە تڕسە یان گرتنە یان کوشتنە

یان فەرمانا سەرێ منە

كورك دبێژيت

لسەر بانا تێم ودروینم

روندکا ژچاڤا دوەرینم

خالا خەلکى درەوینم

ئەز ئاشقێ چاڤێت شینم

کچک دبێژیت

ئه‌ز ل گه‌لیکا تو ل گه‌لیکا

ئه‌زێ بێژم سترانا تو ڤه‌ده‌ ته‌ویکا

ئه‌زێ بده‌م ته‌ جوتێ به‌ربسکا

تو بده‌ من ئێک ته‌مه‌ ریکا

كورك د بێژيت

ئەز کەوم کەوەکێ دینم

بەرمڵکا دەرێ دوڵکا دخوینم

خوزیا من ئەوە تە ببینم

ئەزئاشقێ بەژنا شرینم

کچک دبێژیت

هەوار هەوار بەنگی

تە شەل وشەپک سۆرن ژقەهوە رەنگی

نێ ئێڤارە ل من بو درەنگی

ما ل هیڤیا تە بم حەتا کەنگی

كورك دبێژيت

نە من دەشتە نە زوزانە

نە من کولە نە کوڤانە

یێ من دەردە نە دەرمانە

حەکیم خودێ ولوقمانە

کچک دبێژیت

دلکێ منو ڤێرا ڤێرا

دەوسا میهێ ل دیف بزنێ را

خوزى ژخێرا خودێ را

ببامە سەعەتەکا زێرى د بەژنێ را

كورك دبێژيت

هەیڤا مە، یا هاتیە چاردە شەڤی

چیاکێت گوندێ مە دبلندن ب سەر ناکەڤی

چومە بەر بەژنا بلند هەتا نیڤا شەڤی

مودینکا کارەبانێ یا ل بەر دەڤی

کچک دبێژیت

ناڤێ گوندی مە گوندکە

گیایی گوندی مە ب گوپکە

ئاڤا گوندێ مە ب سڕکە

ناڤی کوری موختارێ مە کوڕکە

كورك دبێژيت

چیاکو بلندو دارا رەشکێ

کەزی وبسک شۆربون سەر دارا مەشکێ

راموسانەکێ بەردە سەر جانی سەر لەشکێ

دا دلێ عەبدالێ خودێ نەشکێ

کچک دبێژیت

دلکێ منو ڤێرا ڤێرا

دەوسا میهێ ل دیف بزنێرا

خوزى ژخێرا خودێ را

ببامە سەعەتەکا زێرى د بەژنێ را

كورك دبێژيت

خوزی هەر روژ یا غەیریبا

کولانا مالا مە هەر یا تاریبا

دلێ من ب خەنجەرێ هنجینیبا

نە کو یارکا من دمالێت خەلکیبا

کچک دبێژیت

كورو دينو چومه‌ چه‌ما چه‌م قه‌رسى

من به‌رێ خودا حه‌ودا گولا يا چرمسى

چ كه‌سێ من ل كولانێ ديت وژێ پرسى

ئاگر به‌ر بو دلێ ره‌به‌ن ده‌ما زانى دەيكا ته‌ يا بويه‌ خه‌سى

كورك دبێژيت

عەورە هات ژئەسمانی

تەرگ باریبو ل زوزانی

خەلکێ گوندی هەمیا زانی

ل سەر مە کر کافرستانی

کچک دبێژیت

ئەز یا کورتم بلند نابم

زێرێ زەرم خراب نابم

مازیا شینم بێ بها نابم

ئەز یا تە مە لێ ڤە نابم

كورك دبێژيت

هەرێ جانا ل بەر ڤی جانی

خوزی من بێهنەکێ سەرێ خۆ دانی

سەر وی چوکی ل سەر وی رانی

باشی ل سەر من راببان فەرمانا ئاغا وسولتانی

کچک دبێژیت

چوم نزارى نزارى تارى

کەڤوتا شینکر لناڤ دارو بارى

لاوکێ من یێ چویە کەزاخا رەزى

وەیلا ل منێ کورێ ئەز نەچومە هارى

حەیرانوک چار رێز.pdf