دیوانا دلینی

لێکدان وخرڤەکرن وبەرهەڤکرنا: ئەحمەد عەلی حەسەن

دیوانا دێوانێت دلینی

(پیتا ( ئا، ئێ، ئی، ئە، ئو، ئۆ

مالکێت دلینی دناڤ بەرا دوو ئەڤنینداران (کچک وکورک) ب رەنگێ گڤتنێ وەک نامێت کورت کو دبێژنێ

(نامێت ئەڤینداران)

کچک دبێژیت

ئەز چەند جارا هاتمە مالا بابێ تە تو نە ل مال

وەیلا گوندێ خروخالی تە ئەز کرمە پیژنەکا هزار سال

کورک دبێژیت

ئەڤ زڤستانە چەندا ب ئێش وژانە گەلەک

یا خەریبیێ دبارینیت سەر من وچاڤێت بەلەک

کچک دبێژیت

ئەز ل سێ گرا تول سێ گرا

ستێرا سپێدێ ب روندك وچرا

ئەز نه مینم بوحالێ مسافرا

کورک دبێژیت

ئه‌ز نه‌ مێڤانم ناچمه‌ كوچكا مێ مێوۆ

ئه‌ز نه‌ رێڤێنگم نا چمه‌ به‌ر ريتكێوۆ

ئه‌ز مێڤانێ سێنگ وبه‌رێت ته ‌زه‌ريێوۆ

کچک دبێژیت

ئەز دێ مرم، قەت نا مرم

روژ بو روژێ خراب ترم

کەڤتیمە بەندا مێرێ پیس وچەپەل هەتا دمرم

کورک دبێژیت

ئەزکەوم کەوەکێ نێرم

بەرملکا ژوردا گیا دبژێرم

ئاشقێ چاڤ ژنکێت ب مێرم

کچک دبێژیت

ئەز سەر بانى تۆ ل سەر بانى

تە دەرسوک گرێدا فەلەکانى

ئەز یا تەمە تە نە دزانى

کورک دبێژیت

ئەز چومە ڤى چیاکى چەندێ هوینە

گوهێ خو دابو قەب قەبا کەوینە

من پسیارکر ژهەڤال وهوگرا

گوتن یارکا تە دگەل مە نینە

کچک دبێژیت

ئەز دێ چمە میسل سریچ خانێ

دێ خۆهاڤێ مە سەر بەختێ سوڵتانێ

دا لاوێ من بەردەت ژ قەید وزیندانێ

کورک دبێژیت

ئەز کەوم کەوەکێ دینم

بەرمڵکا دەرێ دوڵکا دخوینم

خوزیا من ئەوە تە ببینم

ئەزئاشقێ بەژنا شرینم

کچک دبێژیت

ئەز گولم گولا سپێمە

ل ناڤ باغی ئەفندیمە

هەکە تو حەفت ژنا بینی

ئەز عەزیزا بەر دلێ تە مە سەر هەوی مە

کورک دبێژیت

ئەز بلبلم بلبلەکی دینم

شەڤ دنڤم ب رۆژێ دخینم

ئەز عاشقێ بەژنا شرینم

کچک دبێژیت

ئه‌ز دگه‌لیدا تو دگه‌لیدا

بایه‌ك هات وسێنگێ سپێدا

كورو دینو ئه‌ز بو ته‌مه‌

ژكه‌رب وركێت ڤی گوندیدا

کورک دبێژیت

ئه‌ز حه‌یرانێ ئه‌وى ده‌ڤى

ته‌ سێنگ هه‌یڤا چارده‌ شه‌ڤى

ئه‌ز دێ هینگێ ته‌ركا به‌ژنا ته‌ یا بلند كه‌م

سه‌ر چیاكێ سیپانێ ببیت زه‌ڤى

کچک دبێژیت

ئه‌ز ل گه‌لیکا تو ل گه‌لیکا

ئه‌زێ بێژم سترانا تو ڤه‌ده‌ ته‌ویکا

ئه‌زێ بده‌م ته‌ جوتێ به‌ربسکا

تو بده‌ من ئێک ته‌مه‌ ریکا

کورک دبێژیت

ئەز ل مالاخو نارینم

گوتنێت خەلکی لدویف تە نا برینم

ئەز ھنگی دراوستم

تە ژپیسە مێرێ خراب بستینم

کچک دبێژیت

ئەز یا کورتم بلند نابم

زێرێ زەرم خراب نابم

مازیا شینم بێ بها نابم

ئەز یا تە مە لێ ڤە نابم

کورک دبێژیت

ئەز قەری مە کە ریێ قەرێ دینم

ب شەڤێ دنڤم ب روژێ دخوینم

ئەز عاشقا لێڤێت شرینم

کچک دبێژیت

ئەز سەر بانی تو دحەوشێدا

دو گول شین بون دحەدیقێدا

یا ژخەلکی ڤە ئەزا دینم

وان نەزانی عاشقا بەژنا شرینم

کورک دبێژیت

ئەز ل ما لا خو نا رینم

گوتنێت خەلکی لدویف تە نا برینم

هنگی دراوستم تە ژپیسە مێرێ خراب بستینم

کچک دبێژیت

ئەز سەر بانی تو دحەوشێدا

دا دو گول شین بن دحەودێدا

خوزی مرادا دلی من حاسل ببا

ژکەر بێت خەلک وعالمێدا

کورک دبێژیت

ئه‌زێ ل به‌ر ‌په‌نجه‌رێ تو ل په‌نجه‌رێ

به‌ژن بلندێ كه‌زى زه‌رێ

تو دلێ خو قه‌د نه‌هێله‌ ئه‌ز وتو دێ بینه‌

له‌یل ومه‌جنونێت ده‌ورێ به‌رێ

کچک دبێژیت

ئەزا سلم ئەز سل نابم

عەردێ تو لێ ئەز لێ نابم

ژچاڤ وبرهێت تە تێر نابم

کورک دبێژیت

ئینشەلا خودێ ھاژ ته نە بیت

ل گوتنا تە ئاکەھ نە بیت

عەیالێ منێ ھویرە پشتی دایکێ دێ پەرکندە بیت

کچک دبێژیت

ئهزێ كوبكم ژمالو ملكه

كوركو دينو ماهينێ بهرده‌ جانيێ جلکە

ژنا خراب نابیت مال وملکە

کورک دبێژیت

ئەز ل تاخه کی تول تاخە کی

سورگۆل شین بون ناڤ باخە کێ

خوزی ل وێ رۆژێ سەری مە

دکه ڤيته ل سەر بالکەکی

کچک دبێژیت

ئەزا کورکوی مە

عاشقا چیا وگل وگیا

هەرشەڤ خازگین یێت من دهێن

من کەس نە ڤیایە ژهەمیا

دێ تو وەرە من بخازە

یان برەڤینە سەرێ چیا

کورک دبێژیت

ئەز ل تاخەکێ تول تاخەکێ

سورگۆل شین بون ناڤ باغەکێ

خوزی ژخێر ومرادێت خودێرا

سەرێ من ولاوکێ دەلال

کەتبا سەر بالیفکەکێ

کچک دبێژیت

ئەرێ سوارو سوارێ ماھینێ

ئینشەلا ل تە بشکێت باسکێ قەلینێ

بلا ژنکا تە بمریت ب حەلالی ئەز ب ھێمە شوینێ

کورک دبێژیت

ئەز ل سەر بانا تێم ودبورم

یاژ خەلکی ڤە ئەزێ کورم

خەلک نزانن ئە عاشقێ

بەژنا بلند ودیمێ سورم

کچک دبێژیت

ئه‌زێ دو سێڤا بو ته‌ کەمه‌ خه‌لات

هه‌تا کو مه‌لا بده‌ت بانگ وسه‌لات

یان ژی حه‌تا رۆژ ل من وته‌ هه‌لات

کورک دبێژیت

ئەز دێ مرم من نەبەنە ناڤ مریا

زیارەتێ من بکولن ل ناڤ گەلیا

دا بهێتە گەهێت من دەنگێ ڤان شڤانا

مەنجەلوکێت ڤان بێریا

کچک دبێژیت

ئەز ل گه لیا تو ل گه ليكا

ئەز دی بيژم سترانا تو ڤەدە ته ویكا

ئەز دێ دمه ته جوتی به ر بسكا

تو بده من ئێكێ تەمەریکا

کورک دبێژیت

ئەز نە دینم، تە دینکرم

ژئاقل وسەودا خلاس کرم

کرمە پور وعەبدال

ب چول وبەیارێت کوردستانێ وەرکرم

کچک دبێژیت

ئەز ل گه لییا تو ل گه ليیا

ئەز دی بيژم سترانا

تو ل من ڤەدە تەوێنیا

ئەز دێ دمه ته جوتێ بەربسكا

تو بده من ژتەمەرییا

کورک دبێژیت

ئەز ل تاخەکێ تو ل تاخەکی

مە گول چاندن ل ناڤ باغەکی

خوزی وسەد خوزیکێت هینگێ

دەمێ دچین ناڤ وارەکی

کچک دبێژیت

ئەز ل تاخەکی تو ل تاخەکی

دو گول سور بون ل ناڤ باخەکی

خوزی وسەد خوزیکێت هینگێ

دو سەر چنە سەر بالگەکی

کورک دبێژیت

ئەزێ هاتیمە مالا بابێ تە دەر ڤەنەبو

من هندی گازی کرە عەزیزا دلێ خوە

یا دخەو بو ژخەو را نەبو

عەزیزا دلێ منو تە دلێ من کرە پیش وپەلخێ

ڤێ پائیزێ، گوری لێ چو بای لێ دابو

کچک دبێژیت

ئەز دێ مرم وەرە دەف من

کراسێ خۆ بکە قەل قەلە بکە بەرمن

هەکو خەلک وعالەمێ گوتى

بێژە ئەمرێ خودێ یە هاتیە سەرمن

کورک دبێژیت

ئەزێ هاتیمە دەرێ مالا بابێ قول قەلەکر

هندی منێ گازی کرە تە

عەزیزا دلێ منێ تە دەی نەکر

دێ وەرە جوتەکێ راموسانا ژمن رابکە

تە دلێ من کەر ب کەرکر

کچک دبێژیت

ئەز لڤی بانی تو ل وی بانی

تو هچکا بەردە مامە شیانی

ئەز نەمرم دێ ڤی جانی

دان مە بەر وی جانی

کورک دبێژیت

ئەز تو پێش مقابلین

چاڤێت مە رەقبون هندی تێک دفکرین

دێ سەرەکی بو شێخێ بەغدایێ دەم

هەتا ئەز وبەژنا بلند لێک ب حەسلین

کچک دبێژیت

ئەز نە خوشم ل ناڤ نڤینا

بەرێ من کەڤتە مالێ پشتا من کەڤتە شالاشینا

خوزی من زانیبا دەلالێ دلێ من

دێ ژمن راکەت دوعا یان نفرینا

کورک دبێژیت

ئەز ل سەر ئاڤێ تو ل هنداڤێ

خوزی عەورکێ رەش هاتبا ل هنداڤێ

هەکو یارکا من دهێت دا نە رەببا بەر هەتاڤێ

کچک دبێژیت

ئەز ل سەرێ گری تو ل سەرێ گری

پێلاڤا سۆر سوبغ کری

کەنگی من شیکریە تو دکەیە گری

کورک دبێژیت

ئەز ڤی گری تو ل وت گری

قوندەرا رەش سبخ کری

چاکێتێ رەش ئوتیکری

ما من شیکر یە تە خو سلکری

کچک دبێژیت

ئەزا ل زینیێ تو ل زینیی

ج کەسێ ب دەتە من مزگینیێ

ئەز دێ دەمێ بسک وچغێن سەر ئەنیێ

کورک دبێژیت

ئەز دێ بێژم ئەز دێ بێژم

دێ بتلەکێ گولاڤێ

ل سەر کەزی وبسکێت تە دا رێژم

ل نک دلێ من ئیجاخا مالا بابێ تە

هەمی جوهی نە ریهێت درێژن

کچک دبێژیت

ئەز ددەرێدا تو دەرێدا

گوشتێ حەلیای دسەر هەستیدا

ئەز هینگێ تەرکا بەژنا بلند بکەم

مری رابن دکفنێ سپیدا

کورک دبێژیت

ئەز چوم ناڤ رەزی

من کچەک دیت یا ب بسک وکەزی

من دای دیت دلێ من ژکچێ تەزی

کچک دبێژیت

ئەزێ چومە سەرێ سێ گرا

من بەرێ خودا ئاگرێ شڤان وگاڤانا

ل بەر چاڤێت من بونە شالیل وچرا

خوزیکا ژخودێ من زانیبا

کا ئەڤینا ژن ومێرا خوشترە یان خویشک وبرا

کورک دبێژیت

ئەز ڤی گری تو ل وی گری

سورکرن خوخا شین کر تری

ئەز قوربانا وان دەیبابا بم

یێت تو ب نیڤا دلێ من چیکری

کچک دبێژیت

ئەزا کورتم درێژ نابم

مازیا شینم هشک نابم

ئەز یا تە مە لێڤە نابم

کورک دبێژیت

ئەز دێ بێژم هایێ ل من هایێ

پشتی من تو هێلای ئەز گەریام

ل هەر چار قورنەتێت دونیایی

ئەز زڤریم ب پەشیمانی

تو نەبی بێهنا من ب کەسێ نابی

کچک دبێژیت

ئەز ل سەر بانا تێم ودروینم

یا ژخەلکی ڤە ئەز یا دینم

خەلک نزانیت ئەز عاشقێ چاڤێت شینم

کورک دبێژیت

ئەز ل سەر بانا دهێم ودنالم

ل بەر بانا دهێم ودنالم

یا ژخەلکی ڤە ئەز عەبدالم

بەلێ ئەز رەبەنێ خودێ عاشقێ

چاڤ وبریا ودێمێ ب خالم

کچک دبێژیت

ئەز ڤێ گەرێ تو ل وێ گەرێ

تە شەل شینو ل سەر وێ گەری

یان من بخازە یان من ب گەرێ

کورک دبێژیت

ئەز بلبلم بلبلەکی دینم

شەڤ دنڤم ب رۆژێ دخینم

ئەز عاشقێ بەژنا شرینمکچ

ئەز شالیل بوم بو مە بلبل

بیستانێ بێ گول

خودێ وێران کەت شولا نە ژدل

کچک دبێژیت

ئەز نە گولم نەیا دیمە

ئەز کاغزا حبرێ سپیمە

ئەزا دایمە پیسە مێرەکێ گوری

حەتا مرنێ بێ هێڤی مە

کورک دبێژیت

ئێڤاری مەغرەبە

کەو کوکێ کێڤیا دخوینن سەرێ مەسەبە

کچێ دینێ تە کوشتێ من خار

ژهەستیکێت من ڤەبە

کچک دبێژیت

ئەز گولم گولا سپیمە

ل ناڤ باغێت ئەفەندیمە

تو حەفت ژنا بینی

ئەز هەر سەر هەویمە

کورک دبێژیت

ئەز ل مالاخو نارینم

گوتنێت خەلکی لدویف تە نا برینم

ئەز ھنگی دراوستم تە ژپێسە مێرێ خراب بستینم

کچک دبێژیت

ئەزێ دو سێڤا بو تە بکەم خەلات

هەتا کو مەلا بدەت بانگ وسەلات

یان ژی هەتا رۆژ ل من وتە دهەلات

کورک دبێژیت

ئەزێ چومە سەرێ چیایێ گینیێوو

من بەرێ خو دایە دارکێت گویزیوو

خوزی ئەز جوتەکەکێ مازیا بامە ل پاخلا یارێوو

کچک دبێژیت

ئەزێ کو بکم ژمال وملکە

ماهینێ بەردە جانیێ چلکە

ژنا خراب نابیت مال وملکە

کورک دبێژیت

ئەزێ کەوم کەوێ نێرم

دێ چمە سەرێ چیایەکی

ل گوندێ مالا بابێ خو هەلنێرم

خەلک وعالەم عاشقێ زێر ومالێ دنیایێ نە

ئەز عاشقێ ژنکێت مال ومێرم

کچک دبێژیت

ئەز ل سەر بانا تێم ودمەشم

یا ژخەلکی ڤە ئەز نە خوەشم

خەلک نزانیت ئەز عاشقێ چاڤێت رەشم

کورک دبێژیت

ئەز دێ بێژم ئەز دێ بێژم

دێ بتلەکێ گولاڤێ ل سەر کەزی وبسکێت تە دارێژم

ل نک دلێ من ئیجاخا مالا بابێ تە هەمی جوینە، ریهه درێژن

کچک دبێژیت

ئەز دێ مرم رۆژا چارێ

قەبرێ من ب کولە ل بنێ دارێ

هەکو بهارا تێنە سەیرانێ

دا بێژن هزار رەحمەت ل گۆرا کوفی خارێ

کورک دبێژیت

ئەز ل سەر بانا تۆ ل سەر بانا

تە چاڤ سوتن ژبەر دەرمانا

تە کورێت خەلکی کوشتن ب کول وکوڤانا

کچک دبێژیت

ئەز کوچەرم گوندی نابم

زێرێ زەرم خراب نابم

ئەز بریندارا حەفت خەنجەرا بم

ژبەر تەنشتا لاوکێ خۆ رانابم

کورک دبێژیت

ئەز حەیرانێ ئەوی دەڤی

تە سینک هەیڤا چاردە شەڤی

ئەز دێ هینگێ تەرکا بەژنا تە یا بلندکەم

سەرێ چیایێ سیپانێ بیت زەڤی

کچک دبێژیت

ئەز پیربوم لنگ وقەدەم نەما

دەڤ وددان من کەڤتن بونە شەما

ئەڤە حەفت سال تەمامن ئەز ل هیڤیا تەماکچک دبێژیت

کورک دبێژیت

ئەز دزانم جانا ل بەر دەری

نە یێ سلم دێ چمە سەری

ناڤ مەلا وئینس وپێغەمبەری

تو یارا منی وەی تاجا سەری

کچک دبێژیت

ئەزکچم کچا گوندی

یێل بەرمن کراس وفیستان ب لەوندی

سەرێ حەفت سالا مام ل هیڤیا کورێ گوندی

کورک دبێژیت

ئێڤاری دخوشن

دو زەری ئەسمەر دئاڤێدا دمەشن

داخازا کورکا کچکێت چاڤ رەشن

کچک دبێژیت

ئێڤارە درنگە روژ چو ئاڤا

تە قەلەمێ رەشە ل باسکێ چاڤا

ئینشەللا هندی ئەز کچ بم دمالا بابێ خودا

تو ل مالا بابێ خو نە بیە زاڤا

کورک دبێژیت

ئێڤاری دهینن کیسکێت کتانی

سەر مەمکا دخۆرینن بیانی

دتەحلن خویانی، دشرینن بیانی

کچک دبێژیت

ئێڤاری بەر ئێڤاری

کەڤوتا شینە ل بەرریباری

هێسترا لاوکێ من جەحشە خونا دەتە بەر باری

ئەگەر من ترسا باب و براکێت خو نە با

دا دەستا هەل دەم و چمە هاری

کورک دبێژیت

ئێڤاری دخوشن

دو زەری ئەسمەر دئاڤێ دا دمەشن

دا خوازا کەرکا کچکێت چاڤ رەشنکچ

ئێڤارەکێ چ ئێڤارەکێ

دەلالێ دلێ من چو سەر کانیکەکێ

من چ هێجەت نە بین هەکە دا چمە بەراهیکێ

کچک دبێژیت

ئێڤاریە روژ چو ئاڤا

هند یێ ل سەرێ سویکا هند ل ناڤ ئاڤا

کورە لاوکێ دەلال ئەڤرو ئەز کوشتم ب ئاورێت چاڤا

کورک دبێژیت

ئێڤارە ئەزێ ب لەزم

دێ وەرە دا رویکێ تە ماچی بکەم مەمکێ تە بگەزم

هەکە تو مریدا شێخی بی، شێخێ تە ئەزم

کچک دبێژیت

ئێڤاری درەنگە

چیاکێ مەتینا لێ تێتە ڤە دەنگە

من نەزانی راپێچا لاوکێ من هند یا دەلالە هند یا شەنگە

کورک دبێژیت

ئێڤاری یە وەختە

سەرێ سیبەرێ گەهشتە مالکێت مشختە

کورکێ درستە، بەلێ کچکا بێ بەختە

کچک دبێژیت

ئێڤاری دەمە، ئێڤاری دەمە

تو بەس بکە دلێ من کوڤان وخەمە

تو بخو دزانی ئەز هەر یا تەمە

کورک دبێژیت

ئەڤینێ چ خۆش ئەڤینی

بدار وبەرا بکەڤی دحەلینی

چ کەسێ ناڤ منو بەژنا بلند باخڤیت

یێ ژهەمیا عەزیزتر ئەو ب هەلینیت

کچک دبێژیت

ئێڤاری ب ناڤن، ئێڤاری ب ناڤن

قودیکیت قەدیفە تیرازێت ئارمیشی دناڤن

کچ ئاشقێ سمبێلێت رەشن کور ئاشقێ بەژنێت زراڤن

کورک دبێژیت

ئێڤاری ئێڤاریێت هینە

رسکێت مەرجانا دئەسلدا زەیتینینە

هەکە من ژبەر تە نەبیت

تژی ئیجاخا بابێ من زەرینە

کچک دبێژیت

ئێڤاری ئێڤاریێ دهورن

رسکێت مەرجانا ئەسلیدا مەرجان ودرن

هەکە من ژبەر تە نەبیت

تژی ئیجاخا بابێ من ژی کورن

کورک دبێژیت

ئەڤیندارم ئەز هەر ئەزم

دێ خو کەمە زرکێتک ودەستێ بابێ تە گەزم

تو حازرکە بوخچکا چلا دەستی بدەڤە یێ تە درەڤینیت ئەزم

کچک دبێژیت

ئێڤاری دەمە، ئێڤاری دەمە

چوخ رەشو ئەز یا تە مە

هەکە تو گول موحەمەدی

ئەز ژنوی پێڤە سولینە مە

کورک دبێژیت

ئەڤینی خوش ئەڤینی

دێ بلا یارا من ببا شانا هنگڤینی

دا هەرو سپێدێ من خاربا ب لەخرینی

کچک دبێژیت

ئێڤاری دهوینن، ئێڤاری دهوینن

کراسێت کتانی سەر مەمکا دخورینن

وەرە من ژبابێ من ب خوازە

هەکە ئەز نەدا مە تە خەتێت من نینن

کورک دبێژیت

ئەم جیرانێت دەر ب دەرى ڤە

گوشتێ حەلیاى ب سەر هەستى ڤە

ئەز هینگێ تەرکا بەژنا بلند کەم

حەتا مرى رادبن ب جانگێ سپى ڤە

کچک دبێژیت

ئێڤاری وەختن

سلاڤێت یارا سیبەر وتەختن

کچک ئاشقن، کورک بێ بەختن

کورک دبێژیت

ئەوا دهێت ژخەندەکێ

بەژن بلندێ بسک خەلەکێ

خودێ خراب ب کەتن مالا سەبەبکارا وڤێ فەلەکێ

کچک دبێژیت

ئەرێ دایێ تۆ دەى نەکە

بەختێ خۆ دگەل من خراب نەکە

ئەڤینا دلێ من بەرزە نەکە

کورک دبێژیت

ئەڤرو حەفتە، سوبە هەشتە

رێکا ل بەر من دەشتە

چ عەردێ یارکا من لێ

ل بەر من بەحشتە

کچک دبێژیت

ئەرێ سوارو سوارێ ماھینێ

ئینشەلا ل تە بشکێت باسکێ قەلینێ

دێ بلا ژنکا تە بمریت بحەلالی ئەز بھێمە شوینێ

کورک دبێژیت

ئەڤێ شەڤێ خو ل شەڤێدا

ئەڤێ تەیری خو ل کەوێدا

خوزی مرادا من وکچکا دەلال

حاسڵ ببا وەلا بابو دڤێ مەهێدا

کچک دبێژیت

ئەڤ شەم شەڤا من وتە بو

دیوانا لاوکێ من گران بو قەت را نەبو

هەتا نیڤا شەڤێ فنجانێت قەهوێ

ژدەست لاوکێ من خالی نەبو

کورک دبێژیت

ئینشەلا خودێ ھای ل تە نە بیت

ل گوتنا تە ئاکەھ نە بیت

عەیالێ من ھویرە پشتی دایکێ دێ پەرکندە بیت

کچک دبێژیت

ئینشەلا بابکێ منو تو خێرا بکەی خێرا نە بینی

گەنمی ب هاڤێژی، زیوانێ ب هلینی

هەکو تە ئەز نە دایمە ئێکێ ل حینو مەجالێت من دا

دا خێرێ بکەی وخێرێ ببینی

کور دبێژیت

ئینشەلا خودێ ھای لتە نە بیت

ل گوتناتە ئاکەھ نە بیت

عەیالێ من ھویرە

پشتی دایکێ دێ پەرکندە بیت

کچک دبێژیت

ئەزا سێری مە

یا ب کراس وکورتەک ولەونیێت سپی مە

کورو دێ بەلا خو ژمن ڤەکە ئەز مریدا شێخی مە

کورک دبێژیت

ئەڤرو حەفتە، سوبە هەشتە

رێکا ل بەر من دەشتە

هەر جهێ یارکا من لێ

ل بەر من بەحشتە

کچک دبێژیت

ئەرێ سیارو سیارێ ماهینێ

ئیشەللا دێ فری، ل تە بشکێت

شڤا پشتێ باسکێ قەلینێ

ژنکا تە بمریت ئەز بهێم شوینێ

کورک دبێژیت

ئەڤرازی ل بەر ئەڤرازی

فرینا یارێ فرینا مازی

دێ بلا سەد قەدا وبەلا

ب یارکێت ڤی زەمانی ب کەڤن

هویێت ب کوتەک وقەتلازی

کچک دبێژیت

ئەم جیرانین دەر بدەرین

خزێم شۆرین خزێم زەرین

هەتا مرنێ دل کوڤان ودل ب کەسەرین

کورک دبێژیت

ئەزێ ب لەزم

گەردەنێ ب هەلینە دا بگەزم

هەکە تو مریدا شێخی بی، شێخێ تە ئەزم

کچک دبێژیت

ئەڤرازی ب رکن

سەرێ مەطالا بەردا کەڤرکن

هەچیێ خودانێ یارکا کچین بیت

ئەڤرازی ل بەر سڤکن

کورک دبێژیت

ئەللا وەکیلە

سینگێ تە دەرە، تبلا من کلیلە

وەرە بیستەکێ لدەف من روینە ل من نە کە حیلە

کچک دبێژیت

ئاڤا شەتی لەملەمە

رەخەک تورکە ئێک عەجەمە

گەمیڤانو بەختێ تە مە

پسمامێ من دەربازکە

ئەز رەهینا حەقێ تەمە

کورک دبێژیت

ئەرێ گولێ گولە زەرێ

بێهن خوشی ورەنگ گەوهەرێ

ژدلی دەرکەڤی کەسەرێ

نینن وەک تە ل ڤێ دەڤەرێ

کچک دبێژیت

ئەز پیربوم من قەدر نەما

دەڤ وددانێت من کەفتن بونە شەما

ئەڤە حەفت سال تەمامن، ئەز ل هیڤیا تە ما

کورک دبێژیت

ئەزێ ب لەزم

تو گەردەنێ ب هلین دا ئەز ب گەزم

هەکە تو مرێدا شێخی بی شێخێ تە ئەزم

کچک دبێژیت

ئەزا گوندی مە

ئەز ب کراسێ کتانێ کورتەکێ ئەتلەسێ سپیمە

تو دەستا ژمن نەدە ئەز مریدا شێخیمە

کورک دبێژیت

ئەی قورمچیا وەکی هیژیرا

دی تە کرم ل بەر زیرا

تەنادم ب حەفت نازدارا

ل بەر دلێ من شرینتری

ژهینگڤینی چیا

کچک دبێژیت

ئامێدیێ ب لەڤەنە

سەرێ لەڤەنا هەمی بکولتەنە

هندی عەبا چوخ ل وێرێ هەبن

عەبابەتی چ سەنە

کورک دبێژیت

ئەز ل سەر بانا، تو ل سەر بانا

ئەز نا حەوینم، هەستی گرانا

دگەل هەوە ناکەم یاری وترانا

یان وەکی مە بن، یان وەکی وانا

لسەر ڤێ ئاخێ چ جار پێک ناهێین

وەرن دا بچینە تورک وئیرانا

دێ لوێرێ حەل کەین پرس وقەیرانا

دژمنێت هەڤ دو، دوستێن جیرانا

کچک دبێژیت

ئەز ل گوندی

تو ل باژێری

تە بەرگیزێ شین ل بەر خو کری

ئەز گوری وێ دایکێ بم

یا تو لاوکی دەلال

بومن عەبدالا خودێ ب خودان کری

کورک دبێژیت

ئەز ل مالا خو نارینم

گوتنێت خەلکی لدویف تە نا برینم

ئەز ھنگی دراوستم

تە ژ پیسە مێرێ خراب بستینم كوركو دينو

ئەزێ بێمو گەلاڤێژە گەلاڤێژە

بەس لسەر بانی وەرە وهەرە خو بهەلاڤێژە

بێ هیڤی بە شوی ب تە ناکەم

وێ خەترێ ژبەر دلێ خو پاڤێژە

کچک دبێژیت

ئێڤارە ل بەر ئێڤاری

ئێڤاريا خێرا مەلا چوونە مزگەڤتا

قەشە چوونه حەرامە دێرا

جهی چوونە کەنیسا

دێ هەمی بوو من و لاوکێ من دوعا کەن

دا خودێ ل من و لاوکێ من ڤەکەت دەرگەهێ خێرا

کچک دبێژیت

کورکو دینو

ئەز پورم، پورا چەما

منا خواندی هەمی دەما

من لاوێ خو ژئیجاخەکێ دڤیا ئەو ژی بو من نەما

کورکو دینو

ئەڤ شەڤ شەڤا منە

لڤکا چارێ دێ هەلینم وەرە بنە

ئان گرتنە ئان کوشتنە ئان فەرمانا سەرێ منە

کورکو دینو

ئەز دێ مرم ل روژا شەشێ

زیارەتێ من ب کولن ل دەرێ حەوشی

دا هەڤال وهوگرێت من بێژن

ئەڤە زیارەتێ هەڤالا مەیە، هەڤال خوەشێ

کورکو دینو

ئەڤ شەڤ شەڤە، شەڤ مەغرەبە

سویارەک هاتو، رەنگ عەرەبە

باب وبرا، بێژنە سویاری

ئەڤ شەڤە نێهڤانێ مەبە

کورکو دینو

ئەز ل ناڤ نیسکا، تو ل ناڤ نیسکا

تو بەس بادە بەلالیسکا

تە نەرگێ من گوری بیت

تو شڤانی ل بەر ڤان گیسکا

کورکو دینو

ئەز ل بەر پەنجەرێ، تو ل بەر پەنجەرێ

تو سەرێ خو ژشێشا بینە دەرێ

ئەز هینگی تەرکا تە ب کەم

هەتا چاڤێت نەیارا ب هێنە دەرێ

کورکو دینو

ئەزا سلم ئەز ئاش نابم

عەردێ تو لێ ئەز لێ نابم

ژچاڤ وبریێت تە تێر نابم

کورکو دینو

ئەز ل گوندی تو ل باژێری

بەرگیزێ شین تە ل بەرکری

ئەز گۆری وێ دایکێ بم

یا تو بو من خودان کری

کورکو دینو

ئەز دین نەبوم، تە دین کرم

قەنجا خاستم، خرابا برم

کرمە تەشتێ هەڤیرکرم

سەبەب توی ئەگەر مرم

کورکو دینو

چوم زاخوکێ چەندا هینە

دبەردا دهێت خابیرێ سینە

وەرە من ژبابێ من ب خازە

هەکە ئەز نە دام من ب رەڤینە

کورکو دینو

ئەزا شوخم رویکێت من خورمەنە

مەمکێت من خوخن

دێ مرگێ هەر حەفت یاکێت تە بەر بسکا خو ئینم

کورکو دینو

ئو کورکێ ل بەر دەری

تو ب زرە وەکی کەری

ما هەمی کولاڤ دچنە سەری

کورکو دینو

ئەز دین نەبوم تە دین کرم

ل کولانێت گوندی رەزیل کرم

کصێرا خودێ را من زانیبا

تە کی گرتو ئەز دین کرم

کورکو دینو

وەرە مالا مە هێدیکا

دەری ڤەکە ب تلیکا

هەکە دەیبابیت من گوتن

ئەڤە چ بو؟ دێ بێژمێ

کتکا رەشە چو سەر سێنیکا

کورکو دینو

ئەز یا رەشم ئەز سپی نابم

تریێ زەرم خراب نابم

من خەبەرێ دگەل تە گوتی

ئەز یا تە مە لێڤە نابم

کورکو دینو

ئەز هەڤالا تە نابم

ئەز هەڤالا تە نابم

کوترکا شەب شرابم

کیڤی مە کەهی نابنم

کورکو دینو

ئەز گولم گولا سپی مە

ل ناڤ باغێ ئەفەندی مە

هەکە تو حەفت ژنا بینی

ئەز حەفت مال ومێرا بکەم

عەزیزا بەر دلێ تە مە سەر هەوی

کورکۆ دینۆ

ئەم چوینە گوندى گوندێ ڤال

ئەم نەچار بوین بوینە هەڤال

خەلکی گوتن ئەڤە چییە ؟

مە گوت ئەم بوینە مال

کورو دینو

ئەڤان دلا گوتە دلا

ئاگر بەربو زنج ورەزا، باغێ گولا

دێ بلا خودێ حاسڵ بکەت

مرادا نەزانا وبێ عاقلا

کورو دینو

ئەڤێ شەڤێ ل ڤێ شەڤێدی

ئەڤێ تەیری خو ل کەوێدا

دێ بلا مرادا من وبەژنا بلند حاسل ببا

دسەر وبنێت ڤێ هەیڤێدا

کچک دبێژیت

ئەز دێ چمە سەرێ هەرسێ گرا

دێ بەرێ خو دەم رێزێت کەپرا

ئەز نەمینم بو خویشکێت بی برا

کچک دبێژیت

ئەرێ مێسى، مێسى حەيدێ

من بوتە قوربانەك دا روژا عەیدێ

بەس داتو دەستێ من عەبدالا خودێ بگرێ

برەڤینێ ل گەل خو ببەی مالا سەیدێ

کچک دبێژیت

ئەم چوینە گوندێ گوندێ ڤال

ئەم نە چاربوین بوینەهە ڤال

خە لکی گوتن ئەڤە چیە ؟

مە گوت ئەم بوینە مال

کچک دبێژیت

ئەرێ مێسى، مێسى حەيدێ

من بوتە قوربانەك دا روژا عەیدێ

داتو دەستێ من عەبدالا خودێ بگرێ

برەڤینێ ل گەل خو ببەیە مالا سەیدێ

کچک دبێژیت

ئێڤارە درنگە روژ چو ئاڤا

تە قەلەمێ رەشە باسکێ چاڤا

ئینشەلا هندی ئەز کچ بم

دمالا بابێ خودا تو نە بیە زاڤا

کچک دبێژیت

ئەڤ شەڤ شەڤە هنگورە

دەری ڤەکە وەرە ژورە

دایکا کەرە، بابکێ کورە

کچک دبێژیت

ئەڤ شەڤ شەڤە، شەڤ بارانە

کەرا دانە رەخ مالانە

هەکە خودێ یە

شیڤا شڤانی ل سەر یارانە

کچک دبێژیت

ئێڤاریە درەنگە ل رۆژێ

دێ تو ڤەکە قەیتانێ دائێخەڤە ڤێ حەرامە بشکوژێ

دەردێ عەشق وئەڤینێ ئەزێ گەتیم

هش خالا خەلکی وەرە دەرمانێ بەرسوژێ

کچک دبێژیت

ئێڤارە ل بەر ئێڤاری

ئێڤاريا خێرا مەلا چوونە مزگەڤتا

قەشە چوونه حەرامە دێرا

جهی چوونە کنیشتا

دێ هەمی بوو من و لاوکێ من دوعا کەن

دا خودێ ل من و لاوکێ من ڤەکەت دەرگەهێ خێرا

کچک دبێژیت

ئەز ب گوری

ئەز خۆ دخەملینموەکی حوری

تو بەر خانیکێ مەرا ل من نێری، ل من دپوری

کچک دبێژیت

ئێڤارە دو سویارا ل من دیارکر

تە قائیشا دەبانجی ل سەر ملێ خۆ دو تاکر

گاڤا چاڤێ من بتە دکەڤیت

تە دلێ من ژمال ومێرا سارکر

کچک دبێژیت

ئەز ل گوندی تو ل باژێری

بەرگیزێ شین تە ل بەر کری

ئەز گوری وێ دایکێ بم

یا تو بو من خودان کری

کچک دبێژیت

ئەز کوچەرم ل دەشتێدا تێمە

باران باری ل عەردێ دێمە

دێ بلا من زانیبا پشتی کورە لاوکێ خۆ

ئەز قسمەتێ کیش مالێمە

کچک دبێژیت

ئەو کییە ژ وێڤە تێ یو

شالا رەش ل پشتێ یو

دێ بتە زاڤایێ مالێ یو

کچک دبێژیت

ئەرێ لاوو لاوێ خازی

تو سەفیلی ، بەلنگازی

بو چی کچکێت خەلکی د خازی

کچک دبێژیت

ئەرێ کورو رەنگ حورمەتو

رێکا من ف رێکا تە کەتو

کل وگلدان چ قیامەتو

کچک دبێژیت

ئەز بو تەمە

عاشقا چاڤیت تەمە

خوتو چ بکەی هەر بوتەمە

کچک دبێژیت

ئه‌ز نه‌ گولم نه‌ نێرگزم

كاغه‌زه‌كا حبر دزم

لبه‌ندا ته ئه‌ز درزم

کچک دبێژیت

ئه زا دينم ئه زا دينم

ئەز نزانم ل كيڤه روينم

دەما عەزیزێ من دهێت دا ببینم

کچک دبێژیت

ئەز سەر بانی تو ل سەر بانی

تە کەفیک گرێدا جەمەدانێ

ئەز یا تە بوم تە نە زانی

کچک دبێژیت

ئێڤاره‌ ئيڤاريه‌كا خێرا

مه‌له ‌كه‌ڤتن مزكه‌فتا

قه‌شه‌ بون ره‌به‌نێت كه‌ڤنه‌ دێرا

ئه‌ز دێ هينگی به‌ژنا بلند هێلم

ل سه‌رسێنگێ من عەبدالا خودێ

ببيت قرينا ته‌ڤر وبێرا

کچک دبێژیت

ئێڤاری درەنگە

چیاکێ مەتینا لێ تێتە ڤە دەنگە

من نەزانی راپێجا لاوکێ من

هند یا دەلالە هند یا شەنگە

کچک دبێژیت

ئێڤاری وەختە

حەیرانێ دەلال گرێدان رەختە

کورکێ درستە کچکا بێ بەختە

کچک دبێژیت

ئێڤاری خوش ئێڤاری

هێسترا لاوكێ من خو نا دەتە بەر باری

هەکە ژترسا بابو برا نەبا دا چمە هاری

کچک دبێژیت

ئێڤاری بەر ئێڤاری

ماهینا کورە لاوکێ خونا دەتە بەر باری

ئەگەر من ژترسا باب و براکێت خو نە با

دا دەستەکی ل دەلنگ ودەهمەنا خو دەم دا چمە هاری

کچک دبێژیت

ئێڤاری دزراڤن

رسکێت مەرجانا مراری ناڤن

هافریێت کورکێ خەلکی

چ دبێ حال ودبێ دەراڤن

کچک دبێژیت

ئێڤارە، ئێڤارە رۆژ نەما

برەکا سواران وعەگیدان ددەرێ

خانیکێ مالا بابێ من بو نە جەما

هندا گوت: قولچیێت تویتنێ نە

هندا گوت: موغلاجیێت بەرێ نە

هندا گوت: خازگینێت بەژنا تە نە

هەکو چاڤێ نب ڤێکەت

پشتا من شکەست جەرگێ من سوت

روحا شرین ل قالبێ من نەما

کچک دبێژیت

ئێڤارە درەنگە روژ چو ئاڤا

تە قەلەمێ رەش باسکێ چاڤا

ئنشالا هندی ئەز کچ بم

دمالا بابێ خودا تو نە بیە زاڤا

کچک دبێژیت

ئێڤارە ل بەر ئێڤاری

ئێڤاريا خێرا مەلا چوونە مزگەڤتا

قەشە چوونه حەرامە دێرا

جهی چوونە کەنیسا

دێ هەمی بوو من و لاوکێ من دوعا کەن

دا خودێ ل من و لاوکێ من ڤەکەت دەرگەهێ خێرا

کچک دبێژیت

ئەڤينێ خۆش ئەڤينێ

خودێ نەكەت كەس ببينێ

هەكە ب دار و بەرا بكەڤت دحەلينێ

کچک دبێژیت

ئەم جیرانین دەر ب دەربین

خزێم شورین، خزێم زەرین

هەتا مرنێ دل کوڤان وکەسرین

کچک دبێژیت

ئەو کییە ژوێڤە تێ یو

شالا رەش ل پشتێ یو

دێ بتە زاڤایێ مالێ یو

کچک دبێژیت

ئەرێ لاوو لاوێ خازی

تو سەفیلی ، بەلنگازی

بو چی کچکێت خەلکی دخازی

کچک دبێژیت

ئەرێ کورو کورێ مەتێ

من تو دیتی بن خیڤەتێ

من چاڤ ڤێکەڤت دل نەکەتێ

کچک دبێژیت

ئەرێ سوارو سوارێ ماهینێ

ئینشەلا ل تە بشکێت باسکێ قەلینێ

بلا ژنکا تە بمریت ب حەلالی بهێمە شوینێ

کچک دبێژیت

ئەرێ كورو لاوكى چيا

ته ئاگر به ردا ڤان پەریا

تو بده من ئاڤا کەڤی یا

ب جەبینە هيڤى وخوزیيا

کچک دبێژیت

ئەرێ رەشو ژمن رەشترو

ژتەنیا سێلی خراب ترو

ژبابو برا شرین ترو

كچك دبێژيت

ئه‌ڤ شه‌ڤه‌ شه‌ڤ مه‌غره‌به‌

سویاره‌ك هاتی ره‌نگ عه‌ره‌به‌

بابو برا بێژنه‌ سویاری ئه‌ڤ شه‌ڤه‌ مێڤانێ مه‌به‌

کچک دبێژیت

ئەڤە چ کانیکێ ل بن بەری

من سویندا خارێ ب ئینس پێغەمبەری

هەکە لاوێ من بتە زاڤا دێ پێش هەمیا ڤە چمە سەری

کچک دبێژیت

ئەڤ شەڤ شەڤا خازگینا

ئەز نەخوشم ناڤ نڤینا

هەکە بابکێ من گوت هەرێ

دێ سەرێ خو هەلینم

هەکە بابێ من گوت نە

ل من بخوینن دەور ویاسینا

کچک دبێژیت

ئەڤ شەڤ شەڤا خازگینا

ئەزا نەساخم ل ناڤ نڤینا

هەکە بابکێ من هەرێ کرو

دێ سەرێ خو هەلینا

هەکە بابێ من هەرێ نەکر

مەلا بینن دا ل من بخوینن دەور ویاسینا

کچک دبێژیت

ئەڤ شەڤە شەڤکا خازگینی هنارێ

دێ تەشیکا زو هەلگرم چمە گوهدارێ

هەکە بابێ من ئەز نەدامێ

دێ چمە نک خویندکارێ

کچک دبێژیت

ئەڤ شەڤە شەڤا خازگین هناری

دێ تەشیکا زو هەلگرم چمە گوهداری

هەکە بابێ من ئەز دامە لاوکێ من

دێ چمە نک سەفاری

هەکە ئەز نە دامە لاوکێ من

دێ چمە بەر شکەلکێت خمدارێ

کچک دبێژیت

ئەڤ چ کانیە ل پشت ڤی بەری

من سیندا خاری پێغەمەری

هەکە دەلالێ دلێ من هات بچمە سەری

كچك دبێژيت

ئه‌ڤ شه‌ڤه‌ وه‌ره‌ بال مه‌ ب مێڤانی

جهەكی بوته‌ چێكه‌م

ل دانگا مالێ ل نيڤا خانی

دێ بوته‌ ڤەكوژم میهێ دگه‌ل به‌رانی

وه‌ختێ دايك وبابێت من گوته‌ من

تويا دین بوی، تو نه‌ زانی

دێ بێژم بوچی خه‌لك وعاله‌م زه‌وجين

ما به‌ينا من ولاوكێ من بويه‌ كافرستانی

کچک دبێژیت

ئه‌ڤ شه‌ڤ شه‌ڤا خێرا

مەلێت چوينه‌ مزكه‌فتا

جوهیێت چوينه‌ كه‌نيشتا

فەلەیێت چوينه‌ دێرا

دا لناڤ به‌را چوت دلا

کچک دبێژیت

ئو کورکێ ل بەر دەری

تو ب زڕە وەکی کەری

ما هەمی کولاڤ دچنە سەری

کچک دبێژیت

ئەی خابیرو تو بادایێ

تە بەرێ ل دەشتێ پشتا ل چیایێ

من حەیف ومخابن چاڤێت رەش وبەلەک ئەز هێلایێ

کچک دبێژیت

ئامێدیێ ب کەلاتە

نەردا رویبارە وپشت دا وەلاتە

عەزیزێ دلێ من دێ تو دەستێ خو

دناڤ تەنگا زراڤ وەرینە

ستێرا سپی ل مە هەلاتە

٢٥-٧-٢٠٢٠ دهوک

دیوانا دێوانێت دلینی