پیتا و ی
پیتا ( و ی )
حەیرانوک
لێکدان وخرڤەکرن وبەرهەڤکرنا: ئەحمەد عەلی حەسەن
دیوانا دێوانێت دلینی
پیتا ( و )
ب فەرمان کچ وکور ددەنە بەر ئێک و ب ئەمر دەستپێدکەن ودپێژن ب ڤێ پەیڤا ب داخاز وگازی (وەرە...).
کچک دبێژیت
وه‌ره وه‌ره مال ئەڤە نە
شوینا ره‌زا پرێزه نه
کورکو دینو ئه‌زێ ساخ بم
ئه‌ز نه مرم ئه‌ز یا ته‌مه
کورک دبێژیت
وەرە وەرە کچ مەلایێ
یا بێ شەرمێ بێ حەیایێ
دێ راموسانەکێ بدە من چ ل تە نایێ
کچک دبێژیت
وەرە مالا، مال ئەڤە نە
شونێت ره‌زا پرێزه نه
شوین گەڤسکا من وتەنە
کورک دبێژیت
وەرە وەرە ئەی چاڤ شینێ
چاڤ وبری ل من هلینێ
جەرگ ومێلاک ل من حەلینێ
کچک دبێژیت
وەرە ڤێرە وەرە ڤێرە
من خەونەکا دیتی هیڤی دکەم خێرە
ل تە ب مریت ژنە ول من ب مریت مێرە
کورک دبێژیت
وەرە وەرە یار دەلالێ
تاژیێ بەردا دیف خەزالێ
کێ بهیستی یە دلێ ئەڤیندارا
حەرامێ خەلکی خوشترە ژحەلالێ مالێ
کچک دبێژیت
وەرە وەرە مالا مەوو
شوینا مالا پرێزەوو
جهێ قەلب وگەڤزکێت من وتەوو
کورک دبێژیت
وەرە وەرە جانا منێ
تە کراس سۆرێ ژرەنگێ دەرسوکا منێ
تو بێهنەکێ پالێ خودە پالێ منێ
پاشی بلا ژدەهان دەولەتا بێت فەرمانا سەرێ منێ
کچک دبێژیت
وەرە نک من شەڤێ زویکا
دەری ڤەکە ب نەینیکا
ئەگەر باب وبرایێت من پسیارکر
ئەز دێ بێژمێ کتکا رەشە ل سەر سێنیکا
کچک دبێژیت
وەرە مالا مە هێدیکا
دەرگەهی ب قوتە ب نەینیکا
هەکە دەیکا من من گوت ئەو کییە؟
ئەز دێ بێژمێ کتکا رەشە ل سەر سینیکا
کچک دبێژیت
وەرە دەرێ ژناڤ خولاما
سمبێل رەش وپەرێت نەعاما
دێ گوری تە کەم روحکا شرین
جوتێ برا وحەفت پسماما
کچک دبێژیت
وەرە مالکا مە جارەکێ
دێ بە تە لێنم گرارەکێ
ئەز دێ کەمێ قەلیا روینێ سالەکێ
هەکە تێرا تە نەکر، ئەز دێ قەرکەم ژچیرانەکێ
کچک دبێژیت
وەرە مالا مە جارەکێ
دا بۆ تە چێکەم ساڤارەکێ
دێ کەمێ قەلیا سالەکێ
هەکە دەیکا من گوت کانێ
دێ بێمێ کتکێ خار ل بن تەبەقەکێ
کچک دبێژیت
وەرە مالا مە جارەکێ
دا بۆ تە لێنم ساڤارەکێ
کەمێ قەلیا بهارەکێ
کچک دبێژیت
وەرە مالا مە شەڤەکێ
دا بۆ تە ب لێنم ساڤارەکێ
دێ کەمێ قەلى وروینێ پائیزەکێ
هەکە دەیبابێن من گوتن کانێ
دێ بێژم کتکێ خارن بن تەبەقکێ
کچک دبێژیت
وەرە مالا بابێ من ب مێڤانى
دێ بۆتە سەرژێکەم بەرخو بەرانى
هەکە دەیبابێت من گوتن کانی
دێ بێژم گورگى خارن بەر دارێ شڤانى
کچک دبێژیت
وەرە مالا مە نڤێژێ بکە
قەلین وباسکێت خو درێژکە
ئەگەر تە نەخت نەبیت
ل مالێت جیرانا بێشکە
کچک دبێژیت
وەرە وەرە لاوێ گوندی
نە تو کورتی نە بلندی
ل بەر دلێ خەلکی تو چنینی
ل بەر دلێ من عەڤدالا خودی
تو مدیری یو زابتی نە وەللا تو ئەفەندی
کچک دبێژیت
وەرە وەرە مال ئەڤە نە
شوینا رەزا پرێزەنە
کورکو دینو ئەز ساخ بم
ئەز نە مرم ئەز یا تە مە
کچک دبێژیت
وەرە وەرە ئەی لاوکو
شالا ل پشتا تە گولگو
ئەزێ شوی ب تە کەم ژکەرب ورکو
کچک دبێژیت
وەرە مال مە شەڤا تاری
من جهو بالگێت خو داناینە رەخ دیواری
هەکە دای وبابێ من گوت ئەو چێ بۆ
دێ بێژم ژنکا جیرانا مەیە هاتی مستکا ئاری
کچک دبێژیت
وەرە بچینە کەڤنە وارا
ل ناڤ چیا ودار وبارا
ئەم نەشێین بژین ل ڤان دەشتا ل ڤان وارا
ئەڤ نامێت ژێری دەستپێدکەن ب پەیڤا (وەیلا یان وەیلو...) یا ئاماژێ ب شاشیێ وحیبەتی دکەت ل دەف ئەڤینداری.
کچک دبێژیت
وەیلا منێ، بێ هیڤیێ
جابەکا هاتی ژئامێدیێ
لاوکێ منێ دەلال
خلاس نە بو ژعەسکەریێ
کورک دبێژیت
وەیلا بەسێ ل من بەسنایێ
خزێما زیڤی د کەپی قوتایێ
ئەز دا گەهمە بەژنا تەیا زراڤ
بەلێ چ بکەم ، من نە وێریا ژبەر دایێ
کچک دبێژیت
وەیلا ل منێ ل من بێ ئاڤێ
کاغەزا دەلالێ دلێ من هات کەتە ئاڤێ
خەلک وعالەم ل مە خائین بون نە ئینا دەرێ نە دا تاڤێ
کورک دبێژیت
وەیلا منێ دل هینێ
تاڤیەکا بارانێ هاڤێتە شکەفتا مەمینێ
خوزی ئەز دگەل دوستا خو بام ل سەر برکا هینێ
کچک دبێژیت
وەیلا هه‌كه لاوكێ من زڤريته ڤه
دێ ده‌مێ راموسانه‌كێ ژهه‌ردو رويا
كوركو دينو ئه‌ز سه‌ربانی تو دحه‌وشێدا
دوو گول شين بون د حه‌دیقێدا
کچک دبێژیت
وەیلا ل منێ بێ دەولەتێ
چیاکێ برجینی قەپین کەتێ
دیتنا من ودەلالێ دلێ من هەتا روژا قیامەتێ
کچک دبێژیت
وێلی وێلی، محو وێلی
تە نە نەختە، نە بەردێلی
تو چما نەکی، نە من دخوازی، نە من دهێلی
کچک دبێژیت
وەیلو وەریسێ من گرێ گرێ
ل سەر جسری هاڤێتە خارێ
ما نزانن ئەز یا پرسیارا لاوکێ خو دکەم
یێ رەش ئەسمەرە سویارێ هێسترێ
کچک دبێژیت
وەیلو وەیە وەنینە
دیتنا سەر بانا فەیدەنینە
بابکێ خو بکوژە دایکێ هەییکە
ژنا خو بەردە هەسپێ خو ب فروشە
رەزکێ خو بدە من بخو بینە
( پیتا ی )
کورک دبێژیت
یا بەروارە یا بەروارە
رێکا خار چیا بەروارە
عەزیزا دلێ من نەیا دیارە
کچک دبێژیت
یا شەرمینم تۆ دزانى
تە ئاگر بەردا ڤى جانى
خەلک هەمى فەسادن ل ڤی دەورى ل ڤى زەمانى
کورک دبێژیت
یا دهێتن ژبالاڤێ شل وملە
کەتا باخلێ تژی رحان وگولە
لێ یار هات یا ژمن سلە
کورک دبێژیت
يا دهيت ژخەندەکێ
بەژن بلندێ بسک خەلەکێ
خودێ خرابکەت مالا سەبەب کارا وڤێ فەلەکێ
کورک دبێژیت
یارا منێ فرنا کێکا
دێ تە دگەل خو بەم ل هەمی رێکا
دێ کەمە بەرتە کراسێ بیکا
دا ببیە دەیکا بچیکا
یارێ من بلا مێڕك بیت
خارنا من بلا ڤرك بیت،
پێدادان بلا به‌رك بیت
کورک دبێژیت
یارکێ کچکێ کچینێ
پارزینی هەلینە دا ب چینە چۆرینێ
هەکە چۆرین نەبیت ڤەکە گرێکا مال دوخینێ
کورک دبێژیت
یارکێ کچکێ کچ نازێ
پارزینی هەلنە دا ب چینە سوریازێ
هەکە نەبێت بێهنەکێ ل دەف من رازێ
کورک دبێژیت
یارێ تە دلێ ل هەوا
کەزی دشورن دەهمان ل هەوا
تە کورکێ خەلکی کوشت ب ڤان حیلا ڤان درەوا
کورک دبێژیت
یارێ بابێ خو نا کوژم
خو قەتلی ناکەم
دایکێ هەی ناکەم
خو فهێت ناکەم
ژنا خو نا بەردەم
خو بێ ناموس ناکەم
هەسپێ خو نادەم
خو ژکەروانیێت دهوکێ ناکەم