پیتا خ د

حەیرانوک

لێکدان وخرڤەکرن وبەرهەڤکرنا: ئەحمەد عەلی حەسەن

دیوانا دێوانێت دلینی

پیتا ( خ )

کچک دبێژیت

خوزى ئەڤرو روژا خوتبە با

رێکا تە ل بەر دەریکێ مالا مە با

دا من تێر بەژنا لاوێ خۆ دیتبا

پاشى بلا ڕۆژا قیامەتێ کورزەک زێدە با

کورک دبێژیت

خوزی هەر رۆژ یا غەیری با

کولانا مالا مە هەر یا تاری با

دلێ من ب خەنجەرێ هنجنی با

نە کو یارکا من ل مالێت خەلکی با

کچک دبێژیت

خانيێ لاوێ من يێت كورێدا

هه رو سپێدێ تاڤێ لێدا

خودێ مالا بێ بەختا خرابکەت

ﻻوكێ من كوشت دخەوێدا

کورک دبێژیت

کچێ دینێ خەما نەخو دا پیرنەبی

کەمەرێ ب شدینە دا ستوی نەبی

ما تو نزانی بابکێ تە تو یا دایە من لێڤە نەبی

کچک دبێژیت

خانیێ لاوێ من ل پشتا چویێ

بەژنا بلند دهێت ژزاخویێ

لاوێ من زاڤایە ببەن سەرشویێ

کورک دبێژیت

خوزی هەر روژ یا غەبریبا

کولانا مالا مە هەر یا تاریبا

دلێ من ب خەنجەرێ هنجنیبا

نە کو یارکا من ل مالێت خەلکیبا

کچک دبێژیت

خانیێ لاوێ من یێ دگوریدا

هەرو سپیدی حەتاڤێ لیدا

خودی مالا بێ بەختا خرابکەت

یێ لاوکێ من کوشتی دخەوێدا

کورک دبێژیت

خەمکا ل من تیرکر

چومە دەری دوستێ هەڤیر دکر

چاڤێ من ب مەمکێ سپی کەت

من سلاڤا خودێ ژبیرکر

کچک دبێژیت

خانیکێ بابێ منێ دەر مەزنە

ستوینا ناڤێ بن ئاسنە

سەر ڤێ بوهارێ چو بو مێرو مابوژنە

کورک دبێژیت

خنێ دخوشن میشە ل بەردان

سێ حاکمێت عادل هاتبانە دگوندێ مەدا

دا ئەڤ ژنێت جوان ژدەستێ ڤان پیرەمێرێت

پیس وگوری دابان بەردان

کچک دبێژیت

خوزیکا بارانەک هاتبا

دێ بلا بارانەک هاتبا

خانێکێ بابێ تە رەخەک ژبن بربا

دا من تێر بەژنا لاوێ خۆ دیتبا

کورک دبێژیت

خاتوین حەرێمن، خاتوین حەرێمن

هندی ئەز بەرێ خو ددەمێ ل حەوالا دکێمن

ئیشەللا خودێ حاسل کەت مرادا دلێمن

کچک دبێژیت

خوزی شەڤێت مە هەمی تاڤە هەیڤ بان

روژێت مە هەمی جەژن وعەید بان

دا ئەز ولاوکێ خو ب دلێ خوبان

کورک دبێژیت

خوزی ڤینا من وتە ژ دل با

بلا کەس و کار ژ مە سل با

ئاگر ناڤ هەر دومالا هل با

چانتێ پارسێ هەر لە مل با

بنێ چانتکێ من یێ کون با

پاریێ خەلکی تێدا کەت با

کچک دبێژیت

خەمێت دلا ئەم پیرکرین

روندکێت چاڤا کورە کرین

قەنجا خاستین، خرابا برین

کچک دبێژیت

خەما تە ئەز پیرکرم

روندکێت چاڤا ئەز کورم

سالا ئەڤێ سالی دەردێ ئەشقێ ئێخسیرکرم

کچک دبێژیت

خەمێت سالا ئەز پیتکرم

جەحێلێت گوندێ مە ئەز خواستم

خرابێت خەلکی ئەز ژخورا برم

کچک دبێژیت

خانیکێت گوندێ مە رێز برێزن

کچکێت گوندێ مە قوتک تەفرێزن

ئەگەر ئەڤرو نەهی سوباهی بیکم دێ من ڤەگوهێزن

کچک دبێژیت

خوزيكا من تو نه ديت بايا روژا ئه ولى

ته ميلاكا من سوت وئاگر به ردا چه رگ و دلى

دبه ر مالا مه را دبورى سلاڤ ناکەی تو بوچى يى سلى

کچک دبێژیت

خولی ب سەرێ وەحش وبێ عاقلا

ئاگر بەربو سنجا رەزا، باغێ گولا

هەکە گول شیلان بهێنە رێزا سورگولا

کچک دبێژیت

خەما دلا ئەز حەلاندم

کرمە تەستێ هەرشاندم

تە کی دیتی یە، ئەز حەییراندم

پیتا (د)

کچک دبێژیت

دلێ منو هێلینا هێکا

لڤێ دهوکێ ل سەرێ رێکا

من لاکێ خو ژێگرت دناڤ هزار وئێکا

کورك دبێژیت

دەمە دەمە پەرێ دەمە

هەمی دەما پەرا ب خەمە

خەم هەلگرێ پەریا تە مە

کچک دبێژیت

دلێ منو هێلینا هێکا

سویکێت قەسابا پالدا رێکا

من حەیرانێ خۆ هەلبژارت دناڤ سەد وئێکا

کورک دبێژیت

دلبەرێ دینێ

من دا باژێرێ مێردینێ

ئەز دێ تە خازم ل ڤێ هاڤینێ

کچک دبێژیت

دلێ منو مالکا هێکا

چومە سەرێ سێ رێکا

من دەلالێ دلێ خو ژێگرت ل ناڤ هزار وئێکا

کورک دبێژیت

دلێ منو نزانی خەما تێکەی

ئەز دێ چمە سەرێ گرەکی

زیارەتەکی بو خو چێکەی

پشتی چاڤێت رەش وبەلەک

دێ گازندێت خو بو کێ کەی

کچک دبێژیت

دلێ منو های سەرێ خەما

مەکتوبەکێ نڤێسم فرێ کەم ناڤ عەجەما

پشتی بەژنا بلند من قەدرێ خو نەما

کورک دبێژیت

دلبرا من تو شرینی

لیڤ شه کر وهنگفینی

خوزیکا من دیتبا جانێ

ب جلێ بویکا ل ده ف من رینی

کچک دبێژیت

دلێ منو هێلينا هێكا

ئه ز روينشتم سه رێ رێكا

من دەلالێ دلێ خو ژێ گرتبو ژبيست وئێكا

کورك دبێژیت

دارکا دحەوشا مەدا یا مەزنە

دو کوترکا دانا بنە

من شڤێدی خەونەکا دیتی

دەیکا کچکێ خەسیا منە

کچک دبێژیت

دلێ من ب کول وبرینە

روندکێت من تێن رویبار وخوینە

دلکێت خوش بهارە، یێت نەخوش هاڤینە

کورك دبێژیت

دەولە ت سەرێ دز وگەنەدەلا

ئەم فێرکرینە حیلو تەشقەلا

خودی ما لا وان خراب بکەت

یێ کور وکچ ژ هەڤرا کرینە بەلا

کچک دبێژیت

دلێ منو، وێڤە وێڤە

قاز وقولنگ مانە ب رێڤە

هوین ب خودێ کەن

بێ دڵیێت دەلالێ من نە کەن

یێ نەساخە، د خەستە خانێ ڤە

کورك دبێژیت

دلێ من وديسا ديسا

كوتر فرين جونە ليسا

بوچى كچكيت جان دبنە رسقێ پیسا

کچک دبێژیت

دلێ من ودیسا دیسا

کوتر فرین چونە لیسا

من حەیف ومخابن

لاوێت دەلال بێنە کوشتن ب دەستێت پیسا

کورک دبێژیت

دا بچنه زوزانا بەر کەڤیا

دگەل شڤانو ڤان بیریا

دا ڤەخوین شێرێ پەز ومیها

کچک دبێژیت

دلێ من وڤێ هەیهەتێ

ئەڤینا من ودەلالێ دلێ من

دو چاڤێت رەش وبەلەک

چویە روژا حەشر وقیامەتێ

کورک دبێژیت

دلکێ من تەزی

کەڤیەکا بەفرێ ل گڤاندێ رەزی

خوزی تو یا من بای

من گوت بلا تە گوت خوەزی

کچک دبێژیت

دلێ منو کاسکا چایێ

بەفر دباریت وەکو کایێ

دێ من ب دەنە مەحەمەدی کورێ سەدیقایێ

کورک دبێژیت

دەردێ دلا بلا ژدڵ بیت

شوینا خزیمێ بلا قەرەفڵ بیت

شوینا کەمەرێ بلا تەنگا کەڤڵ بیت

کچک دبێژیت

دلێ من خانە خانا ڤی کەڤری

شالیلی خاند وبالیلی هەلبری

ئیشەلا چ کەسێ بکەڤیتە

ناڤ بەرا دو دلا وپێک نە ئینیت

دێ چیتە ناڤ ئاگری

کورک دبێژیت

دناڤ رێکا روینشتم گەلەک

ل من هەلبورین دو چاڤ بەلەک

ژتە چوین ئاخرەت ل من ماین فەلەک

کچک دبێژیت

دلێ من کەرکن

قودیکەکا تێدا خەلک وعالەم

هەمی وەرن تەماشەکەن

دەردێ عەشق وئەڤینێ گەلەک گرانە

کەس لومە نەکەن

کورک دبێژیت

دێ چینە زوزانا سەرا

کەپرەکێ چیکەین ژبەلگێت ئەسمەرا

دەڤێ ب کەنی یە بەلێ دلکێ مال خراب هەرێ ب کەسەرا

کچک دبێژیت

دلکێ منو ڤێرا ڤێرا

دەوسا میهێ ل دیف بزنێرا

خوزى ژخێرا خودێ را

ببامە سەعەتەکا زێرى دبەژنێرا

کورک دبێژیت

دونیا گەرمە یا د کەلژیت

هێکێ دانە دێ بهوژیت

دەردێ ئەشقێ چەند گرانە ئەڤیندارا دکوژیت

کچک دبێژیت

دلکێ منو های دل های دل

سیار نەبە ل هەسپێ عادل

پەیا نەبە ل رەزکێ بێ گول

خودێ حاسل نەکەت مرادا نە ژدل

کورک دبێژیت

دەردێ دلا بلا ژدڵ بیت

شوینا خزیمێ بلا قەرەنفڵ بیت

شوینا کەمەرێ بلا تەنگا کەڤڵ بیت

کچک دبێژیت

دلكێ منو، ڤێ هەیهەتێ

چیاکێ حوجاڤا قرين کەتێ

سوحبەتا من ولاوکێ من چوبو روژا قیامەتێ

کورک دبێژیت

دونیایە هەی هایە ئەز بمرم تو بمینی

حەودەکا گولان وروحانا ل بالگێ سەرێ من بچینی

روژێ سێ جارا ب دەستێ خوە تاسەکێ ئاڤا سار لێ برەشینی

کچک دبێژیت

دلکێ منۆ ل ڤێ هەیهەتێ

چیاکێ ژۆرى قرپێن کەتێ

خودێ خراب بکەت مالا سەبەب کارا

دیتنا من لاوکێ من چو روژا قیامەتێ

دلكێ منو، ڤێ هەیهەتێ

چیاکێ شنگارێ قرين کەتێ

مخابن ئه ڤينا منو كچكا ده لال بو روژا قيامه تێ

کورک دبێژیت

دێ چینە زوزانا پێگڤە

کەپرەکێ چێکەین شەقلکا ب سەرێکڤە

هەکو من وبەژنەکا زراڤ وبلند ساربو

دا خو ب کێشینە پالێکڤە

کچک دبێژیت

دلکێ منو هوین ب کەلێشن

رەخەک مەلانە ئێک دەروێشن

دەردێ عەشق وئەڤینێ گەلەک گرانە

کەس بو من چ نە بێژن

کورک دبێژیت

دا بچینە زوزانا پیگڤە

کەپرۆکا چێکەین شەقل ب سەرێکڤە

دەمێ نیڤ شەڤ پاشدا دبیتە بەفر وباران

ئەز وعەزیزا دلێ خو دێ خو کێشینە ب پالێگڤە

کچک دبێژیت

دلکێ من کوچکا پاشای

هەچیێ هات ئاگر لێ بەردای

هەچیێ لاوکێ من نە نیاسیت

ئەحمەدە کورێ مەلای

کورک دبێژیت

دهوکێ یا بێ بنە

ئینشەلا ب سەر دا بهێت بەرک مەزنە

خودێ بەس بهێلیت یا منە

کچک دبێژیت

دلکێ منو دل بەهی

کەر وکەرمالا دانا سپنەهی

بێهنا لاوکێ من بغاڤا کورنەهی

کورک دبێژیت

دهێت ژبالاڤێ دکەتە کەنی

خوهێ گرتن بسک وئەنی

یار خولامە، مێرک بەنی

کچک دبێژیت

دلێ منو تێلی تێلی

خەوا من تێ تو ناهێلی

هەکە نفرینەکێ ل تە بکەم

دل نادەم تو جەحێلی

کورک دبێژیت

دەرگنى یا ب به‌ر و‌گڕه‌‌

به‌ردا بیستانن پشتێ كه‌ڤره‌

لاوكێ من فه‌له‌یه‌ ژپیسمیره‌كى چێتره‌

کچک دبێژیت

دەردا ل من دەردان

کول وکوڤانا سەرێ خو هەلدان

کەڤتیمە بەندانا پیسە مێرێ چەپەل

نە تێمە کەشتن، نە تێمە بەردان

ل ژێری بەند ومالکێت کچێ نە دگەل کورکی ب شێوازەکێ تازە وجوان

کچک دبێژیت

دلێ منو سەرێ خەما

ئەزی مەکتوبەکێ نڤیسم فرێکەم ناڤ عەجەما

پشتی بەژنا بلند من قەدر وقیمەتێ خۆ نەما

کچک دبێژیت

دایکا منێ، تویا پێ گوتی

ل هنداڤ سەرێ من، وەک بزوتی

تو ب خودێ کەی تو نەبە سەبەبا، دلێ منێ سوتی

کچک دبێژیت

دایکا منێ، تو یا عادلی

ل هنداڤ سەرێ من، وەک بلبلی

تو ب خودێ کەی تو نەبە سەبەبا، ئەڤی دلی

کچک دبێژیت

دایک وبابا وەل مە کری

ب شەڤ وروژا ئەزا دگری

ئاگرێ خودێ یێ دلێ ومێلاکێت من وتە هلکری

یێ لێ دبوریت ڤە ئاگر وگوری

کچک دبێژیت

دايكێ وه نينه بێ به ختێ وه نينه

تژى جه رکێ من مەويژێت ميرانينه

هه كه بو داوه تا من بو خه لك وعاله مێ بينه

کچک دبێژیت

دایکا من یا دینە

تژی کارا ناڤ دەری مێویژێت تاڵکینە

هەکە داوەتیێت من هاتن تو بو وان بینە

کچک دبێژیت

دێ چینە زوزانا پێکڤە پێکڤە

دێ کەپروکا چێکەین شەقلە بسەرئێکڤە

دێ حەفت نیڤەکێت شەڤێ خۆکێشین بنک ئێکڤە

کچک دبێژیت

دێ وه‌رن دلێ من عەبدالا خودێ بكه‌لێشن

قوديكه‌ كا تێدا ره‌خه‌ك سه‌يدن ئێك مه‌لانه یێت دی ده‌روێشن

برينێت دلێ من چه‌ندێت كولن وێ ژبنێ خو دئێشن

کچک دبێژیت

دێ وه‌رن دلێ من ڤه‌كه‌ن

قوديكه‌ كا تێدا پێشا مه ‌نه‌كه‌ن

به‌ختێ خودێ دا، گه‌لی خه‌لك وعاله‌مێ

برينێت دلێ من دكولن كه‌س لومه‌ی من نەکەن

کچک دبێژیت

دێ وه‌رن دلێ من ڤه‌كه‌ن

قوديكه‌ كا تێدا ده‌رمانی لێه‌كه‌ن

گه‌لی خه‌لك وعاله‌مێ ئاگرێ ئه‌ڤينێ زورە

كه‌س لومه‌ی مه ‌نه‌كه‌ن

کچک دبێژیت

دێ تو ل مالا بابێ خو روینە

مادەم تە دل ل سەر مار کرنا من نینە

گوتنێت خەلکی ل دویف من ب برینە

کچک دبێژیت

دێ وه‌ره‌ لاوو، دێ تو وه‌ره‌

سێنگێ من سپی یه‌ وه‌ک مه‌رمه‌ره‌

ده‌ستێ لاوکی دانم ل سه‌ر که‌مه‌ره‌

کچک دبێژیت

دێ هێن ژباشکالا

زنجیرا سەعەتێ شوربو سەر شالا

ئەڤینا من وکورە لاوکێ من بو یا زین ومەمێ ئالا

کچک دبێژیت

دێ بلا ببیت ساهی

دا رێکا من ببیت زوهایێ

لەو من خویشک دڤێت ل سەر خاترا برایێ

کچک دبێژیت

دێ چم ميسل ده رێ سويكا

پسيارکەم ژمه زن وبچيكا

كێ ديتی يه خه نا نه چيت ژده ستێ بويكا

کچک دبێژیت

دێ چمە بامەرنێ شێخ نە ل مالە

ل دەرێ تەکیایێ بوم عەبدالە

پشتی شێخێ من دنیا پیچە وبەتالە

کچک دبێژیت

دونیایە هەی هایە ئەز بمرم تو بمینی

حەودەکا گولا ل بالگێ سەرێ من ب چینی

روژێ سێ جارا ب دەستێ خو

تاسەکێ ئاڤا سار لێ ب رەشینی

کچک دبێژیت

دونيا دكه ليت يا دكه لزيت

هێكێ دانه يا دبهرزيت

ده ردێ عه شق وئه ڤينی

يێ گرانه مروڤى دكوزيت

کچک دبێژیت

ده رێ مالا مه ب مه رمه

پشتا مالا مه ب جه به ره

دێ تو لەزکە زيكا وه ره

دەیک وبابێت من ئێکێ دی ل بەرە

کچک دبێژیت

دارا حەوشا مەدا داربەرینه

وەرە تو بیستەکێ بال من روینە

من پرسیارکر ژشێخ و مەلا گوتن

راموسانێت کچکا حەلالن وگونەه نینە

کچک دبێژیت

دەلال ل بن بیستانێ ڤان خیارا

خیار چنین جار وبارا

دێ هنگێ تەرکا بەژنا بلندکەم

هەتا سەرێ من بێتە ما بەینا چار دیوارا

کچک دبێژیت

دەرسوکا خۆ ل من خوار نەکە

شیشا کولاڤێ ب سەردا نەکە

ئەز یا تەمە خۆ دین نەکە

کچک دبێژیت

داواتەک هاتە گوندێ مە ب چەپ وراستی

ئەزا چومێ ب چاڤێ کورە ب ملێ شکەستی

دا من لاوکێ خو دیتبا بەری لەشێ من ببیتە هەستی

کچک دبێژیت

دەرێ خانیێ بابێ من ب کەڤروکە

یێ دڤێدا تێن خەزالوکە

شوینا لەقێت لاوکێ من هەمی بونە ئاگروکە

کچک دبێژیت

دەستێ راستێ جگارەیە

بانگێ سپێدی کبارە یە

دیتنا من ولاوکێ من ئەڤ جارە یە

کچک دبێژیت

داخێ ل سەر داخێ

باکەک دهێت رادکەت ئاخێ

یان بو تە مە یان بو ئاخێ

ژکەربێت ڤێ ئێجاخێ

کچک دبێژیت

دلێ من ودلا پێدا

قولنگ وقازا دانا تێدا

ئەز نەمینم بو تبلێت دناڤ هەریێدا

کچک دبێژیت

دلێ من کاسکا چایێ

بەفر باری وەکی کایێ

دەلالێ دلێ من نەساخە ل موستەشفایێ

کچک دبێژیت

دلێ منو سێلا ئاسنی

هاتو بوری نە سەکنی

ئەز ب مێرم، تو ب ژنی

کچک دبێژیت

دلێ منو خانا بنی

هەجیی هاتو لێ سەکنی

چپکەم پسمام ئەزا ب مێرم، تو یی ب ژنی

کچک دبێژیت

دلکێ من سێلەک ژسێلێت ئاسنی

تو دبەر مەرا بۆری ونەسەکنی

ئەشق وئەڤینا مە بێ فەیدەیە

ئەزا ب مێرم وتو یێ ب ژنی

کچک دبێژیت

دێ تو ل مالا بابێ خو روینە

ما دەم تە دل لسەر مار کرنا من نینە

گوتنێت خەلکی ل دویف من ب برینە

کچک دبێژیت

دایکی تو ب خودێکەی

بابو هوین ب خودێ کەن

کەزیێت من شەکەن بسکێت من چێکەن

دەما لاوکێ من دچیتە غەریبیێ من دگەل فرێکەن

کچک دبێژیت

دەهواتەکا هاتیە گوندێ مە بە بوشی

یێ دهاتن شێخ هەسنی، نە خێر مام زدینی ، ئەرگوشی

هەکە تو یارا خو نەنیاسی، یا ل سەری قرەپوشی

دەیکێت کورا

دەیکێت کورا دهارن

ب تورکی ل بابێت کورا دخورن

هەرن میسلێ ، کراسێت قەنا دیزی ب کرن

دەیکێت کچا

دەیکێت کچا دژارن

مێر هەمی دەما دگەل وان دقارن

ل ناڤ گارانێ جهور ل سەرڤە دبارن

پیتا خ د.pdf