پیتا بێ

حەیرانوک

لێکدان وخرڤەکرن وبەرهەڤکرنا: ئەحمەد عەلی حەسەن

دیوانا دێوانێت دلینی

پیتا (ب)

کورک دبێژیت

بەژن

بەژنا زراڤ، بەژنا تەرە

شەڤ تاری یە، گوندێ کەرە

رابە ب چینە پەرێ گوندی تە برامیسم پاشی وەرە

کچک دبێژیت

بەژنا من گولە دبەر بەحرا وانێ

پەزا کیڤی مە ل سەر سیپانێ

خەیالا لاوکێ خومە ل نیڤا دیوانێ

کورک دبێژیت

به ژنا بلند شل وملن

تژی پاخلی روحان وگولن

باب ودای ژكوری دسلن

کچک دبێژیت

بەژنا بلند بلندی

یێ دهەژینیت لەوەندی

من لاوکێ گرتی ژئەڤی گوندی

کورک دبێژیت

بەژنا بلند دارا درێرا

بەژن کورتێ هرچا شکێرا

ناڤنجیێ کوما زێرا

کچک دبێژیت

بەژنا من زراڤه وەك سپيندارا بەر کانيا

کورکێن گوندێ مه يەك ب يەك ل من دگرن سەرێ ريا

دێ تو وەرە من بخازە بەس بێژە من هێشتا زييا

کورک دبێژیت

بەژنا بلند لبەر گوتنێ

لبەرکڕین وفروتنێ

دێ لێ دەم رحا شرین

دگەڵ چەند مالێ دنێ

کچک دبێژیت

بەژنا بلند یا زراڤە

من ژتەرا گوت، تە لمن داڤە

عەزیزێ دلێ منو، تە ئەزێ کریمە

پەپیک وگوهین بەردامە گوندێ رەشاڤە

کورک دبێژیت

بەژنا بلند، ل بن چیایێ

کەزی وبسکێت تە بادایێ

ئەز دێ هینگێ تەرکا تەکەم

حەتا من دبەنە ناڤ موغارا شێخ میسایێ

کچک دبێژیت

بەژنا دەلالێ من رحانە رحانا دری

بای لێدا بو بێن لێ فری

هەکو بیرێت تە تێنە من ژدلێ من دچیت ئاگر وگوری

کورک دبێژیت

به‌ژنا ته‌ زراڤه‌ لێ گرێدا قاویشا زێرا

ئه‌نیا ته‌ ژی هه‌یڤا چارده‌یه‌ چاڤ ژستێرا

ئه‌ڤرو ده‌رکه‌تیه‌ ژسه‌رێ چیا وژکێرا

کچک دبێژیت

بەژنا بلند منارەیە

ددەستێ راستێ جگارەیە

تو ب خودێ بابو من ب دەنێ ئێکانەیە

کورک دبێژیت

بەژنا زراڤ شڤی شڤی

تە خزێم زیرە، بالگە لڤی

خوزی من زانیبا

کانێ ب شەڤێ تو ل کیرێ دنڤی؟

کچک دبێژیت

بەژنا من گولە دبەردا بەحرا وانێ

بەزا کیڤی مە ل سەر سیپانێ

خەیالا لاوکێ خو مە ل نیڤا دیوانێ

کورک دبێژیت

بەژنا بلند بەر شوباکێ

سەر قوندەرێ سەر قەبقابکێ

من دل سەر تە هەبوهێش تو ل بەر مەمکێ دایکێ

کورک دبێژیت

بەژنا تە زراڤە مینا تاکێت شەنگە بیا

تە کرمە لاوە كێ هارودین بەردا مە دول وگەلیا

من سویند خاری تو بو من بی یان نە چیە پشت چ پەریا

کورک دبێژیت

به‌ژنا بلند وه‌خته‌ بشكێ

ئه‌ز دێ چمه‌ زاخوكا ره‌نگين

كه‌مه‌ره‌كا زێری چێكه‌م ل قايدا پشتێ

ئينشه‌لا خودێ مالا وی خراب كه‌ت

يێ نه‌ هێلای بكه‌ڤمه‌ به‌ر كێله‌كێ ل به‌رته‌نشتێ

کورک دبێژیت

بەژنا بلند روحانا رویتە

ئەڤە سەرێ حەفت سالانە ئەز گەریام ل دیف تە

من خەبەرک هەیە من شەرم کر بێژم ل رویتە

کورک دبێژیت

بەژنا بلند چو بالاڤێ

ل هەمی کوچکا، دانا کوچکێ ناڤێ

تە ئەز سوتم، تە حەلاندم

بەژن بلندێ، چاڤ رەشی، دێم زراڤێ

کورک دبێژیت

بەژنا تە زراڤە مينا تاكێ شەنگەبيا

تە كرمە وەك هار و دينا

بەردامە دول و گەليا

من سيند خاريە تو بومن بی

يان نە چيە پشت چ پەريا

کورک دبێژیت

بەژن بلندێ وەکی هێسترێ

ئەز ناگەهم بەژنا تە ئەگەر بچم سەر پێسترێ

بهار

کچک دبێژیت

بهار هات وبهارا لینگی

بزنەکا سەرئاڤێ دهێت کارێ لبەر سێنگی

خوزی من لاوکێ خو دیتبا ب رویڤنگی

کورک دبێژیت

بهارە بهارە مە درەنگی

خفش وخەزالێ کارکا خو دا بەر سێنگی

خوزیێت وێ گاڤێ دای وکور وخیشک وبرا

دگەهنە ئێک ب دل خوشی ب رێڤنگی

کچک دبێژیت

بهارە بهارا شیڤێ

یێت بشکڤتین کولیلکێت سێڤێ

من سەد عەیف ومخابن

کورە لاوکێ من هاتە کەشتن

سمبێلیت وی نە گەهشتنە لێڤێ

کورک دبێژیت

بهارە بهارا سێرتی

بەفر وبارانا شختە هاڤێتێ

کێ دیتی یە مروڤ شوڤەکێ

بو دلێ خو سێ گێسن کەت

ئێکی دی، توڤێ خو پاڤێتێ

کچک دبێژیت

بهار شين بو ل كاڤله گوندا

ده خل زه ربو جەهی گولدا

مرادا منو لاوكێ ده لال ما ددلدا

کورک دبێژیت

بهارە بهارا ڤانی دلا

یێت من شینبون نێرگزێت ڤان گولا

من حەیف ومخابن کەزی وبسکێن

یارکا من بکەنە بالیفک دانە بن ملا

کچک دبێژیت

بهار هات وبوهارا لینگی

بزنکا سەر ئاڤێ دهێت، کارێ ل بەر سێنگی

خوزی من لاوکێ خو دیتبا ب رێڤینگی

کورک دبێژیت

بهارە بهارا مە یا کوکە

دار وبارێ مالیک خراب

ژخۆەرا گرتیەڤە ریشوکە

من عەیف ومخابن سینگ وبەر وبەدنێ

مەحبوبا مالا بابێ من

ل بن فەرشێ سەلیمێ گرتیە ڤە پەمبولە

کچک دبێژیت

بهار هاتو من نه زانی

دێ ره شينم كولان وخانی

دا توز نه گریت تبلێت حەیرانی

کچک دبێژیت

بهارە بهارا فینکێ

بزنەکا کیڤی کارکێ خۆدایە بەر سینگی

دێ بلا منێ دەلالێ خۆ دیتباڤە بلا ب رویڤنگی

کچک دبێژیت

بهارە بهارا من کەملی

تە کولاڤ فێسە بن دەردکەڤن دو رەش گولی

من حەیف ومخابن گەهو بارێت لاوکێ من

ب بەندبن ئاخکا کلی

باران

کچک دبێژیت

بارانەکا ب شەپی تێ

پێژنا حه‌یرانی ده‌رێ خانی تێ

هه‌کە دایکا من گوت ئه‌و کی یه‌

دێ بێژمێ کتکه‌ دیف بێهنا گوشتی تێ

کچک دبێژیت

بارانەکا ب شەپی تێ

پێژنا حه‌یرانی ده‌رێ خانی تێ

هه‌کە دایکا من گوت ئه‌و کی یه‌

دێ بێژمێ کتکه‌ دیف بێهنا گوشتی تێ

کچک دبێژیت

باران ب شبشبی تێت

دەنگێ لاوکێ من ل بەر دەری تێت

هەکە دەیبابێت من گوت ئەڤە چیە

دێ بێژمێ پشیکە ل دیف بێهنا گوشت تێت

کچک دبێژیت

بارانکا بشەپی تێت

پێژنا حەیرانی ل بەر دەرێ خانی دهێت

هەکە خەسیێ گوت ئەو چیە؟

دێ بێژمێ کێتکە ل دیف بێهنا گوشت دهێت

کچک دبێژیت

باران باری قەت ڤەنەکر

تاڤێ لێدا زوها نەکر

ئەڤینا من وکورکی

یا ژمێژە بو فایدە نەکر

کچک دبێژیت

باران باری عەرد تەر نەبو

تاڤێ لێدا زوها نەبو

مرادا کچ وکورکا قەد حاسل نەبو

با

کورک دبێژیت

باکەکێ دهێتو ل هەمى دەما

یێ دهەژینیت کولیلکێت چەما

پشتى چاڤێت رەش وبەژنا بلند

سۆتم وحەلیام چێ دمن نەما

کچک دبێژیت

باکەکى دهێت هەمى دەما

یێت هەژینیت بەلگێت چەما

پشتى بەژنا بلند ئەز حەلیام وچ دمن نەما

دەستپێکا مەخلیتە

کچک دبێژیت

بەروژێ مە ب بەرێڤە

کچکا دبێت کورو دینو هلو رابە من باخێڤە

وەزێ ئەهدەکێ دگەل تە بکەم

ئەز بو تە مە ژ ئەڤرو پێڤە

کورک دبێژیت

بەر دلایێ بەر دلایێ

تە کراس سوری ل دەنی دایێ

وەرە تە برەڤینم حەفت قویناغا ببم بن بەغدایێ

کچک دبێژیت

بێژە حەیران دلێ من بیستانێ ڤێ تویتنێ

تویتن هاتە بەر ڤێ کرینێ، بەر فروتنێ

ئەز دێ هنگی تەرکا ڤێ بەژنا بلندکەم

هەتا تێنە سەر روحا من قاسدێ ڤێ مرنێ

کورک دبێژیت

بسکێت تە دشۆرن خولکێ رویباری

وەردەکا پۆرا وەردەکا چیایێ

هەکە روح ب هێتە گوهورینی

من یا خو شوینا یا تە دانایێ

کچک دبێژیت

برەکا عەگیدان وخوشمێرا ل باسکی مەحمیدان تێنە

کچکا مەزن دبێژتێ ئەڤە قولچیێت پەزینە

کچکا ناڤێ دبێژتێ ئەڤە دزێت بەرینە

کچکا بچیک دبێژتێ هوین هەر دو دروا دکەن

ئەوێ بەراهیێ لاوکێ منە، یێت دویفرا

هەمی خولام وخلمەتکارێت وینە

کورک دبێژیت

بەرێ بەیانێ لە من سپی بی

برەکا تەیران وتەوالا دگەلیکیێ مال خراب دا هاتن

لە من رەش وتاری بی

کیژکەکا ل حینێ چاردە سالی ملکێ خۆ ل ملکێ من دابی

ڤێ تەرس بابێ ئەزێ کوشتم عەمرێ ب نیڤی بی

کچک دبێژیت

بێلاکا گوندێ مە یا هینە

شەڤ باکێ شەڤێ لێدا بویە ستوینە

دەلالێ دلێ من ل مال نینە

خەوا من ناهێت هێجەت پێشینە

کورک دبێژیت

بابێ گولێ رەزەک دانی

تەعان وپەرژان تێ وەرانی

دێ بلا بابێ گولێ گول دابا من

ئەز مالخویێ مالێ وگول کابانی

کچک دبێژیت

بيسته كى ل مالا مه رينه

ده ستا دگه رده نى ورينه

ده ردو ژانا بكه وينه

خه ميت دلى بره ڤينه

کورک دبێژیت

بەر دەرێ مالا مە یا ب گولە

پشتا مالا مە ب سومبلە

من کچک دیت رابۆری یا ژ من سلە

کچک دبێژیت

بەفر باری رەحمەت

عەردێ خودێ کر خەت

ل مال بابێ عەدەت

ل مالا مێری قوبحەت

کورک دبێژیت

بێریێ، ژ بێرییا ڤەمای

شیر مەشکا گرانە، پالێ خو لێدای

نوزانم ، کا تو ژمن یا سلی

یان ژدەیکا خو یا دل مای

کچک دبێژیت

بسکێت دمن دشورن دراڤێت ئاگریوو شاکا دهاڤێژن

دێ شی ب حەیرانی کەم

بلا پسمامێت برایێ من هەر بێژن

بسکێت من دکورتن دراڤێت ئاگریوو

خوناڤێ گرتن

ئەز دێ شی ب حەیرانی کەم

پسمامو برایێت من د خورتن

کورک دبێژیت

ب شه‌ڤێ دنڤم خه‌ونا دبینم

ده‌ستا ل دور گه‌رده‌نا یاركا خو دوه‌رینم

پوسیدە سپێدێ رادبم شه‌رمزار ودره‌وینم

کچک دبێژیت

بسمام ڤان نێرگزا بەلگ وەراندن

ڤان نێریا شاخ ئالاندن

پسماما دوتمام رەڤاندن

کورک دبێژیت

بێ مال بێ مال

چیا دبلند پەدار پەدار

پۆرا دەلال کرە گازی کرە هەوار

دەما بەینا من وبەژنا دەلال

چەندا خوش بوسالا ئەڤ سال

کەفتینە دو دلێت سار

کچک دبێژیت

باگێرا چیایە

بەردا دەشتە پشت دا چیایە

مخابنی سەد مخابنی تەرمێ لاوکێ من

هێلا دجهێ غەریبیایە

کورک دبێژیت

به‌سنا یێ به‌سنا خه‌لیلا

به‌ژنا ته‌ بلنده‌ قرکا ته‌ قه‌ندیلا

خو بگره‌ به‌سە تە دل پڕکر ژکوڤان وکولا

کچک دبێژیت

بەر دەرێ مالا مە مەش مەش نەکە

ئاگرێ جگارا خو گەش نەکە

ئەز یا تەمە وخو شاش نەکە

کورک دبێژیت

به‌سنایێ ژدلێ منرا هه‌ره‌ هێزلی

به‌ژنا ته ‌بلنده‌ گه‌رده‌نا ته‌ کێلی

کچێ دینی مال خرا بێ

ته‌ بو کێ خو گرتی یه من دهێلی

کچک دبێژیت

بنیا گوندێ مە ب شیڤە

رەزەکێ مالا بابێ من ب باهیڤە

هەکە تە ئەز نەڤێم ژهەر سێکێت کەریڤە

کورک دبێژیت

بسکا بادە بادینە

چاڤا گلدە ب گلدینە

کچک سوتن کورکا هاژێ نینە

کچک دبێژیت

بابێ منو قورمێ بەنێ

ببەنە سەرێ ملا هەنێ

ئاگرەکێ سور بەردەنێ

نەکە نە سۆت بڤری بەنێ

کچک دبێژیت

کورکو دینو

بیستەکێ ل مالا مه روینه

ده ستا دگه رده نى ورينه

کوچک خالیه وچێ تی نینه

وه ختی دهێی تشتەکێ دگەل خو بینە

كوركو دينو

بچين رێڤاسا بچين سه رى

كارێ خو بكه ژکەسک وزەری

دێ وه ره ده ستێ خو پاڤێژە

زه ندا من عه بدالا خودێ

بچين زوزانا ژوری ل ناڤ كوچه رى

٢٦-٧-٢٠٢٠ دهوک

پیتا بێ