Embedded Files
حەیرانوک
لێکدان وخرڤەکرن وبەرهەڤکرنا: ئەحمەد عەلی حەسەن
دیوانا دێوانێت دلینی
پیتا ( ل )
کچک دبێژیت
ل رەمەزانا ئەز دێ هێمە
سوتم ژبرسادا، حەلیام ژتێهنە
هەکو ئەز لاوکێ خو دبینم ئەز نە دخەمێمە
کورک دبێژیت
ل سەر چیا را دهێم وتە نابینم
روندکێت من دهێن ئاڤ وخوینم
پشتی بەژنا بلند یان دێ مرم یان دێ مینم
کچک دبێژیت
ل سەربانا مەشە مەش نەکە
ئاگرێ جگارا خۆ ل من خۆش نەکە
ئەز یا تە مە خۆ شاش نە کە
کورک دبێژیت
لێڤ خەمارێ شەکرێ
مەلیکا کچا میرێ
من گوتە تە وەنینە تو یارا منی
تە گوت هەرە یارا تە یا ل جزیرێ
کچک دبێژیت
ل دەرێ خانیێ بابێ من سنگە بەرە
کالکێ بێخە وب گورێ وەرە
ئەگەر دریا دێ ڤەچنم ب ئارمیشێ سور وزەرە
کورک دبێژیت
ل من هاڤینە وەختێ بانا
خەلک وعالەم مژیلن ب کەپر وتانا
هندى سور گول هەبن قەت بێهن نا کەمە گول شیلانا
کچک دبێژیت
ل رێکا رەزا ئەم دئێک تەشقلین
ل چاڤ وبریێت ئێک فوکرین
خودێ کارێ فەسادا راست نە ئێنیت
نەهێلان ئەز ولاوکێ خو ل ئێک بحەسلین
کورک دبێژیت
ل سەر بانا تێم ودروینم
روندکا ژچاڤا دوەرینم
خالا خەلکى درەوینم
ئەز ئاشقێ چاڤێت شینم
کچک دبێژیت
ل رێکا روینشتم گەلەک
هاتن وهەلبورین خەلک
من نەزانی ئەزا بێ تالعم
یان حەیرانکێ منێ بێ فەلەک
دڤان مالک وبەیتێت پڕ ئەڤین ئەڤێت ژێری کچکا پڕ سوز وپەیمان ب رەنگەکێ سەرانسەر پێش یاری دراوستیت و ل بەرانبەری وی ڤان پێیڤێت تژی ڤین وبرین ئارستی وی دکەت ل هیڤیا ڤێکەڤتنێ وگەهشتنێ دکەت ژیاری. نامێت خۆ دەستپێدکەت ب ڤان پەیڤان: (لاوو، لاوکو، لاوکێ من ، لاوێ منو، لاوکێ منو، لاوکۆ دینۆ).
کچک دبێژیت
لاوکو لەزێ بکە من ب رەڤینە
دێ چین زوزانا هێشتا هاڤینە
دلێ من وتە پڕ برینە
وەرە ب وان دەستا ب کەوینە
کچک دبێژیت
لاوێ من وهانو مانی
تە گرێ دا جەمەدانی
خوزی من زانیبا ئەڤ شەڤە
تو ل کیش مالێ مێهڤانی؟
کچک دبێژیت
لاوکێ منو شڤانێ مەری
دەلنگا هلدە دا نەبنە هەری
هەکە ئەز رەبەنا خودێ بشوم
دایکا من دێ دگەل من کەت شەری
کچک دبێژیت
لاوكێ دلێ من كه‌وێ له‌نگه
به‌ژنا بلند شوخو شه‌نگه
وه‌رن داوه‌تا لاوكێ من بكه‌ن ل مه دره‌نگه
کچک دبێژیت
لاوکێ منو لاوکێ ئەتروشی
تو ب شەڤێ گولی، روژێ بشکوژی
ما من گەنگی شویکریە تو هندێ دلسوژی
کچک دبێژیت
لاوێ منو رەشێ شەڤێ
خزێم شورێ ل بن چار چەڤێ
پشتی کورە لاوکی من کەس نەڤێ
کچک دبێژیت
لاوێ من جوتیارێ ل بەر نهالێ
زوی وەرە ل هیڤیا تە مە ل بەر مالێ
پشتی تە ل من حەرام بیت
ئوز بو کەسێ ڤەکەم شالێ
کچک دبێژیت
لاوکێ منو حوڕێ بێ بەخت
دێ تۆ گرێدە فیشەک ورەخت
من ل ڤێ دنێ نە کە مشەخت
کچک دبێژیت
ﻻوێ من سله ژگونديا
یێ چويه پشتا خانيا
ئەز دێ چمێ ب هیڤیا
ئەگەر رازی نەبی
دێ دەمێ راموسانەکێ ژهەردو رویا
کچک دبێژیت
لاوێ من سڵ بو ژڤان گونديا
گرتبو رێكا پشت خانيا
ئه‌زێ لاوكێ خو زڤرينم ب حه‌نه‌كو و لاقرديا
کچک دبێژیت
لاوێ منولاوێ زراڤ
تە چاڤ رەشو بری ل هنداڤ
تە ل من سوتن جەرگ وهناڤ
کچک دبێژیت
لاوکۆ دینۆ، گه‌ر ته نه‌بینم
باوه‌ر که ده‌لالێ من، هارودینم
وه‌کی که‌وه‌کێ به‌ندا ئه‌ز دخینم
کچک دبێژیت
لاوێ من وديسا ديسا
كوتر فرين چونه ليسا
مخابن كوركيت جان بنه رسقێ پيسا
کچک دبێژیت
لاوێ منو لاوێ زراڤ
تە چاڤ رەشو بری ل هنداڤ
تە ل من سوتن جەرگ وهناڤ
کچک دبێژیت
لاوێ منو ئەفندیو
قاتێ رەشە قەمیس سپیو
ئەزێ روژێ سێ جارا
گوری وان تبلا ببم
یێت دکەڤن سەر دارێ قەلەمیو
کچک دبێژیت
لاوێ منو ره ش ته عله وو
تريێ ره زى باله ته وو
هه كه ئه ز نه مرم ئينشلا
دێ جانێ خوه گەهینمە تەوو
کچک دبێژیت
لاوێ منو رە ش تەحلەوو
خەما نە کە دلێ خوەوو
سوزبیت دە یکا تە بکمە خەسیا خوەوو
کچک دبێژیت
لاوکۆ دینۆ، ئه‌ز ب گۆری
ئه‌ز خو دخه‌ملینم وه‌کی حۆری
تو به‌ر خانیکێ مه ڕا ل من نانێری ل من دبۆری
کچک دبێژیت
لاوکو ما ده‌م هزرا ته ئه‌ڤه
پشتی بانگێ مه‌غربێ نێ ئه‌ڤ شه‌ڤه
چنگلێ من بگره، ژ خورا بره‌ڤه
کچک دبێژیت
لاوکێ من ولاوکێ گاڤێ
پێ خوە هاڤێت گەلیێ رەشاڤێ
خوزی من زانیبا کا لاوکێ من شرینترە یان فرا دوشاڤێ
کچک دبێژیت
لاوکێ من ولاوکێ ئەتروشی
تو ب شەڤێ گولی، روژێ بشکوژی
ما من کەنگی شویکریە تو هندێ دلسوژی
کچک دبێژیت
لاوکێ منو، رەش ئەسمەرو
دێ تو پـــێ خـــو دڕێـــژکە
دا ســەرێ خۆ دانــمە ســەرۆ
گــەلەك خەمێت ددلــێ مندا
دا کەسەرێت دلێ خۆبینمە دەرو
کچک دبێژیت
لاوکێ منو جخسی جخسی
شەلوال شینو دەرپێ نفسی
تە ئەم کوشتن نانێ ترسی
ماتو ژخودێ نا ترسی
کچک دبێژیت
لاوو ئەز دینێ تە بوم تە دین کرم
خەمێت دلا ئەز پیرکم
روندکێت چاڤا ئەز کورەکرم
قەنجا ئەز خازتم ، خرابا برم
Page updated
Google Sites
Report abuse