پیتا هـ

حەیرانوک

لێکدان وخرڤەکرن وبەرهەڤکرنا: ئەحمەد عەلی حەسەن

دیوانا دێوانێت دلینی

پیتا ( هـ )

دەستپێکا ڤان نامان ب ڤان پەیڤانە:

(هەرێ كورو، هەرێ کچی، هەرێ سیارو، هەرێ کاروانی، هەرێ شڤانو، هەرێ کوترکێ، هەرێ شەڤێ، هەرێ ره شێ، هەرێ شاخکێ، هەرێ جانا، هەرێ خەیاتو، هه‌رێ مێڤانو، هەرێ خانێ، هه‌رێ به‌سنایێ، هه‌رێ گولێ، هەرێ دايکێ، هه‌رێ گولێ، هه‌رێ شڤانو، هەرێ سیارو، هەرێ رەزڤانو...).

کچک دبێژیت

هه رێ كورو تو ده لالی

شاشێ گرێده ل گەل دەسمالی

هەڤالا خو تە هێلا چوی مالی

کورک دبێژیت

هەرێ کچێ کچا مەتێ

ئاگرێ خودێ ب خانی کەتێ

تە ئەز برمە هیلاکەتێ

کچک دبێژیت

هەرێ کورو حۆر بێ بەختو

من خو ل تە گرت سالو وەختو

تە بو بەختێ خو ل من خرابکرو

کورک دبێژیت

هەرێ کچێ کچا مەتێ

قەدا ب تە کەڤن دگەل مەعریفەتێ

پا تو بو چی دەستێ من نا گری ل گەرا داوەتێ

کچک دبێژیت

هەرێ کورو کورێ مەتێ

یێ شرینە وەک شەربەتێ

چاڤ چونێ، دل نەکەتێ

کورک دبێژیت

هه‌رێ گولێ گول عه‌بدلی

تو وه‌ك په‌پوكا دنالی

ل به‌ندا من تو بێ حالی

کچک دبێژیت

هەرێ کورو کورێ مەتێ

خەنجەر زیڤو ل بەر قامەتێ

عەشق ئەڤینا من وتە

کەتە روژا حەشرو قیامەتێ

کورک دبێژیت

هه‌رێ گولێ گول چیچه‌كی

تو نه‌ پوری نه‌ وه‌رده‌كی

كه‌تی به‌ندا من تو یێ چكی

کچک دبێژیت

هەرێ کورو کورێ مەتێ

من تو دیتی بن خیڤەتێ

من چاڤ ڤێکەڤت دل نەکەتێ

کورک دبێژیت

هه‌رێ گولێ، گول كه‌ڤری

باكی لێدا سرێ بری

تو لبه‌ندا من بای نه دمری

کچک دبێژیت

هەرێ کورو کورێ مامێ

شرینترو ژشەکرا شامێ

تو ب خێرهاتی سەر سەرێ دوتمامێ

کورک دبێژیت

هه‌رێ به‌سنایێ شه‌ڤێ شه‌ڤێ

خزێما زێرا ل که‌پێ ته‌ دا لێڤێ

جهێ شه‌ڤێ تو ل کی دەرێ دنڤێ

کچک دبێژیت

هەرێ کورو، کورێ مامێ

خەنجەر زیڤو شولێ شامێ

من کورێ مامێ خو ڤییا

بو چی هەوە ئەز نە دامێ

کورک دبێژیت

هەرێ خانێ هەرێ خانێ

شالا سەرێ تە گرانێ

یاریا نەکە ل رەمەزانێ

کچک دبێژیت

هەرێ کورو کورێ خەلکی

رەش روحانو، دو بەلگی

ل هیڤیا تە بم حەتا گەنگی

کورک دبێژیت

هەرێ جانا ل بەر ڤی جانی

خوزی ژخێرا خودێ را

من بێهنەکی سەرێ خو دانابا

سەر وی چوکی، سەر وی رانی

بلا پاشی ل سەر سەرێ من راببان

فەرمانا ئاغا وسولتانی

کچک دبێژیت

هەرێ کورو کورێ خەلکی

قەدا ب کەڤن مەعریفەتێ

تو دوازدە ژنا بینی

وەزێ پێ خو نا هاڤێژم وێ داوەتێ

کورک دبێژیت

هەرێ شاخکێ تو چەندا شینی

تو گیایێ مێرگا دحەلینی

بەروژ ونزارا دکوزرینی

ما تو ژخودێ وپێغەمبەرا نا ترسی

تو ڤان لاو وجحێلا دحوینی

کچک دبێژیت

هەرێ کورو کورێ خەلکی

رەش روحانو، دو بەلگی

ل هیڤیا تە بم حەتا گەنگی

کورک دبێژیت

هەرێ کچی ما تو یا دینی

تو ل بەر دەرێ خانیێ مە دهێی وخو ڤەدهەژینی

من حەفت یارێ دهەین دێ دەم مزگینی

کچک دبێژیت

هه رئ كورو تو ده لالی

شاشێ گرێدە ل گەل دەسمالی

ته هه ڤالا خو هێلا چوى مالی

کورک دبێژیت

هەرێ ره شێ ژمن ره شتری

ژتەنیا سێلێ خرابتری

ژباب وبرا شرینتری

کچک دبێژیت

هەرێ رەشو، رەش تەعلەیو

ل دەرێ بابێ من بەس هەرە وەرە یوو

ئەز مرم ب کول و کوڤانێت تەوو

کچک دبێژیت

هەرێ رەشو، ژ من رەشتروو

ژ تەنیا دیزو سێلێ خراب تروو

خەلکی گوتن من رەشە

من گوت حاجیا ئاغایە

دهێت ل بەریکا لەشکەروو

کچک دبێژیت

هەرێ رەشو ژمن رەشترو

ژ تەنیا سێلی خراب ترو

ژباب وبرا شرینترو

کچک دبێژیت

هەرێ رەشو رەش تەعلەوو

خەما نەکە دلێ خوو

هەکە ئەز نە مرم ساخ بم

ئەزێ دەیکا تە کەمە خەسیا خوو

کچک دبێژیت

هەرێ کورو کور ومەتێ

تە شال شینو شولێ خەتێ

خوزی خودێ مرادا من وکورێ مەتێ

حاسل کربا حەتا روژا قیامەتێ

کچک دبێژیت

هەرێ شڤانو شڤانێ مەری

دەلنگ ودەهمەنا هەلدە دانە بنە هەری

دەیک ژنبابە دێ کەت شەری

کچک دبێژیت

هەرێ شڤانو شڤانێ بزنى

نەتو کورتى ونەمەزنى

تو ب قایدا بەژن وبالا منى

کچک دبێژیت

هەرێ شڤانو شڤانێ شەکا

تە رەختێ سۆرە ل سەر کێلەکا

کا تە چاڤ ل منە، دلێ ل گەلەکا

کچک دبێژیت

هه‌رێ شڤانو شڤانێ په‌زی

ئاگره‌كی هه‌لكه‌ ده‌ستێت من ته‌زی

دابچینه‌ كانیكا دانگا مالا

ده‌ڤێ خو پاڤێژه‌ روكێت قورمزی

کچک دبێژیت

هەرێ رەزڤانو رەزڤانێ رەزی

رەزێ خو ب فروشە بدە ب کەرکی پەزی

دا ب چینە زوزانێت ژوری ل سەر ئاڤێت تەزی

کچک دبێژیت

هەرێ جوتیارو جوتی نەکە

خەتا بن ب خەلەتی نەکە

ئەز یا تە مە خو شاش نەکە

کچک دبێژیت

هه‌رێ مێڤانو مێڤانێ مێ خێرێوۆ

هه‌كه‌ تو مێڤانی هه‌ره‌ كوچكا مێ مێوۆ

هه‌كه‌ تو رێڤينگی هه‌ره‌ به‌ر ريتكێوۆ

کچک دبێژیت

هەرێ دایکێ دینێ ل غەریبیا ل من هندابی

سەبرێ من نە هات دەلالێ دلێ من رەبەنێ نە ل کاڤلە گوندابی

خوزی ژخیرەکا خودێ را من دیتبا دەلالێ دلی من پەیدابی

کچک دبێژیت

هەرێ دايکێ دينێ

ل غه ريبيا ل من هندابى

سه برا من نه هات ده لالێ

دلێ من ره به نێ نه ل كاڤله گوندا بى

خوزی ژخێرە كا خودێرا

من ديتبا دەلالێ دلێ من به يدابى

کچک دبێژیت

هەرێ خەیاتو تو ب خودێ کە

تو جلکێت عەسکەری بەر فرەهی چێکە

جهێ قەلەم ومەکتوبا چێکە

هەکو لاوکێ من دچیتە غەریبیا دا مەکتوبا بو من فرێکە

کچک دبێژیت

هەرێ کاروانی، تو خوش کاروانی

تو ل کیرێ باردکەی تو ل کیرێ دانی

ئەگەر تو یێ تێهنیێ وەرە

سێنگێ من بو تە سەر وکانی

کچک دبێژیت

هەرێ شەڤێ تو چ شەڤی

هەیڤا تێتو سوبە دکەڤی

دێ چمە بالگێ لاوکێ خو

ب هەجەتا جگارا دەڤی

کچک دبێژیت

هەرێ کوترکێ یا شەپەر شینێ

هەرە هنداڤ دارا موغبەرێ چێکە هێلینێ

لەشێ دەلالێ دلێ من گەلەکێ نازکە

دێ لێ بشو خور وخوینێ

کچک دبێژیت

هەرێ شڤانو شڤانێ پەزی

ئاگرەکی هەلکە دەستێت من تەزی

دا بچینە کانیکا دانگا مالا

دەڤێ خو پاڤێژە رویکێت قورمزی

کچک دبێژیت

هەرێ سیارو سیارێ کەری

تە لێ بشکێت پاتکا سەری

تە ژبیرکرم مام ل هیڤیا تە ل بەردەری

ئەڤ نامە دەستپێدکەن ب ڤان پەیڤێت سەرەکێ: هەی، های، هایێ، ها...

کچک دبێژیت

هەی ژارێ ل من ژارێ

توکێ ل من خاند ل چیایێ زنارێ

لاوکێ من نە هات هەیلا ل من دین وهارێ

کورک دبێژیت

هایێ ل من سەد جارا هایێ

رەش روحانا وڤان سۆر گولا پال ڤەدایێ

خەلک عالەمێ هەمیا گولا خۆ چنی

گولا من وێ بەژنا زراڤ ل هەوا مایێ

کچک دبێژیت

های ئەڤینێ یا ل چ کارە

نە فروتنە ونە کریارە

هەر سوتنە وهەر بژیارە

کورک دبێژیت

ها یارکا ل سەربانى

یا دە یە باى دانى

ئاشقێ تەمە تۆ دزانى

کچک دبێژیت

هەی دل هەی دل

سوار نه به ل ماهينا بێ جل

پەیا نەبە ل مێرگا بێ گول

خودێ حاسل نەکەت مرادا نە ژدل

کورک دبێژیت

هەی هوت، هەی هوت

کچا خەلکی دلێ من سوت

ما خودێ وپێغەمبەرا هو گوت

ئەز ئەڤینێ بکەم وئێکێ دی بخوت

کچک دبێژیت

های به‌سێ به‌سنایێ

خزێمه‌کا زێرێ ل که‌پو لێڤیت ته‌ قوتایێ

ئه‌ز دا گه‌هم لاوکێ خوعه‌ڤدالێ خودێ من نه‌ وێرا ژبه‌ردایێ

کورک دبێژیت

های تێرمەزێ های تێرمەزێ

کانیکا گوندی مە ب حەلانە ناگریت کەڤزێ

دێ تێرمەزێ رەڤینم ب رێکا ئاڤێ ل بایێ بەزێ

كچك دبیژيت

هەی كورو ژمالێت مەزن

زەند وباسك ژملا دلەرزن

تو نێچيرڤان بى خه زال ئەزم

تو ئاڤ كێش بى تێهنى ئەزم

تو نانپێژبى برسى ئەزم

کورک دبێژیت

هەی کچکێ ما تو یا دینی

یا کەتیە دلی ئەشق یا کەتیە دلێ تە ئەڤینی

من تۆ ژێگرتی ژ هەمی زەریا

ڤێجا بوچی خو خەلەت تێدگەهینی

کچک دبێژیت

هەی جوتیارو جوتیارێ نهێلێ

قەلینێ تێکە، بادە سمبێلێ

ئەز بو تە چێترم، ژدەبرا سێمێلێ

کورک دبێژیت

هەی تیلمەزێ هەی تیلمەزێ

باران هاتو ل رەخێ دزێ

نە مرم ساخ بم دێ تە کەمە دەیکا بزێ

کچک دبێژیت

هەی ژارو حەیرانی

چاڤێت من درەشن ژکلێ سوبحانی

ئەزێ ب کولێت تە بمرم یارکێ ڤی زەمانی

کورک دبێژیت

هەی کچکا ل سەر بانی

یا دبژێریت ئەوی دانی

من تو دڤی ما تو نزانی؟

کچک دبێژیت

هەی ژارو حەیرانو

هەکە تو مازی چنی خو ل نزارا بەر نە دە

هەکە تو ب هەڤال وهوگری بەرسڤێ ل من نەدە

هەکە تو یی بێ هەڤال وهوگری

وەرە تەوافا سێنگ وبەرا

حەتا نیڤا شەڤێ بەر نەدە

کورک دبێژیت

هەی هو هەی نەمرو

چ کانیکە ل بن کەڤرو

کەچکێت شێخا بدەنە ئاڤ زێبرو

کچک ڤان نامان دەستپێدکەت ب ڤێ پەیڤا پڕ ئاخینک: هەیلا ل منێ...

کچک دبێژیت

هەیلا ل منو ڤی عەدەتی

چ ئێغبالە ب من رەبەنا خودێ کەتی

من زانی دێ من دەنە ئێکی

سەر سپی وددان کەتی

کچک دبێژیت

هەیلا ل منێ خێلی شینێ

لیفکی بینە دگەل سابینێ

دا جلکێت عەزیزی خوە بشوم ژخر وخوینێ

کچک دبێژیت

هەیلا ل منێ دل غازێ

ئەز دێ نڤێسم ل سەر پەرکەکێ قازێ

ئەز نزانم، بەهشتا باقی خوشترە

یان یاری وترانێت چەلکێ پیڤازێ

کچک دبێژیت

هەیلا ل منێ ڤێ هێڤیێ

کورە لاوکێ من چو وێرانێ عەسکەریێ

شەر ولێگدانە، ترسم ب کەڤیت هێرشا پێشیی

کچک دبێژیت

هەیلا کورو کورێ مە تێ

من تو دیتی ل بن خیڤەتێ

من چاڤکرێ، دل نە کە تێ

هەکە یان ئەگەرا مەرجی یا دیارە دناڤ ڤان مالکێت ڤینداری ب رەنگەکێ جوان وتازە:

کچک دبێژیت

هەکە تە نەخەت نەبیت من پێ بینى

هەکە تۆعەشیرەت نەبى من برەڤینى

ماتۆ بۆچى ل کلێسا بابێ خۆ نارینى

کورک دبێژیت

هەکە تو نان پێژی ئه‌ز برسيمه‌

ئه‌گه‌ر تو ئاڤ كێشی ئه‌ز تێنيمه‌

هەکە تو جوت مه‌مكێت خو دفروشی

ده‌لالێ بخودێ ئه‌ز مشته‌ريمه‌

کچک دبێژیت

هەکە تۆ مازى چنى تۆ خول سەرا بەر نەدە

ئەز دێ گازى تەکەم جابا من نەدە

وەرە دانگا گوندى سینگ وبەرێ

من عەبدالا خودێ ژجانێ خۆرا تێک ڤەدە

کورک دبێژیت

هەکە بهاری کەسکاتی هێلا

هەکە زڤستانێ بەفر هێلا

هەکە هەمی یارا ئێک ودو هێلا

باوەر بکە ئەز چ جارا تە ناهێلم

دەستپێکا ڤان نامان یا تێکەلەیە ژهندەک پەیڤێت ب هێ دهێن:

کورک دبێژیت

هەرە میسلێ خو ب دە رەڤانێ

عەزیزا دلێ منێ

نە ئێنە سەر خو ناڤێ بەردانێ

کچک دبێژیت

هازێ ل من هازێ

دەنگێ قولنگی فرینا قازێ

راموسانێت من ولاوکێ من دخوشن

ل ناڤ نهێلیا ل چەلکێ پیڤازێ

کورک دبێژیت

هەچی دارا دمالا مەدا

بەلك وەراندن دخەملا خوەدا

چونە كچكێ بابێ نەدا

کچک دبێژیت

هندی ئەز ل ڤێ دنیایێ هەمە

دلێ من یێ ب کوڤان وخەمە

تو دلێ من نەهێلە، بو ئاخێمە یان بو تەمە

کورک دبێژیت

هاڤینە دونیا گەرمە

قەمیسکی پاڤێژە کتانێ نەرمە

دا تە خوازم ، من ژبابێ شەرمە

کچک دبێژیت

هەیڤا مە یا هاتیە چاردە شەڤی

چیاکێت گوندێ مە دبلندن، ڤ سەرناکەڤی

چومە بەر بەژنا بلند حەتا نیڤا شەڤێ

مودینکا کارەبانی، یا ل بەر دەڤی

کچک دبێژیت

هندی ئەز لڤێ دونیايێ هەمه

دلێ من يێ پر ب كوڤان وخەمه

تو دلێ من نەهيله يان بو ئاخيمه، يان بو تەمه

کچک دبێژیت

هندی ئەز ل ڤێ دنیایێ هەمە

دلی من یێ پرب کوڤان وخەمە

تو دلێ من نەهێلە یان بوئاخێمە یان بوتەمە

کچک دبێژیت

هەیڤا مە درەنگ چوو ئاڤا

پێر و گەلاڤێژ هاتنە هنداڤا

هندی ئەز ل مالا بابێ خۆ کچ بم

توژی ل مالا بابێ خۆ چ جارا نابیە زاڤا

کچک دبێژیت

هەیڤکوکا مە چاردە شەڤی

دبەر مالا بابێ مندا بیستان وزەڤی

خوزی من شوی ب لاوکێ خوکربا ب سەر هەوی

کچک دبێژیت

هاڤینە دونیا دگژگژیت

هێکێ دانیتێ یا دبوهژیت

دەردێ عەشق وئەڤینێ خەلکی دکوژیت

کچک دبێژیت

هەوار دلو چ قیامەتە

بەژنا بلند ب چولا کەتە

هەچی جارەکا دی بو من بینیتە ڤە

هەم خێرە، هەم مننەتە

کچک دبێژیت

هەمى دلا دڵ حەباندن

هەمى مێرا ژن ئیناندن

چ بکەم سوعیدا مال خراب

بو پیسە مێرى ڤە گوهاستن

کچک دبێژیت

هشتی هشتی، حەیرانو هشتی

دەر قوین دریایو پەحنی کەلشتی

روژێ حەفت جارا چمە زوزانێت ژۆری

ل نک دەلالێ دلێ خو ب هێجەتا بەنشتی

کچک دبێژیت

هيلي هيلي

خەکا من تيت توناهيلي

ئەز دا دوعایەکێ ل تە کەم

دل ناهيلم تو جحيلي

کچک دبێژیت

هندی ل ڤێ دنیایێ هەمە

دلێ من عەبدالا خودێ

پڕی کۆل و کۆڤان و خەمە

دلێ من نەهێلە یان بو ئاخێ مە

یان ژی ئەز هەر بو تەمە

کچک دبێژیت

هەمبەر مالا مە کاش وماشە

لاوکێ دەلال بەرێ خۆ دا ئاشە

بایێ ئەشقێ خۆ ل رویێ مندا

وەک مەی حەرکی دل سەرخۆشە

حەیرانوکێت بێ پەردە وبێ رەووشت

کورک دبێژیت

هوڤی ل بەر هوڤی

چیخنێ حەیرانی خیارێ توڤی

هەتا مروڤ ل دایکا وی نەنیت

کچا خو نا دەتە مروڤی

کورک دبێژیت

هێڤە هێڤە دەلولو هێڤە

تە عەمرێ خو بر ب ژنێت مێرڤە

پیتا هـ.pdf