پیتێت پ ت ج

لێکدان وخرڤەکرن وبەرهەڤکرنا: ئەحمەد عەلی حەسەن

پیتا پێ

کچک دبێژیت

پتێ ل بەر پتێ

کیرێ حەیرانی نێریکا سبتێ

ئەگەر نە رابو دێ بڕین کەینە بەر دانەقوتێ

کورک دبێژیت

پیرە ژنا قورمچی

پاتێ سۆر بەردا سەر چچی

یا ژ وێ ڤە دێ خەلک بێژتێ تو کچی

کچک دبێژیت

پائیزە دنیا ساربو

لاوکێ من ئێختیاربو

ژقەهرێ دەڤێ وی خواربو

کورک دبێژیت

پائیزە، بایێ سەر گویزە گویزە

جابەکا گەهشتیە من کەلەش دوستا تە

یا ل مال باتا خو زیزە

ئەزێ بچم راموسانەکێ لێ بخوازم

چ قەنجیە وچ نامویسە

کچک دبێژیت

پائیزە ل من هاتی مەحەلێ گا وجۆتە

ڤان جوتیارا گۆتە گۆتە

من سویندا خاری چ راموسانا نە دەمە پیرەمێری

حەتا جۆتەکێ راموسانا نەدەم بوتە

کچک دبێژیت

پائیزە ل من هاتێ مەحەلێ گا وگێرا

گەلاڤێژا مال خراب یا خو دهەلاڤێژیت ل ناڤ کومەکا ستێرا

بابکێ منو ، تو خێرێ بکەی وخێرێ نەبینی

تە چەوا سالا بەر ڤێ سالێ ئەز هاڤێتی مە بەندا مال ومێرا

کچک دبێژیت

پشتا گوندێ مە ب نوکە

بەرێ گوندێ مە ب نوکە

بەژن وبالا لاوێ من خشکوکە

سەد خوزیکێت وێ رۆژێ

لاوێ من دبتە زاڤا ئوئەز بوکە

پیتا تێ

کورک دبێژیت

تو نە گولی، نە نێرگزی

تو کاغەزەکا حوبر دزی

ل پێش چاڤێت من رەبەنی خودێ

هەرا گەشی ونا چرمسی

کچک دبێژیت

تژی گوندێ مە زەرینە

پاخلێت وان پری شەماموکێت سور وسپینە

کەسێ ڤی دەوری یارکا خو نەبیت چاڤ ل کچیت خەلکینه

کورک دبێژیت

تو یا ل من سلی ئەز نە ل خەمێ مە

تو ل مالکا بوشی، ئەزێ پتنێ مە

بەلێ شاهدێت من وبەژنەکا بلند وناڤ تەنگا زراڤ مەلایکەتێت خودێ نە

کچک دبێژیت

تاخا ژوری تەنیر دادا

تاخێ ژێری روحان ناڤدا

ئینشەللا چیێ بکەڤیتە ناڤ بەینا دو دلا

نە گەهیتە چ مراد ومەقسەدا

کورک دبێژیت

تە چاڤ رەشێ چاڤ ب خێلی

خەوکا من رەبەنێ خودێ دهێت تو نا هێلی

ترسا من ئەو ترسە تو ب چیە

وەلاتێ غەریبا وغوربەتا من ب هێلی

کچک دبێژیت

تو ل وی تاخی ئەز ل ڤی تاخی

دو گول سوربون ل ناڤ وی باخی

خوزی ژخێر ومرادێت خودێ را

مرادا من ودەلالێ دلێ من حاسل ببا ئەڤرو بەری سوباهی

کورک دبێژیت

تو ژمن دیری ئەز ل وەلاتێ غەریبیا

من سەعەتەک کری ئەڤێت ئەجنەبیا

من کرە دیاری بو وی دلێ ئەڤە چەندە ل هیڤیا

کچک دبێژیت

تو ل سەربانا مەش مەش نەکە

پەلا جگارێ ل من گەش نەکە

ئەز یا تە مە خو گێژ نەکە

کورک دبێژیت

تە ئەز دیتم من بان دگێرا

تە بەرێ خو ل من وەرگێرا

خوزی من زانیبا تە بەرێ خو

ل کێش تەرسی، تەرس بابێ گێرا

کچک دبێژیت

تو گەلەکێ ژمن دویری

کراسێ کتانی وفیستانێ سوری

راموسان دخوشن شکەفتا چالی یا ژوری

کورک دبێژیت

تاریە هەر بەر چرایێ

ما من چ گوتیە دلکێ تە ژمن مایێ

هند قەهرا بابێ یە هند یا برایێ

کچک دبێژیت

تو ل سەر بانا یێ دمەشى

ژخالا خەلکێ ڤە نەخۆشى

ما نزانن تۆ نەخۆشێ بەژنا بلندو هەردو چاڤێت رەشى

کورک دبێژیت

تو بومنی، تو بو منی

هەمی دەما ل بیرا منی

تو ئەڤینا دلی منی

بەس چ بکەم تو دیری منی

کچک دبێژیت

تەڤیێت بارانا تەڤن

سویارێت بادینا نێچیر وراڤن

خەلک وعالەم دزانیت

خەنجەرێت زێری

ل بەر کێلەکێت زراڤن

کورک دبێژیت

تە چاڤ رەشێ ل بەر گلدانێ

بسک سۆرێ ل بەر بادانێ

دوهی پشتی بانگێ ئێڤاری

چاڤێ منێ ب مەمکێ تە کەت

یێ داکەتی ل بەر دەست ڤەدانێ

کچک دبێژیت

تو ل سەر بانی تە بان دگێرا

من دەستێ خو ل تە هەژاند

تە بەرێ خو ل من وەرگێرا

عەمرێ لاوێ من ب خسار چو

ل دیف ئەسمەرا خزێم زێرا

کورک دبێژیت

تو کچێ یا دینی

تو ل سەر سویکا وبانا

بسکێت خو ل من دهەژینی

من بخو ئێکا دیتی

یێت وەکی تە نادەم ب مزگینی

کچک دبێژیت

تو ببیە جێ ئەز شی ب تە ناکەم

تو ببیە ❨گول❩ تە بێهن ناکەم

تو ببیە ❨ریحان❩ تە د بەر سەرێ خوە را ناکەم

تو ببیە قالبێ ❨شەکرێ❩ تە تام ناکەم

کورک دبێژیت

تو گولی یا ل ناڤ گولا

بسکا بەردە ل سەر ملا

دیتنا چاڤا کەسەرا دلا

کچک دبێژیت

تو ل سەر بانا مەشی نەکە

ئاگرێ جگارا خۆ خوش نەکە

دیتنا سەر بانا بێ فایدەیە

ژنا خۆ بەردە دەیکا خۆ دەرێخە

بابێ خۆ بکوژە

رەزەکێ خۆ ب فروشە

من بخۆ بینە

کورک دبێژیت

تو ل پەنجەرێ، ئەز ل پەنجەرێ

کەزی شۆرێ ل سەر کەمەرێ

عەشق وئەڤینا من وتە

لەیل ومەجریمێت بەرێ

کچک دبێژیت

تە چاڤ رەشن، برو بەنگی

ل سەر کانیا، گیا رەنگی

ل هیڤیا تە بم حەتا کەنگی

کورک دبێژیت

تە چاڤ رەشێ چاڤ مێکەوێ

سەرێ ڤێ سەحارێ دلێ من گرتیە خەوێ

بلا بابێ تە دەیدارێ بابێ من با

دا تە ستینم بەر گەرەوێ

کچک دبێژیت

تە چاڤ درەشن برو بەلەک

بسکێت من عەبدالا خودێ کورتوکەنە

ل سەر گەردەنێ بونە خەلەک

خەمێت من حەتا ئەڤرو چ نەبون

ژئەڤرو وێڤە بونە گەلەک

کورک دبێژیت

تە کراس کتانێ کورتەک قوماشێ

راموسان دخوشن ل سەر پرکا گرگاشێ

پیتا جێ

کچک دبێژیت

جوتیارو جوتیارێ جوتی

من بەندەکا سترانا ب تە گوتی

بەندا دی دلێ من ب تە سوتی

کورک دبێژیت

جیرانین دەر بدەری ڤە

تە چەرم برە سەرهەستی ڤە

ئەز هینگێ تە ب هێلم مری رابن ب جانگی ڤە

کچک دبێژیت

جانێ لەزکە هەرە چیا

لاوکێ تە یێ نەخوشە لناف جیا

دەرمانێ دەردێ ویە گیا

کورک دبێژیت

جانا منێ گەردەن کەڤێ

چاڤێت تە رەشن وەک تاریا شەڤێ

دێ پشتی تە حرام کەم ژخو خارن وخەوێ

کچک دبێژیت

جهکێت من یێ ل عولیا ناڤێ

تەختێ بچیک یێ ل هنداڤێ

تو گورێ بێخە چەکمێ پاڤێ

پاشی هێدی هێدی وەرە سلاڤێ

کورک دبێژیت

جانى نازدارى ته نا ره ڤينم

نه يى كيم ئاقلم ئو نه يى دينم

دى جابەکا خێرێ بوته ئينم

ته كه مه بيك وخه ملينم

کچک دبێژیت

جهێ منێ ل عولیا ناڤێ

پێنگاڤا نەرمک نورمک پاڤێ

بابێ من شەڤگێرێ شەڤێ یە دێ کەڤیە داڤێ

٢٧-٧-٢٠٢٠ دهوک

پیتێت پێ تێ جێ