پیت س حەتا ق

حەیرانوک

لێکدان وخرڤەکرن وبەرهەڤکرنا: ئەحمەد عەلی حەسەن

دیوانا دێوانێت دلینی

پیتا ( س )

کچێت بچیک

سپیندارێت گوندێ مە د شڤن

با لێدەت ، ژ بنی دلەقین ژسەری د لڤن

چەوا کچکێت حەفت سالی دمالێت بابێ خودا بێ یار دڤن

کورک دبێژیت

سلاڤکێت ئێڤارا

بکەنە قودیکەکێ، ئەمانێت عەتارا

فرێکەنە زوزانا، بو خودانێت یارا 

کچک  دبێژیت

سەر هەلز وبن هەلز

تە دسەری گولا ب تەوز

دەیکا تە یەیا چاڤ مامبز

ئەو بابێ تە یێ بزن دز

کورک دبێژیت

سەرهەلزا مەلختەی

خودانا فەند وسەختەی

خانیێ بابێ تە کونجا سەی

بەرخەک هەبو، خار دەهبەی

کچک دبێژیت

سیار نەبە ل چ هێسترا

پەیا نەبە ل دۆر کەپرا

عەشق وئەڤینا من وتە

بی کەلەک وگەمی ل دۆرێت پرا

کورک دبێژیت

سەرێ قورئانێ ئەلیف ودالن

هەر حەرفەکی نوقتتێت خو ل پالن

دین دینێ موحەمەدە ئەڤیت دی هەمی دبەتالن

کچک دبێژیت

سەرکێ من دئێشیت یێ گرتی ژانە

هندی گەریام ل حەکیم ولوقمانە

قەت چ نا بیت بو دەرمانە

کورک دبێژیت

سنجانێ ئەردێ هشکە

کەزیا سنجانێ تژى رشکە

یا ژخەلکی ڤە کەڤشکە

هەمجا سنجان سەر پشکە 

کچک دبێژیت

سەرێ خێرێ یوو

قەیتانا بەندکێ کێرێ یوو

گوری تەبن قەشێ دێرێ یوو

مەلایێ مزگەفتێ یو

دگەل شەماشێ کنیشتێ یوو 

 کورک دبێژیت

سوتم سوتم بو مە رەژی

من پاڤێنە برکەکا تژی

دەردی ئەشقی چەند گرانە

خودێ بکەتە رسقێ وەژی 

کچک دبێژیت

سپیندارێت گوندێ مە هەمى شڤن

باکەکێ لێ ددەت ژبنى دلڤن

عەجێبیا من ئەو عەجێبە

بەژنێت بلند وناڤ تەنگ زراڤ شەڤێن چریا پتنێ د نڤن 

کورک دبێژیت

سیبەرێت ئێڤاریا دشورن

رەوشا چەما وەردەک دسورن

سەد قەدا وبەلا ب یارکێت ڤی زەمانی ب کەڤن

چەند بێ سوزن یار گوهورن

کچک دبێژیت

سوتم سوتم بومە رەژی

من پا ڤێنە برکەکا تژی

دەردێ عەشقێ چەند گرانە

خودێ بکەتە رسقی وەژی

کورک دبێژیت

سیبەرێت ئێڤاریا دشورن

رەوشا چەما وەردەک دسورن

سەد قەدا وبەلا ب یارکێت ڤی زەمانی ب کەڤن

چەند بێ سوزن یار گوهورن

کچێت بچیک

سوياره ك هاتو شله شينه

ناڤي شوفێری شه مسه دينه

تو ب خودی كه ی هيدی هه ره

برينيت لاوكی من نه ئيشينه

کورک دبێژیت

سر یا باری بەفرێ لێکر

قاز وقولنگا هێلین چێکر

دناڤ بەینا من ومال باتا کچا دەلال

خوینداری بو، خودێ چێکر

کچک دبێژیت

سندريكه‌ كێ بو لاوكێ من چێكه‌ن ژدارێت له‌ڤه‌نا

ره‌خه‌كی ب دانن‌ سه‌ر ملێت سێ زه‌ريا

ئێكی بادنه‌ سه‌رملێت سێ ره‌به‌نا

پاشی ب به‌نه‌ زوزانێت ژوری ل پيره‌ مه‌وته‌نا

کورک دبێژیت

سەێ گرا دبینم هەمی دارن ب دار مازی

قولنگێ زوزانا ل عاشق ومەعشوقا کرە گازی

ئەز ب سەرێ تە کەم  پشتی تە

من ل خو حەرام کر نێچیر ودەشت وهەمی ئەڤرازی

کچێت بچیک

سمائیلو حەیران تو حەیرانی

تو قودیکا ل بەر پشتانی

تو سنجەقا ل بەر بسکانی

تو حەکیمی، خوش لوقمانی

تو ملحەما سەر دەردێت برین کەلانی

کورک دبێژیت

سەر بانا تێم ودمەشم

یا ژخەلکی ڤە ئەز نە خوەشم

کەس نزانیت ئەز عاشقێ چاڤێت رەشم

کچک دبێژیت

سێنگێ من کچکێ هێلینا تەیران

ب خودێ مێهڤانێ ڤێ هێلینێ تو یێ حەیران

دێ تو وەرە لێ بکە سەما وسەیران

کورک دبێژیت

سوبە دێ هێم وهێشتا تاری

بالاڤی مە، ل سەر رویباری

ب حێجەتا جل شویشتنێ

ژڤاندارێ لاوێ خۆ مە

ل بن سیبەرا مێوا تاری

کچێت بچیک

سەر وێ کانــیێ من دەســت بـدارە

ئەزا هاتیم بو لاوێ خـــو من دیدارە

بەس دا تو بگەهیە سنگو بەرێت من

من هزار جار ژخودێ خو هیڤی وهەوارە

کچێت بچیک

سەر وی بانی مەش مەش نەکە

ئاگرێ دلێ خو گەش نەکە

شتلا دلێ من گەرمە

ڤێجا ئەز یا تەمە خو شاش نەکە

کچک دبێژیت

سەرێ خێرێ یوو

قەیتانا بەندکێ کێرێ یوو

گوری تەبن قەشێ دێرێ یوو

مەلایێ مزگەفتێ یو

دگەل شەماشێ کنیشتێ یوو 

پیتا ( ش )

کچک دبێژیت

شڤانو وەرە هێرە

ئاخفتنەکێ بێژم خێرە

ل تە بمریت ژن  ل من پیسە مێرە

دا ل مە ڤەبن دەرێت خێرە  

کورک دبێژیت

شارعێ بنی یێ قیرکری

سەیارەک هاتو سبغ کری

یا ژخەلکی ڤە یارا منا مری

کچک دبێژیت

شەڤا تاڕی بو، روهنی نەبو

چومە پشتا دەری دەرفەت نە بو

من نەزانی لاوکێ من کاروانی یە ل ماڵ نەبو 

کورک دبێژیت

شکارێ بەهدینا ب کور وکەندە

هیڤیا من ژخودێ وشێخێ نەخشەبەندە

ئێدى بو مە نەمینن قەید وبەندە

کچک دبێژیت

شەڤ چو ب شەڤێ ڤە

ئەگەر تو مێڤانی وەرە مالێ ڤە

ئەگەر تو خازگینێ بەژنا منی، هەرە بابێ من باخێڤە

کورک دبێژیت

شینە زەڤیا مالا بابێ من شینە

لاوک دلدار ودلسوزە

کچک بێ بەخت وخائینە

کچک دبێژیت

شەڤ چو ب شەڤێ ڤە

هەکە تو مێڤانی وەرە ب مالێ ڤە

هەکە تو خازگینێ بەژنا بلندی

شەڤێ نیڤ شەڤ پێدا خو ب کێشە پال بالگێڤە

کورک دبێژیت

شولێ هەوه‌ كچكا فه‌ند وفێلن

تژى دناڤ سه‌رێ وه‌را تێلن

ب سه‌رڤه‌ به‌فر ودبنڤه‌ سێلن

یا ژ خه‌لكیڤه‌ جانێ ب حێلن

کچک دبێژیت

شیڤا مە گرارا دەوی یە

دیوانا بابێ ڤێ کچکی یا گرتی یە

پێلاڤا دپێ کچکێ نعالا سپی یە

ل ناڤبەرا من وبەژنا بلند کریە بێ بەختی یە

کورک دبێژیت

شینە شینە، زاخوکێ شینە

ژخێرا خودێرا من زانیبا

کا کی ژپیرە ژنێ ل من کرینە نفرینە

دا چمە سەر تەنیرکێت سندی وگولیا

کەپرۆکەکی چێکەم ژدارێت کفرینە

دا بێنکەمە کولیلکا رێلێ جاهێ دەستەکی

سیسنان وهەلال وبەیبینە

کچک دبێژیت

شەڤی شەڤکێت شلێرن

دەرگا بگرن دورکا رابێرن

کورکو دینو مال خرابو تو بخۆ دزانی

تو یێ بژنی، ئەزا ب مێرم

کچک دبێژیت

شەڤ شەڤە، باران ب شەپی تێت

پێژنا حەیرانی یا ل بەر دەری تێت

هەکە دەیکا من گوی: چ بو چ نەبە؟

دێ بێژمێ: لتک ؛ دویف گوشتی تێت

کچک دبێژیت

شال سورو، شال مەرەزو

تو ددەرێ خانیکێ مالا بابێ هەل بۆری ب لەز وبەزو

هەکەر تو نێچیرڤان بی خەزال ئەزو

هەکەر تو ژن خاز بی ئەڤە ئەزو

پیتا ( ع )

كورك دبێژيت

عەیشێ جانێ بن گوهیشکێ مالا مەیە

قەبرێ تەنگ وتاری هەر بو مەیە

دیتنا عەیشێ بێ فایدەیە

کچک دبێژیت

عەورەک هاتو پرتی پرتی

رەش ریحانا خوناڤ گرتی

چ کچ نینن بێ دەست گرتی

کورک دبێژیت

عەورەک دهێتو پنی پنی

ل هنداڤ سەرێ من سەکنی

ئەز نزانم کا تو کچی یان بیژنی

کچک دبێژیت

عه وره کئ ل ئه سمانا پرتی پرتی

گولێت حه ودا خوناڤ گرتی

ئەز گۆری بم ئەوان تبلێت قەلەم گرتی

کورک دبێژیت

عەورەک هاتو تەقە تەقە

ئەز خولامێ بەژنا بلندم ئەنی دەقە

ل تە ئێڤارە م ل من درەنگە

کچک دبێژیت

عەورەک هاتو پنی پنی

ل سەر سەری من سەکنی

خوزیکا من زانیبا  تو عاشقێ چاڤێ منی

یان مێڤانێ مالا بابێ منی

کورک دبێژیت

عەورا ل من تیرکر

ئەز چومە ناڤ دەرێ یارکا من هەڤیر دکر

هەکو چاڤێ من ل مەمکا کەتی

من سلاڤا خودێ ژبیرکر

کچک دبێژیت

عەورەک چێبو فرتی فرتی

چەمێ ژێری مژێ گرتی

بەرێ سمبێلا دەلالییکێ دلێ من گیرهێ گرتی

كورك دبێژيت

عەیشی جانێ رابه سه ر خۆ

كراسێ كتانێ مه‌له‌سى بكه به‌رخۆ

خوزى من زانيبا راموسان خوشترن

يان قه هوه وچا وگوشتێ به رخۆ

کچک دبێژیت

عەورەک چێبو پنی سۆرە

تەیرەک هاتبو پەر بمۆرە

ل من حەرام بیت لبسێ سۆرە

کورک دبێژیت

عەیشا ل بەر عەیشا

دەستەکێ ریحانا ئێکێ بنەوشا

بلا ئەز حەمائیلەکا زیڤی بام دبالگێت نەخوشا

 کچک دبێژیت

عەورێت مە شوربون ل هنداڤی میردینی

دەنگێ ڤێ مێ کەوێ خوش د هێت سەر هێلینێ

خوزی مرادا مە حاسل با ل جزیرا بوتا

 سەرزیارەتێ مەم و زینێ  

کورک دبێژیت

عەیشێ عەزیزا دلێ منێ

خودێ وپێغەمبەرا گوهـ ل تە نەبی

هیڤی ودوعایێت تە قەبیل نەبی

عەیالێ من گەلەکێ هویرە

دێ دایکا ژار پەرگەندەبی

پیتا (غ)

کچک دبێژیت

غەمێت دلا ئەم پیرکرین

رەنگێت چاڤا کورە کرین

قاچاخا خاستین خرابا برین

کورک دبێژیت

غەریبو لاوو ، هەی هوت

کچا خەلکی دلێ من سوت

ما خودێ وپێغەمبەرا هو گوت

ئەز ئەڤینێ بکەم وئێکێ دی بخوت

پیتا ( ف )

کچک دبێژیت

فیستان سۆرێ کچکا ئامێدیێ

کاغەزەکێ فرێکەمە حەبانیێ

ئەڤە حەفت سالە لاوکێ ل عەسکەریێ

کورک دبێژیت

فیستان سۆرێ دەهمان ل هەوا

تە دپاخلێ دا هێکێت کەوا

دێ هەرە ئاگرێ خودێ

ب مالا بابێ تە ب کەڤیت

تە ئەز کوشتم ب ڤان درەوا

پیتا ( ڤ )

کچک دبێژیت

ڤێ دهوکێ سەر نشیڤە

خەنجەرا فەرماندێ من کاڤلان زیڤە

بەلێ سەد حەیف ومخابن

ئەڤروکە ئەم هێلاین ب خافلەتیڤە

کورک دبێژیت

ڤێ بارانێ چرکە چرکە

ماهینێ بینە جانیێ جلکە

کێ دیتی یە دەورێ حەفت زەمانا

کچ بو بابێ بویە ملکە

کچک دبێژیت

ڤێ دهوکێ یا دکورێدا

بەفر وبارا کەتنە تێدا

ئەڤینا من وکورە لاوکێ من

سالا ئەڤ سالە چو ب ئاڤێدا

 کورک دبێژیت

ڤان ژارا ل من ژارکر

تەڕگەکا هاتو منێ پرسیارکر

مالکەکا مشختا ل گوندێ مە بارکر

پیتا ( ق )

کورک دبێژیت

قەمرێ ب مەش

ئەز خولامی بەژنا بلندبم وچاڤێت رەش

کچک دبێژیت

قەلسێ ژمالێت قەلسا

تو یێ دترسی ژزیندان وحەبسا

کورک دبێژیت

قەسرا بابێ کچکا دەلال یا ل بەروژە

ل کنارەکی هەیڤە ل ئێکی روژە

خوزی من زانیبا کانێ کچک گولە یان بشکوژە

کچک دبێژیت

قەلا ئامێدیێ دەربەندە

سپنێ بادینا کور وکەندە

کچک کوچەرە، کورک رەڤەندە

کورک دبێژیت

قەمرێ دینێ عەورەک هات ورەشو تاری

بەفرو باران پێگڤە دباری

من نەزانی تالعێ من وقەمرێ

دی کەفتە روژەکا نختە وشەڤا تاری

پیتا س ش ع غ ف ڤ ق.pdf