پیتا رزژ
حەیرانوک
لێکدان وخرڤەکرن وبەرهەڤکرنا: ئەحمەد عەلی حەسەن
دیوانا دێوانێت دلینی
پیتا ( ر )
کچک دبێژیت
رێکا حەدێ دەست بەروارە
میرهات ل هەسپى سویارە
دوتمام لێ یا بریندارە
کورک دبێژیت
رێکا گەلی رێکا مە یە
سەر وکانی بێهنا مە یە
سەر ئاستەنگێ کەیفا مە یە
کچک دبێژیت
رێکا رەزا ب هاتن وچونە
تە شەل شینو، شەپک جونە
وەیلا ل منێ کۆرێ ئەزێ
من نەزانی غەریبی دهونە
کورک دبێژیت
روژ هەلات ل تەرەفێ ڤێ یەمەنێ
شەوقێ دایە خرت وخالێت ونیشانێت ڤێ گەردەنێ
کورکێ خەلکی ئەز حالاندم دێ من ب دەنێ
کچک دبێژیت
رێکا دویردا رێکا دویردا
کول وکوڤان ددلێ کویردا
لاوێ دەلال هات وهەلبۆری
من ژدل دەست تویردا
کورک دبێژیت
رێکا وانێ بە، من چەرخە دبەتە چەرخە
ئەز دێ رابم خەم وخەیالێت دنێ
کەمە کراس وکەمە بەر خوە
هندێ جانا من کیژ بیت ژمالا بابێ خوە
ئەز نە خوشم نا هێمە سەر خوە
کچک دبێژیت
رێکا رەزا ب هاتن وچونە
وەیلا کورێ ئەزێ
من نەزانی غەریبی دهونە
کورک دبێژیت
رێکا رەزا ب دار ولەڤەنە
سەرێ لەڤەنا دار گولتنە
بنێت لەڤەنا جهێت گەڤزکێت من وتەنە
کچک دبێژیت
رێکا کانیێ ب هاتن وچونە
شەلوال شینە، قەمیس جونە
نەزانی عەشق وئەڤین هەمی دهونە
ئەڤ مالک وبەندێت ژێری کچکێ یێت دهاڤێتن ل بەر کورکی
کچک دبێژیت
رەشاڤە ب دار وبارە
بەژنا لاوکێ من روحانا خارە
دێ من ب دەنێ بێ پارە
کچک دبێژیت
رەزکێ بابێ من رەزکێ بەتەنی
خرخالا موری ومەرجانا کەڤتە گەردەنێ
من کورە لاوێ خو خوش دڤێت دێ من بدەنێ
کچک دبێژیت
رەزەکێ مالا بابێ تە یێ ل بەتەنێ
رستکا موریکا کەت گەردەنێ
کچکی دینێ بێژە بابێ خو
یان من ب کوژن یان من ب دەنێ
کچک دبێژیت
ره‌شو وه‌كی ته‌نیا سێلێ
چ كانیكه ره‌خ سێمێلێ
خه‌لك وعالمێ گوت كرێته
من گوت حاجی ئاغا یه لبه‌را عێلێ
کچک دبێژیت
رەمەزانا دێ هێمە
سوتم ژبرساحەلیام ژتێهنە
هەکو ئەز لاوکێ خو دبینم ئەز نە دخەمێمە
کچک دبێژیت
رێکا میسل دویر ودرێژە
یارا کورە ل خو بر نڤێژە
دا چم سەحا لاوکێ خو کەم من نە دیتیە ژمێژە
کچک دبێژیت
رێکا رەزا، رێکا مەیە
تریێ رەزی بالەتەیە
قەولێ من ولاوکێ دەلال
ئەڤ هەیڤا ل سەر مەیە
کچک دبێژیت
رۆژا پێنجێ نیڤرو بوری
ئەز چوم جهێ مالکێت ژوری
لاوێ من هاتو من نەدیت، ژمن بوری
کچک دبێژیت
رەزەکێ مە ل بەتەنێ
رسکا مرجانا کەتە گەردەنێ
دایکێ من د ڤێتو، بابو من ب دەنێ
کچک دبێژیت
رێکا رەزی بەر قبلەیە
تریێ رەزی بالەتە یە
بێژنە من ڤێ ئەڤدالا خودێ
چەندا بلندە منارەیە
بەلێ چاڤێت من کورە بن
بێژنە دەلالێ لاوکێ من
ئەز نزانم ل کیڤە یە
پیتا ( ز )
کچک دبێژیت
زوزانێت مە دتەرن
سەر حەدێت ژۆری دبەفرێرا دکەرن
ما بەینا من وحەیرانێ دەلال بو چی قاسد نا گەرن؟
کورک دبێژیت
زارا ل من زارا
ل من سۆربون کولیلکێت دول ونهالا
من پەزکێ خو برە چەروانى من دوتمام دیت ل وارا
کچک دبێژیت
زکێ منو بەحرا وانێ
کەلەک وگەمى بەردانێ
ئەڤە سەرێ حەفت سالانە
کەفتی مە بەندا پیسە مێرێ رەزیل
نە دهێم کوشتنێ ونە دهێم بەردانێ
کورک دبێژیت
زێوکێ بێما ، یا دکورێدا
روژ هەلات وشەڤێ لێدا
خوزی ئەز حەماهیلا زێری بامە دبەر بەژنێدا
کچک دبێژیت
زێوکا شێخا گوندێ نە یە
دسەردا دەخلە دبندا جەیە
هەکە روژێ سێ جارا لاوکێ خۆ نەبینم
گوندێ مە کاڤلە میراتەیە
کچک دبێژیت
زڤستان نەما، بهار زوی یە
حەیرانێ مالێ ب کەسێ نە رازی یە
کورک عاشقێ بسک وکەزی یە
یارکا حەیرانی یا گوهـ رزی یە
پیتا ( ژ )
کورک دبێژیت
ژارا هەی ل من ژارا
یا ل من سۆر بوین کولیلکێن دول ونهالا
من پەزێ خۆ برە چەروانى دوتمام من دیت ل وارا
کچک دبێژیت
ژهەشتێ حەتا هەشتێ
چاڤێت من کچکێ کلێ رەشتێ
ئەزێ چەوا چمە زوزانا ولاوکێ خو هێلم ل دەشتێ
کورک دبێژیت
ژارا هەی ل من ژارا
ل من سۆر بون کولیلکێت دارا
من پەزێ خۆ برە چەروانى
من دوتماما خو دیت ل وارا
کچک دبێژیت
ژئیسیا هەتا مێرتەکێ
تاژیا دابو ل دیف وەردەکێ
وەیلا ل منێ ل مالا بابێ بێ تالعێ
ل مالا مێرێ بێ فەلەکێ
کورک دبێژیت
ژبەر بادانێ دوهی پاش بانگی
ئێڤاری چاڤێ من یێ ب مەمکێت تە کەتن
ژبەر دەستا وتێگڤەدانێ