پیتا ن

حەیرانوک

لێکدان وخرڤەکرن وبەرهەڤکرنا: ئەحمەد عەلی حەسەن

دیوانا دێوانێت دلینی

پیتا ( ن )

كچك دبێژیت

نه‌چه‌ شامێ شام مرنه‌

نه‌چه‌ حه‌له‌بێ مێركوشتنه‌

وه‌ره‌ بچینه‌ زۆزانێت قه‌ره‌داغێ

رزقێ ته‌ خه‌ما خودێ وته‌شیا منه‌

کورک دبێژیت

نە تو گولی نە نێرگزی

تو کاخزا حوبر دزی

رەش روحانا بەلگ قەناویزی

من نە زانی بوچی سلی هویا زیزی

كچك دبێژیت

نەچە دەشتی دێ تاوی بی

نەچە زوزانا دێ باوی بی

هەرە باسکێ ئوزمانا دێ سوروسپی بی

کورک دبێژیت

نە ئەزێ هارم نە یێ دینم

نە من مالە نە من حالە تە پێ بینم

نە من هەسپە نە ماهینە تە پێ ب رەڤینم

كچك دبێژیت

نە ژئەڤێ سالێ بەلێ ژسالا پارە

ل لاوکێ من قەیرانەکا دژوارە

 ئەو نە شێت بهێت من بخازیت

چنکی یێ مایێ بێ حال وپارە

کورک دبێژیت

نه من  دەشتە، نە زوزانە

نه من  کولە، نە  کوڤانە

نه من دەردە، نە دەرمانە

حەکیم خودێ یە ولوقمانە

كچك دبێژیت

نەهێ مالا مە دوەختێ خۆدبێدا

خەلک خائینە دێ کەڤیتە درێدا

نیڤ شەڤێ وێڤە  ژنوی وەرە

 سەرخەم  وخیالێت یارێدا

کورک دبێژیت

نێریا ل دیف بێریا ڤەمای

شیرمەشکا گرانە پالا خو ڤەدای

خوزی من زانیبا کا ل سەرچبو دلێ تە ژمن مای

كچك دبێژیت

نەیا هویە، یا هونینە، یا هو نینە

سینگ وبەرێت من کچکێ وەک چیاکێت بەفرینە

ژتولازێت گوندی jهەژی دەڤ ولێڤێت تە کورکینە

کورک دبێژیت

نەچە چەما چەم دسارن

تژی مشکن پری مارن

بلا کچک کراسێت کتانی نەکەنە بەر خو

خال ونیشان تێرا دیارن

كچك دبێژیت

ناڤ نهێلێ یا ب گوهیشکە

دسەرسێنگێ را بێم یا ب قامیشکە

چەند جارا من دگوتە بابو برکێت خو

من ب دەنە لاوکێ من یێ بێ خویشکە

کورک دبێژیت

نو ولاهی ئەز قەت وەناکەم

ئەز بابێ خو نا کوژم خو ل دونیایێ قاتل ناکەم

هەسپێ خو نا فروشم خو موحتاجی نەمەردا ناکەم

 ببی حوری عەینەک ژحوریێت بەحشتێ ل خو مارناکەم

 ببی گول موحەمەد ئەز تە بهێن ناکەم

ببی هنگڤینێ هوزا ئەز تە تام ناکەم

ببی رەش ریحانەک تە ل بەر سێنگێ خورا ناکەم

دڤان مالکێت ژێریدا دەستپێکا نامان دهێت ب ڤێ پەیڤێ (ناڤێ) وەک: ناڤێ تەیرێ من، ناڤێ گوندی مە، ناڤێ یارا من، ناڤێ لاوکێ من، ناڤێ لاوێ من ...

كچك دبێژیت

ناڤێ تەیرێ من سەفەرە

پەرەک سۆرە ئێکێ زەرە

هەچیێ ناڤ بەینا مە نە خوش کەت

وی نە خودێ یە نە پێغەمبەرە

کورک دبێژیت

ناڤێ گوندی مە پاصێ یە

چ کانیکا ل دەڤێ رێ یە

ئێکا ل گەرا دیلانێ

کەماخ کێڤریشکە برو قەلەمە

چبکەم ناڤێ وێ سێڤێ یە

كچك دبێژیت

ناڤێ لاوکێ من عەبدولا

چوخکێ کورتە یێ ل سەر ملا

خەلکی گوت یێ کرێتە من گوت بلا

کورک دبێژیت

ناڤێ یارا من ئەڤینە

سینگ و بەری وی سپەهینە

من هژمارتن چل و چار کانی نە

ل ڤان مالکاندا کچک ناڤێ یارکێ خۆ ب درستی دیاردکەت پێ دبێژیت:

كچك دبێژیت

ناڤێ لاوکێ من حەسەنە

سەر مەزنە لێڤ لەگەنە

تو ب خودێ کەی هەکە تو من دبینی ب من نەکەنە

كچك دبێژیت

ناڤێ لاوکێ من تێلی یە

تڤەنگا ملی مفتەلی یە

کالکا دپێ وی شێلازيی یە

جگارا ل ناڤ تلا چەندا سپی یە

ئەزێ چمە نیڤەکا هەردو چاڤا ب بەدلا سپی یە

كچك دبێژیت

ناڤێ لاوكێ من عهمهرە

تڤهنگا ل ملی ماویزهره

قوندرێ بێخه، ب گورێ وهره

ههكه‌ گورا تەیا دڕیایه‌ دێ ئاڤچین كهم

ب ئارمیشێ سۆر وزەرە

كچك دبێژیت

ناڤێ لاوێ من سەبری يه

يێ جان وئه فندی یە

سەيارا وی رەنگێ مارونی يه

كچك دبێژیت

ناڤێ لاوکێ من عەبدوللا

رویشیا بەردە ژهەردو ملا

هندی خەلکی گوت من شوی پێ نەکە

یێ کرێتە یێ رەشە من گوتێ بلا

كچك دبێژیت

ناڤێ لاوکێ من بادینە

سەر چیارا تێم ناڤدا گیاکێ شینە

تو ب خودێ من نە ئێشینە

كچك دبێژیت

ناڤێ لاوکێ من ئەمینە

هەکو دروینیت خوین شرینە

هەکو رادبیت چخسا بیڤازێ تێ نینە

كچك دبێژیت

ناڤێ لاوکێ من ئەحمەدە

شویتکا پشتێ ڤە یا خەتخەتە

خەلک وعالەمێ گوت کرێتە

من گوت بلا عەشیرەتە

كچك دبێژیت

ناڤێ لاوکێ من عەبدوللا

چوخێ سۆرە یێ ل سەر ملا

خەلک وعالەم دبێژن یێ کریتە ئەز دێ بێژمێ بلا

كچك دبێژیت

ناڤێ لاوکێ من حەسەنە

سەر مەزنە لێڤ لەگەنە

بەختێ خودێ وبەختێ تەمە

هەکو تو دبەر دەرێ مەرا دبوری بمن نەکەنە

پیتا ن.pdf