نڤێسین وکۆمکرن وبەرهەڤکرنا: ئەحمەد عەلی حەسەن

دهوک / ٢٠٢١

حەیرانوک: دێوانێت ئەڤینێ

پێکهاتیا حەیرانوکێ

ب رێکا زاری وزاردەڤی تورێ کوردی یێ بو مە هاتیە ڤەگوهاستن ژپیرمەندێ کورد چ ژن یان مێر، کچ یان کور ئەو تۆر باغەکێ رەنگینە یێ پڕ وفرەهە ویێ دەولەمەندە ژهەمی وێنێت ژیانێ، ئەو ئاخڤتنا زۆرا خوش ل سەر زار ودەڤێت وان کەسان ل چڤاکێت روینشتنێ: ل کوچک ودیوانان، ل گوڤەند وداواتان، دناڤ کار وشولان، پێ گوتنا نارینکان وسەرێ زاڤان، لاوک ولاڤژان، بەهی وتازی وشینیان، وگەلەک رەنگێت دی وەک: ستران وبەندێت دورینێ وزباران وئادەی وخەپارەی، ل بەر مەشکێ ودستاری ودارتەڤنی وهێرانێ وجوهنی قوتانێ و ل بەر لاندکێت بچیکان ویاریێت زاروکان وگەلەک بابەتێت دی نە جهێ گوتنێ یە. ژڤان خران بەند ومالکێت (حەیرانوکان ) سەرێ ژڤان هەمیا یێ خاری ژبەر گەلەک ئەگەرێت ژێری.

سالوخ وخسلەتێت حەیرانوکێ

سترانەکا هوزانی یە یا رەوان ورەسەنە دزمانی کوردیدا.

حەیرانوک دیوانا ئەڤیندارێ کوردە، یێ هەمیانە چ کچبیت یان کوربیت.

ڤەهینەرێ حەیرانوکێ یێ نهینە ونەیێ دیارە ل بەر چاڤ ژبەر مەترسیێ کو ئاشکرابیت.

مالکێت حەیرانوکێ یا ب کێش وڤەکێشە وسەروەدارە یا ب رێک وپێکە.

کورتە بەندێت حەیرانوکێ دسڤکن ویا پڕە ژ ئاواز وسەلیقا و مەزیقێ.

دانەرێت حەیرانوکێ دزۆرن بەلێ پیکهاتی ولێکئینان وشێواز ددەنە ب سەر ئێکڤە.

مەبەست ژی ڤین وئەڤینە وحەژێکرنە وپێک ئینانا خێزانێ یە ب شیوەکێ پاقژ وبژین.

پەشداریا کچێ زۆرترە ژیا کوری دڤەهاندنا ڤی رەنگێ تۆری ژبەر مانا وێ یا بتنێ ل مال.

نامێت کچکێ ب هێزترن ژکورکی ژزۆر لایانڤە ژناڤەروکێ حەتا مەبەستێ.

یا پڕە ژ وێنە ودیمەنێت دلڤەکر و ژهەمی رەنگێت جوان وتازە ژسروشتا کوردستانێ.

یا لێکدایە ژپەیڤێت رۆژانە ل سەر دەڤێ خەلکی یێت ئاسان وسانەهی وسڤک ودیار.

نامە گەهاندنە ب رییەکا کورت وپڕ مەبەست ومەرامان وژسوز وپەیمانێت راستەقین.

رەوشت ورەفتار تێدا یا تژی یە ژدلسوژیێ ووەفاداریێ وحەژێکرنا پاقژ وبژین.

دارێژتنا خەم وکوڤانا ودەرد وژانا وئێش وئازاران ب شێوازەکێ رەزیل ومەلیل.

حەیرانوکا درست یا پڕ هش وهەستە وهەلویستە یا دویرە ژئاخڤتن وپەیڤێت چەپەل وسەقەت.

دیارکرنا لایێت تازە وخن وخوشکوک وخوشیمانک ژهەردو لایانڤە بو ئێک ودو.

ئەڤیندار ودێوانێ حەیرانوکێ هەر یێ پڕبو ژخوزیێ وهیڤیێ وڤێکەڤتنێ وگەهشتنێ.

گل وگازندە ودلمانی دهێتە گوتن ورونکرن بێ شکاندن ودیارکرنا نهینیان ب شێوەکێ بەرچاڤ.

پلا سوز وپەیمانێت کچی دگەل کورێ ئەڤیندار پترن وموکمترن وب هەسترن.

بەرچاڤکرنا چەند رەوش وتیتال وعورف وعەدەت وئیجادێت درندە وکرێت دجڤاکیدا.

ئاشکراکرنا بەند وقەید وئاستەنگێت جڤاکی درێکا نە گەهشتنا وان حەژێکەران ب درستی.

سودکرن وپەسندکرنا کار وکوکێت مللەتی بێ کو کێم وکاسیێ وبێ کێم بهای ب دەتێ.

دناڤ ناڤەرۆکا ڤان حەیرانوکان زۆر پەیڤێت پەتی ورەسەن یێت دهاتن پاراستن وڤەگرتن.

فەرهەنگە بو هەلبژاتنا جۆرێت پەیڤان ژهەمی رەنگێت بابەت ومژاران.

هندەک رێزێت حەیرانوکێ یێ دبوینە گوتن ل سەر دەڤێ خەلکی.

ژبەر سڤکی وکورتیا حەیرانوکێ ب سانەهی دهێتە ژبەرکرن وپێگوتن وڤەگوهاستن ل سەر زاردەڤێ خەلکی ژدەڤەر بو دەڤەرێ وەک ستران ولاوکان.

٢٥-٨-٢٠٢١ – دهوک – ئەحمەد عەلی حەسەن

پێکهاتنا حەیرانوکێ.pdf

(