حەیرانوک

حەیرانوکا نوی

ئەڤ حەیرانوکە من یێت ڤەهاندن سەر شوپا ئەوێت کەڤن، ئەز تێدا دیاردکەم جێوازا ئەڤینا کەڤن دگەڵ یا نوی کا چەندا جودا وڤاڤێرە.

(1)  کچێ دینێ :

کچێ من ناڤێ تە کرە دناڤ موبایلا نویڤە

من باخێڤە چنکی دەیباب چونە ب گوندیڤە

دێ دەم وستینم، بزانە هنگێ بێ دەنگبمم

کارت نەمینیت پێژنا وان بهێت ژدویرڤە

(2) کورو دینو:

کورو دینو ئەز نەمایمە ب هیڤیا تە بتنێڤە

من زورهەنە وەکی بەلگێت ب ڤێ دارێڤە

ب زانە دێ هنگێ دگەڵ تە پەییڤم، ئاخڤم

حەتا ئەو بەلگ خڕ پێگڤە بوەریێن بنێڤە

(3) کچک دبێژیت:

چومە پێجا ناما نام هزارن

چومە گروپا کومنت دسارن

من نەزانی هەڤالینیا ڤی دەمی

یا سەر پلە زوی خوگوهارن

(( 4 کورک دبێژیت:

چومە گەما گەم دخەمگینن

چومە مسجا خڕ پی کەنینن

من نەزانی ئەڤە دەم کوشتنە

ڤینا راست ودرست تێدا نینن

(5) کچێ دینی

ئەوا دبوریت دگەڵ رەندەکێ

بەژن زراڤێ زلف بەلەکێ

من داخازا ژخودێ مەزن

تە ب ڤە قەتینیت هەلەکێ

(6) کورو دینو:

ئەو چ مارەکە درێکا مەدا

ئەڤی ماری ژەهر خو ڤەدا

من لاڤە ژخودێ ئەو نە مابا

دا مراد حاسل ببا دڤێ دنێدا 

(7) کورو دینو:

شوڵێ هەوە کورا شوڵ شێلن

سەرێ وە خڕ لاستیک وزڤێلن

ژسەر ڤە دسستن، ژبن ڤە دخلێلن

ژدەیبابا ڤە هوین تولاز وسنێلن

نزانن هوین دەف مە بکێر چ ناهێن

ل دیف مە دبەزن، دکەڤن، دگرێلن

(8) کچێ دینێ

 ئەی درێژێ قورمێ کەزانێ

هەرێ کورتێ شتلا ریحانێ

ناڤنجیێ ستێرا دگەڵ بەیانێ 

حەیرانوکا کەڤن

(٩) کچک دبێژیت

نەچە دەشتێ دا نە زەربی                               

نەچە زوزانا دێ قەمەربی

دەستێ خو ل بەژنا بلند وەرینە

هەمی دەما وەکی گولا ئاڤ ل سەربی

حەیرانوکا نوی

(٩) کورک دبێژیت

نەچە گەلیێ دهوکێ دا نە گێژبی

نەچە ناڤ بازارێ دێ چاڤ هاڤێژبی

هەرە باخچێ گیانەوەرا، حنێرێ ببینە

ئاوەرێت چاڤا دکەنە مۆران دێ پڕمژبی

(10) حەیرانوکا کەڤن

کورک دبێژیت

چلکێت يارا من سۆره 

گەردەن زەرە، بری مۆرە

خەما نە خو، هەرە ژۆرە

حەیرانوکا نوی

(10) کچک دبێژیت

تی شێرتێ یاری رەنگێ مۆرە

یێ بەژن بلندە، یێ چاڤ قۆرە

قەت نە خو خەما، نە بە تۆرە

(١١) حەیرانوکا کەڤن

کچک دبێژیت

ئاڤا شەتی لەملەمە

رەخەک تورکە ئێک عەجەمە

گەمیڤانو بەختێ تە مە

پسمامێ من دەربازکە

ئەز رەهینا حەقێ تەمە

(١١) حەیرانوکا نوی

 کورک دبێژیت

رەخێ شەتی ب قەرەمە

یێ دی خر رێل وکەلەمە

کەلەکڤانو ئەز بەختێ تەمە

تو دوتماما من خلاس کە

ئەز قەردارێ دراڤێ تەمە

(١٢) حەیرانوکا کەڤن

کچک دبێژیت

ئەزا کورتم، درێژ نابم

مازیا شینم حشک نابم

ئەز یا تە مە لێڤە نابم

حەیرانوکا نوی

(١٢) کورک دبێژیت

ئەزێ قورتم، خێرخاز نابم

کەوێ رەنگینم، گەور نابم

ل هیڤیا تە، مژیل نابم

(١٣) حەیرانوکا کەڤن

کچک دبێژیت

دلێ من هێلینا هێکا

مالا من یا ل سەرێ رێکا

من کورە لاوکێ  لێگرتی دناڤ دەر وئێکا

(١٣) حەیرانوکا نوی

کورک دبێژیت

دلێ من شکەفتا پەپیکا

نڤستنا من ل بن سەڤیکا

من جانا ڤیا وەک ماستێ سویکا

(١٤) حەیرانوکا کەڤن

کچک دبێژیت

جهێ منێ ل عولیا ناڤێ

پێنگاڤا نەرمک نورمک پاڤێ

بابێ من شەڤگێرێ شەڤێ یە دێ کەڤیە داڤێ

(١٤) حەیرانوکا نوی

کورک دبێژیت

ئەڤرو دێ چمە نێچیر وراڤێ

سڤک وەرە سەر بانی ل هنداڤێ

دەما دبۆرم دا ل من بکەی سلاڤێ

(١٥) حەیرانوکا کەڤن

کورک دبێژیت

وەرە وەرە کچا مەلایێ

یا بێ شەرمێ بێ حەیایێ

راموسانەکێ بدە من، چ ل تە نایێ

(١٥) حەیرانوکا نوی

کچک دبێژیت

دێ تو هەرە مویچکێ بەلایێ

یێ ژتە دفریت خولکێ خەلایێ

تو یێ ل کولانێ ئەزا ل بێلایێ

(١٦) حەیرانوکا کەڤن

کچک دبێژیت

دلێ من ودلا پێدا

قولنگ وقازا دانا تێدا

ئەز نەمینم بو تبلێت دناڤ هەریێدا

 (١٦) حەیرانوکا نوی

کورک دبێژیت

وەی دلو، چاڤێ من ما درێدا

هزار هزر وتەخمینا خو لێدا

دەستێت یارێ قەرسین دهەڤیرێ دەیکێدا

(١٧) حەیرانوکا کەڤن

کورک دبێژیت

من یار دیتو ل سەر بالاڤێ

جلک دشویشتن دانە تاڤێ

من گوت ئەزێ بچمە سلاڤێ

بەلێ روحکا من چو بو وێ گاڤێ

(١٧) حەیرانوکا نوی

کچک دبێژیت

من لاوک دیت ل سەر کانیا ئاڤێ

من بژی لێ هەژاند ل وێ دەم وگاڤێ

هەر دو پێ لێ سەقەت بون کەتە داڤێ

من سلاڤکرێ، قەت نەشیا بدەت سلاڤێ

چەند حەیرانوکێت نوی دناڤ بەرا کچ  وکوراندا ژهندەک پێجێت فێسبوکیدا:

کورکو دینو 

من هزکرئەندیازی خودان مەعاشی 

من پارێت خو مەزاختن ب بەلاشی 

بو وی دەڤی هندێ مەزن وەک ئاشی 

 سەرمەزنێ من دەرکەتی فەراشی

کچکی دینی 

پانێ تە دگوت ئەز دکتورامە 

نانسی مە خودانا مونیکا مە

هەکە تو توڤبی، ئەز توڤچامە 

کورکو دینو 

بەر دەری مە دێ کەمە تەنصە وچال 

دا تو بەس بهی وبچی تەمبەلی بەتال 

بزانە دا من هند شەکالا تە دفرینیت 

لمال نە ماینە شمک، نەمانیە نەعال

کچی دینی 

هوین چیکەن سەد تەنصە وچالا 

حەژ تە دکەم نە کە سەری عەگالا 

تو خو بکوژی دی هەر هیم وچم 

بلا کولان پڕبیت ژپێلاڤ ونەعالا

کورکو دینو 

دینو توچەندێ تەشقەلچی ودرەوینی

هەرو ب پەیڤێت شرین من دخاپینی 

دی بەس وەرە سەر وبنێت تاخێ مە

ژبهنا گورا تە، تومەحەلێ دهەرمینی

کورکو دینو

ئەز ل سەربانی ئو تو دسەیارێدا 

چ بلەز تە کارت شاند هەردگاڤێدا

ھێشتا برێڤە من فرێکر بو لاوکی

دەلالێ خوشتڤی ئەڤینا وی ددلیدا

کورک دبێژیت

پشتی بیست سالێت خاندنێ

بومە شڤانێ بزنێ

موچێ ماموستا نا دنێ

چ جار نەشێم بینم ژنێ

تەعین ببام ل ڤێ دنێ

دا ئەز ماچیکەم مرنێ

کورک دبێژیت

خلاس دێ دارا ئەڤینێ برم

دێ فروشم وگازێ بێ كرم

زفستان هات، سرێ ئەزبرم

 15-2-2018 دهوک