Pensé polìtich

La ruin-a da nòstra patria piemontèisa (la soa lenga, cultura e tradission) a l’é sortìa da sti galantòm-sì. Viva ‘l Piemont!

Mi i pensava pròpi stamatin: tuti sti problema polìtich d'ancheuj a nasso an sostansa dal faliment del sistèma-Italia, che a sarìa tut da dësblé da soe rèis, con tuta l'ideologìa ch'a-i é sòta. El problema a part da le ambission sensa ritegn ëd cà Savoia, dla disgrassia dël Risorgiment, dal nassionalism e centralism fassista. Mi i son nen ëd la Lega, ma a l'han quasi rason j'independentista. Indipendensa e lìbera federassion dle region!

Bèrto ‘d Sera. Nomach darmagi che për felo a-i andrìa lòn che la gent a l'han (pì?) nen: la cognission. Am da ch'a venta ch'a-i riva la fam (e tanta) anans che la gent as dësvijo.

Fabrizio Pettinato S'it ses indpendentista a-i è pa damanca ch'it dise ch'it ses nen leghista. Lega e indipendensa a son giomai doe còse motobin diferente! S'it l'has gòj va a vardé la pagina dël moviment

Tuti a san a memòria la màssima che Massimo d’Azeglio a l’avìa prononsià ant ij prim dì dl’unità d’Italia: «L’Italia è fatta, ora dobbiamo fare gli italiani». Ebin, a basteria già lolì për mostré che l’Italia a l’è quajcòs d’artifissios progetà a taulìn da “idealista” a dëscàpit dij pòpol dla penìsola che a l’avìo già soa identità, lenga, tradission etc. Cost “ideal” lor a l’han realisalo e lo realiso con la negassion sistemàtica dle identità regional e an ras-ciand vìa tut lòn ch’a va contra coj progèt. Sòn a l’è tipich dël totalitarism. Ij piemontèis a l’han basà la testa a còsta “polissìa etnica” e a l’han lavàje ‘l servel coma coj ch’a van dal barbé a fese lavè ij cavej. Ij polìtich a son mach ëd servidor complesant dël “sistèma-Italia”. An pì, còst “ideal” a l’é stait e a l’é ancora col dla Masonerìa e dla Cesa catòlica, ch’a vorìo uniformé tut e tuti sota n’ùnica autorità sentral.

Bèrto 'd Sèra L'Italia e la Gërmania a son le "Union Soviétiche" dël 1800. Dle sòrt ëd Frankenstein fait amplacand ansema tòch ëd mòrt. Che però mòrt a 'l l'ero anco' nen, e quindi prima a l'han massaje, për peuj podej tajé via lòn ch'a-j fasìa da manca. Ël problema gròss a l'é che për fé lolì a l'han dovù feje 'l lavagi dle servele a le popolassion, ampinisend-je a tùit la testa 'd nassionalism. E pen-a ch'a son riva-ie dij brut moment ës nassionalism sot pression l'ha fait lòn ch'a l'ha fait. E a l'han pagala tuti, però, nen mach coj ch'a l'ero fasse sò Frankestein.

"Ij piemontèis a son fasse lavé via pròpi bin soa identità coltural e soa lenga"

Gnun problema, monsù! Cò Mi i l'haj butaje vàire temp a pensé le fras direte an piemontèis, prima i jë pensava an italian e i jë voltava an lenga, a l'é na ròba normal. Ancor adess le ròbe complicà i deuvo scrivje an italian e voltéje, a-i va sò temp, ma a l'é na sodisfassion!