L'espression "Andé ant j'òmini" a veul dì esse malàbil, dësadressà, nen pratich, "essere maldestro". A nass miraco dal gieugh dël biliard. Për fé dij pont, la bija a dev intré contra j'omett, La bija, nopà, a dev esse cola dl'aversari, nen la soa, përché s'a l'é propi la soa a campé giù j'omett, ij pont a van tùit an favor dl'aversari. A l'é ciair che, an sto scond cas, ël giogador a l'é comportasse an manera malàbil, "intrand ant j'òmini". A l'é comportasse coma 'n cioch. Costa interpretassion, ch'a gropa l'esse cioch a gieughé mal, a l'é confërmà dal lòn che, an tanti gieugh, quand un a l'é butà "feura gieugh" a dis: "I son cioch"!