2.4. Autoen ekoizpena eta matrikulazioa

Herrialde batean ekonomiaren egoera ona denean, herritarren errenta-maila handia izaten da, eta, horrela gertatzen denean, auto gehiago saltzen dira. Krisialdietan, berriz, errenta-maila murriztu egiten da, eta ez da lehentasuna izaten autoak erostea, inondik inora ere. Beraz, autoen salmentak jaitsi egiten dira, eta enpresek, salmenta-maila txikiago horri egokitzeko, bere ekoizpena murriztuko dute. Horrela, lanpostu zuzen eta zeharkako asko galduko dira.

Grafiko honetan, Espainiako auto-sektorearen datuak ditugu: alde batetik, auto berrien matrikulazioa, eta, beste alde batetik, autoen ekoizpen-maila. Kontuan hartu behar dugu Espainia auto-esportatzailea dela (bertan saltzen direnak baino gehiago ekoizten da).