أ- دەرچووانی پۆلی دوانزەی ئامادەیی:

-1 قوتابى/ خوێندکار دەبێت دەرچووى پۆلى دوانزەی ئامادەیی بەشى (زانستی یان وێژەیی) ساڵى (2022-2023) بێت ، سەبارەت بە قوتابى/ خوێندکارى دەرچووى ساڵى خوێندنى (2021-2022) بۆى هەیە داواکارى پێشکەش بکات ،        بە مەرجێک لە هیچ کۆلێژێک یان پەیمانگەیەک وەرنەگیرا بێت ، وە بەڵێننامەی پێ پڕ بکرێتەوە.

-2 پاڵێوراو دەبێت دەرچووی خوێندنگەکانی سنووری هەرێمی کوردستان یان ناوچە كوردستانییه‌كانی ده‌ره‌وه‌ی هه‌رێم بێت ، بە مەرجێک تاقیکردنەوەکانی بە پێی سیستەمی هەرێمی کوردستان ئەنجام دابێت.                                                                                                                               

3- قوتابى/ خوێندکار دەبێت لە دایک بووى ساڵى (1997) یان سەرووتر بێت.

4- پێویستە تێکڕای نمرەى قوتابى/ خوێندکار لە (60%) کەمتر نەبێت بۆ هەردوو ڕەگەز. 

5- لە کاتی پێشبڕکێدا ڕەچاوی نمرە دەکرێت بە ڕێژەی (60%) ی نمرە لە سەر کۆنمرەکەى و (40%) ی نمرە لە سەر لێهاتوویی توانستی جه‌سته‌یی (اللیاقە البدنیە) پاڵێوراو دەبێت ، به‌ مه‌رجێک له‌ لێهاتوویی توانستی ده‌رچووبێت. 

6- دەبێت قوتابى/ خوێندکار باڵاى لە (165) سم بۆ کوڕ و (155) سم بۆ کچ کەمتر نەبێت.

7- دەبێت قوتابى/ خوێندکار لە پشکنینى تەندروستى گشتى دەرچووبێت.

8- دەبێت قوتابى/ خوێندکار لە چاوپێکەوتن و تاقیکردنەوەى جەستەیى (اللیاقە البدنیە) و (تەکنیکى کارامەیى ، مهارى) دا لە نیوەى نمرەى سەرجەم تاقیکردنەوەکان زیاتر بە دەست بهێنێت.

9- قوتابى/ خوێندکار پێویستە جل و بەرگى تایبەت بە وەرزش لەگەڵ خۆیدا بهێنێت بۆ چاوپێکەوتن لەو ڕۆژانەى تاقیکردنەوەى تێدا ئەنجام دەدات.

10- دەبێت قوتابى/ خوێندکار لە کاتى پشکنینى تەندروستیدا کە ئەنجامى دەدات هەموو دۆکیۆمێنتەکان وەک             (پشکنینى دڵ ، سۆنەرى هەناو ، پشکنینى گورچیلە ، پشکنینى کۆئەندامى هەناسە ، پشکنینى پێست ، پشکنینەکانى  خوێن ،گروپى خوێن و ڕێژەى هیمۆگڵۆبین و چەورى و شەکرە بێنێت).

11- دەبێت پێشکەشکار هاووڵاتى ڕەسەنى کوردستان بێت و لایەنى کەم دانیشتووى هەرێمى کوردستان بێت.

ب- پاڵەوانان:

1- یاریزانانی هەڵبژاردەکانی کوردستان و عێراق وەکو پاڵەوان ئەژمار دەکرێن ، بە مەرجێک پێنج ساڵ تێپەر نەبووبێت          بە سەر پاڵه‌وانییه‌كه‌یدا تا بەرواری پێشکەش کردنی داواکاری وەرگرتن.

2- پلەی (یەکەم تا سێیەم) ی بە دەست هێنا بێت لە سەر ئاستی عێراق بۆ یاری تاک و کۆمەڵەکان ، بە مەرجێک پێنج   ساڵ تێپەر نەبووبێت بە سەر پاڵه‌وانییه‌كه‌یدا تا بەرواری پێشکەش کردنی داواکاری وەرگرتن.

3- پلەی (یەکەم تا سێیەم) ی بە دەست هێنا بێت لە سەر ئاستی هەرێم بۆ یاری تاک و کۆمەڵەکان ، بە مەرجێک پێنج ساڵ تێپەر نەبووبێت بە سەر پاڵه‌وانییه‌كه‌یدا تا بەرواری پێشکەش کردنی داواکاری وەرگرتن.

4- پلەی (یەکەم) ی بە دەست هێنا بێت لە سەر ئاستی پەروەردەکانی پارێزگا و ئیدارە سەربەخۆییەکانى هەرێم بۆ یاری     تاک و کۆمەڵەکان ، بە مەرجێک پێنج ساڵ تێپەر نەبووبێت بە سەر پاڵه‌وانییه‌كه‌یدا تا بەروارى پێشکەش کردنى داواکاری وەرگرتن.   

5- پاڵێوراو دەبێت دەرچووی خوێندنگەکانی سنووری هەرێمی کوردستان یان ناوچە كوردستانییه‌كانى ده‌ره‌وه‌ی هه‌رێم بێت ، بە مەرجێک تاقیکردنەوەکانی بە پێی سیستەمی هەرێمی کوردستان ئەنجام دابێت.

6- بۆ وەرگرتنى پاڵەوانان ڕەچاوى کۆنمرە ناکرێت.

7- دەرچووانى پەیمانگەکانى وەرزشى (ناحکومى) بە سیستەمى (پارالێل) وەردەگیرێن.

8- تەمەنی لە (30) ساڵ زیاتر نەبێت.

9- دەرچووی هەمان ساڵی خوێندن بێت و هەروەها لیستى ناوی پاڵەوانان پێش ڕاگەیاندنی ئەنجامەکانی زانکۆلاین بنێردرێت بۆ بەڕێوەبەرایەتى ناوەندى وەرگرتن ، بە مەرجێک کۆدی پۆلى دوانزەى ئامادەيى قوتابی/ خوێندکارى لەگەڵدا بێت بۆ ئەوەی لە سیستەمەکانی تری زانکۆلاین داواکاری پێشکەش نەکەن ، بە مەرجێک لە هیچ زانکۆ و پەیمانگەیەکى       (حكومی و ناحکومى - ئەهلى)  وەرنەگیرا بێت و بەڵێننامەی پێ پڕ بکرێتەوە.

10- دەرچووان بە پێى ژمارەی داواکراو لە پلانی زانکۆکان و  بە پێی کێبڕکێ لە سەر بنەمای کۆنمرە وەردەگیرێن.

11- پێشکەشکاران لە دەرچووانی خوێندنی پیشەیی (پیشەسازى ، بازرگانى ، کشتوکاڵ ، گەشت و گوزار) مافى وەرگرتنیان دەبێت ، بە مەرجێک تێکڕاى نمرەیان لە (65%) کەمتر نەبێت.

12- لە کاتی پێشبڕکێدا ڕەچاوی نمرە دەکرێت بە ڕێژەی (60%) ی نمرە لە سەر کۆنمرەکەی و (40%) ی نمرە لە سەر لێهاتوویی توانستی جه‌سته‌یی (اللیاقە البدنیە) پاڵێوراو دەبێت ، به‌ مه‌رجێک له‌ لێهاتوویی توانستی ده‌رچوو بێت.

13- پێویستە کەسی پێشکەشکار دۆکیۆمێنتی هەبێت کە لە لایەن دەزگا پەیوەندیدارەکانەوە بە فەرمی پشتگیری             لێکرا بێت وەکو:

      ا. لێژنەی ئۆڵۆمپی کوردستان و عێراق.

     ب. نوێنەرایەتی لێژنەی ئۆڵۆمپی پارێزگاکان.

     ج. بەڕێوەبەرایەتی چالاکی وەرزشی پەروەردە.

     د. بەڕێوەبەرایەتى گشتى وەرزش و لاوان سەر بە وەزارەتى ڕۆشنبیرى.

14- وەرگرتنی پاڵەوانان بە پێی پلانی وەرگرتنی کۆلێژ و سکوڵ و بەشەکان دەبێت ، بە مەرجێک ڕێژەی (15%) تێپەڕ نەکات و (5%) ى ئەم ڕێژەیە بۆ پاڵەوانانى پەیمانگە وەرزشییەکانى سەر بە وەزارەتى پەروەردە دەبێت.

15- پاڵەوانان تاقیکردنەوە لە پسپۆری تایبەتی خۆیاندا ئەنجام دەده‌ن.

16- لێژنەیەکی ناوەندی پێک بهێنرێت لە سەر ئاستی زانکۆ بە مەبەستی بەدواداچوون بە دۆکیۆمێنتەکان و بەشەکانى هاوشێوە لە سنوورى پارێزگاکان دا بۆ  ئەنجام دانی چاوپێکەوتن لەگەڵ پاڵەواناندا.

17- بۆ ساڵی خوێندنی (2023-2024) پێشکەش کردن و تاقیکردنەوەی لێهاتوویی لە یەک كاتی دیاریکراودا                  لە سەرجەم زانکۆکانی هەرێم ئەنجام دەدرێت.