1- (20%) ی كورسییه‌كانی کۆلێژى هونه‌ره‌ جوانه‌كان له ‌زانكۆی سلێمانی و کۆلێژی هونەرە جوانەکان لە زانکۆی سەلاحەددین و بەشی شانۆ و شێوه‌كاری لە کۆلێژى زانستی مرۆڤایەتی لە زانکۆی دهۆک ته‌رخان ده‌كرێت بۆ   ده‌رچووانی په‌یمانگەی هونه‌ره‌ جوانه‌كانی سەر بە وەزارەتی پەروەردە ، ته‌نها دەرچووانی ساڵى خوێندنی                      (2022-2023) مافى پێشکەش کردنيان هەيە ، بە مەرجێک تێکڕای نمرەی پەیمانگەیان لە (65%) کەمتر نەبێت ، ئەگەر تێکڕاى نمرەى پەیمانگەیان لە (65%) کەمتر بوو تاکو (60%) ئەوا بە سیستەمى (پارالێل) وەردەگیرێن ،                وە دەرچووانى پەیمانگە (ناحکومییەکان) بە سیستەمى (پارالێل) وەردەگیرێن ، بە مەرجێک کۆنمرەیان لە (65%) کەمتر نەبێت.   

2- ڕەچاوى پسپۆرى دەکرێت لە کاتى وەرگرتندا.

3- ئەو قوتابی/ خوێندكارانه‌ی مەرجەکانی خاڵی (1) یان هەیە پێویستە بەشدار بن لە تاقیکردنەوەی لێهاتوویی و            تێیدا سەرکەوتووبن ، تاقیکردنەوەکە لە کۆلێژە ئاماژە پێکراوەكاندا ئەنجام دەدرێت ، نمرەی کۆتایش بەم شێوەیە دەبێت: (40%) ى نمرەی تاقیکردنەوەی لێهاتوویی و (60%) ى نمرەی تێکڕای پەیمانگە ، بە مەرجێک نمرەى         قوتابى/ خوێندکار لە تاقیکردنەوەى لێهاتوویى لە نیوە کەمتر نەبێت.

4- (یەکەم و دووەم و سێیەم) لە سەر ئاستى پەیمانگەکانى وەرزش لە کۆلێژ (سکوڵ) ى پەروەردەى                            وەرزشى وەردەگیرێن ، بە مەرجێک تێکڕاى نمرەى پەیمانگەیان لە (75%) کەمتر نەبێت ، ئەگەر تێکڕاى نمرەى پەیمانگەیان لە (75%) کەمتر بوو تاکو کۆنمرەى (70%) ئەوا بە سیستەمى (پارالێل) وەردەگیرێن ، تایبەت                       بە (یەکەم و دووەم و سێیەم) ی پەیمانگە )ناحکومییەکان( بە سیستەمی (پارالێل) وەردەگیرێن و هەروەها ڕەچاوی سنووری جوگرافی دەکرێت لە کاتی وەرگرتندا. 

5- ڕێژەى (5%) ى کورسییەکانى وەرگرتنى پاڵەوانان بۆ دەرچووانى پەیمانگە وەرزشییەکانى سەر بە وەزارەتى پەروەردە دەبێت.

6- دەبێت پێشکەشکار دەرچووى ساڵى خوێندنى (2022-2023) بێت ، بە مەرجێک لە هیچ کۆلێژ و پەیمانگەیەکى (حکومى و ناحکومى - ئەهلى) وەرنەگیرا بێت.

بڕگەى حەوتەم/ خاڵى یەکەم:  وەرگرتنى دەرچووانى پەیمانگەکانى کۆمپیوتەرى سەر بە وەزارەتى پەروەردە لە زانکۆ پۆلیتەکنیکییەکان:

1- دەرچووى (یەکەم و دووەم و سێیەم) ى پەیمانگە (حکومییەکان) ى کۆمپیوتەر لە سەر ئاستى هەرێم لە کۆلێژى تەکنیکى ئەندازیارى هەولێر/ بەشى تەکنیکى ئەندازیارى  سیستەمى زانیارى وەردەگیرێن ، بە مەرجێک کۆنمرەیان              لە (90%) کەمتر نەبێت.

2- دەرچووى (یه‌كه‌م و دووه‌م و سێيه‌م) ى پەیمانگەى کۆمپیوتەرى سلێمانى (حکومى) لە کۆلێژى تەکنیکى ئینفۆرماتیکى              سلێمانى/ بەشى تەکنەلۆجیاى زانیارى وەردەگیرێن ، بە مەرجێک کۆنمرەیان لە (85%) کەمتر نەبێت.

3- دەرچووى (یه‌كه‌م و دووه‌م و سێيه‌م) ى پەیمانگەى کۆمپیوتەرى دهۆک (حکومى) لە کۆلێژى تەکنیکى کارگێرى دهۆک/ بەشى تەکنۆلۆجیاى زانیارى کارگێرى وەردەگیرێن ، بە مەرجێک کۆنمرەیان لە (85%) کەمتر نەبێت.

4- دەرچووى (یه‌كه‌م و دووه‌م و سێيه‌م) ى پەیمانگەى کۆمپیوتەرى ئاکرێ (حکومى) لە کۆلێژى تەکنیکى ئینفورماتیکى ئاکرێ/ بەشى تەکنۆلۆجیاى زانیارى ITوەردەگیرێن ، بە مەرجێک کۆنمرەیان لە (85%) کەمتر نەبێت. 

5- ئەگەر دەرچووەکان لە خاڵەکانى (4،3،2،1) مەرجى نمرەى پێویستى تێدا نەبوو ئەوا مافى وەرگرتنیان هەیە                        بە سیستەمى (پارالێل) تا کۆنمرەی (70%).

6- (سێ)کورسى لە پلانى وەرگرتنى (پارالێل) تەرخان دەکرێت لە بەشەکانى (کۆمپیوتەر و سیستەمى زانیارى) سەر              بە کۆلێژە تەکنیکییەکانى زانکۆ پۆلیتەکنیکییەکان بۆ دەرچووانى پەیمانگە (ناحکومى - ئەهلییەکان) ى کۆمپیوتەرى (5) ساڵەى سەر بە وەزارەتى پەروەردە ، بە مەرجێک کۆنمرەیان لە (80%) کەمتر نەبێت ، ئەگەر ئەم ڕێژەیە پڕ نەبووەوە ئەوا زانکۆ پۆلیتەکنیکییەکان بۆیان هەیە بە دەرچووانى پەیمانگەکانى خۆیان کورسییە بەتاڵەکان پڕ بکەنەوە.

بڕگەى حەوتەم/ خاڵى دووەم: وەرگرتنى دەرچووانى پەیمانگەکانى کۆمپیوتەرى سەر بە وەزارەتى پەروەردە لە زانکۆکانى تر:

1- دەرچووى (یه‌كه‌م و دووه‌م و سێيه‌م) ى پەیمانگەى کۆمپیوتەرى هەولێر (حکومى) لە زانکۆى سەلاحەددین/ کۆلێژى زانست /بەشى کۆمپیوتەر وەردەگیرێن ، بە مەرجێک کۆنمرەیان لە (85%) کەمتر نەبێت.

2- دەرچووى (یه‌كه‌م و دووه‌م و سێيه‌م) ى پەیمانگەى کۆمپیوتەرى کەلار (حکومى) لە زانکۆى گەرمیان/کۆلێژى زانست/ بەشى زانستى کۆمپیوتەر وەردەگیرێن ، بە مەرجێک کۆنمرەیان لە (85%) کەمتر نەبێت.

3- دەرچووى (یه‌كه‌م و دووه‌م و سێيه‌م) ى پەیمانگەى کۆمپیوتەرى ڕانیە (حکومى) له‌ زانکۆى ڕاپەرین/کۆلێژى پەروەردەى بنەڕەت/ بەشى زانستى کۆمپیوتەر وەردەگیرێن ، بە مەرجێک کۆنمرەیان لە (85%) کەمتر نەبێت.

4- دەرچووى (یه‌كه‌م و دووه‌م و سێيه‌م) ى پەیمانگەى کۆمپیوتەرى سۆران (حکومى) لە زانکۆى سۆران/ فاکەڵتى زانست/ بەشى کۆمپیوتەر وەردەگیرێن ، بە مەرجێک کۆنمرەیان لە (85%) کەمتر نەبێت.

5- دەرچووى (یه‌كه‌م و دووه‌م و سێيه‌م) ى پەیمانگەى کۆمپیوتەرى چەمچەماڵ (حکومى) لە زانکۆى چەرموو/ کۆلێژى زانستە پزیشکى و کردارییەکان/ بەشى کۆمپیوتەرى کردارى وەردەگیرێن ، بە مەرجێک کۆنمرەیان لە (85%)             کەمتر نەبێت.

6- ئه‌و قوتابی/ خوێندكارانه‌ی به ‌پێی خاڵه‌كانی (5،4،3،2،1) وەردەگیرێن بۆیان نییه‌ دابمه‌زرێن تاوه‌كو خوێندن ته‌واو ده‌كه‌ن ، بە پێچەوانەوە خوێندنەکەیان هەڵدەوەشێتەوە.