Secundino Castro

Naceu en San Martín de Suarna (A Fonsagrada) no ano 1.910, na Casa do Caseiro. Xunto cos seus irmáns, Elvira e Amancio, tivo unha infancia moi dura. Isto obrigouno a pasar a maior parte da súa nenez como criado en distintas casas, recibindo a cambio pouco máis que a comida. Andivo así uns anos, pero como o traballo da labranza non lle gustaba nada, dende o servizo militar aproveitou para meterse na Garda Civil, que daquela tiña unha paga ben pequena.

Non hai coñecemento certo de cando, nin como, nin con quen aprendeu a tocar a gaita, pero si se sabe que foi o gaiteiro que tiña a Banda da Garda Civil en Asturias. Tódolos destino que tivo foron nesa comunidade, ata que no 1.969 se xubilou e voltou para San Martín de Suarna coa súa dona, Guillermina do Tioxán.

Parece ser que esa xubilación tan temperá se debeu a que lle tiña medo a un novo Director Xeral da Garda Civil, que tiña fama de moi duro e disciplinado, o Tenente Coronel Carlos Iniesta Cano.

Como gaiteiro era do mellorciño (ás veces algo asturianizado), cunha precisión dixital incrible. Da súa creación propia deixounos a Muiñeira de Secundino, peza que varios gaiteiros afamados teñen no seu repertorio.

Finou en San Martín de Suarna no ano 1.995.