Otilio Fernández
Biografía
Nome: Otilio Fernández García (Otilio da Burela)
Nacemento: 1.929
Natural de: A Burela, Carballido (A Fonsagrada)
Otilio naceu no 1.929 na Burela, parroquia de Carballido (A Fonsagrada).
Labrador e gaiteiro, sempre viviu no mesmo lugar.
Era o maior de cinco irmáns e, aínda que tivo oportunidade de emigrar para Arxentina e Xixón, traballou duro co seu pai para sacar adiante o caserío.
Coñecido como Otilio da Burela ou por Otilio de Fernandín, toca a gaita dende neno e deixa de facelo no 1.962, ao casarse e vendela. Ata 1.994 non retoma a relación co instrumento. Houbo un intento de voltar a tocar en 1.987, cando merca unha nova gaita, pero "non facía vida dela e pouseina, e pousada estivo ata 1.994 que fun a unha gaitada á Fonsagrada"
Segundo el mesmo di unha perda de audición aféctalle sensiblemente á hora de interpretar as pezas "nese tempo perdín o compás, e non dou volvido a el". Aínda que intentou recuperalo coa axuda de Juanjo Fernández, non o deu conseguido.
Pese a todos estes inconvintes, da súa creación moi particular quedou constancia do Vals de Otilio e a Xota de Otilio.
Foille concedido o Butelo de Ouro no 2.015. Finou no 2.018
Vídeo
Otilio interpretando unha peza
Audio
Xota de Otilio
![](https://www.google.com/images/icons/product/drive-32.png)