Stór og lítill stafur

• Í upphafi málsgreina er alltaf stór stafur. Það er stór stafur á eftir punkti, tvípunkti, spurningamerki og upphrópunarmerki.
  Dæmi: Þessi málsgrein byrjar á stórum staf. Allar málsgreinar eiga að byrja á stórum staf.

• Sérnöfn byrja á stórum staf. Þetta eru nöfn á einstaklingum, mönnum, dýrum, stöðum, fyrirtækjum og fleira.
  Dæmi: Anna María, Snati, Laugavegur, Keilir, Háskóli Íslands, Eimskip.

• Nöfn heimsálfa, landa og landshluta eru skrifuð með stórum staf.
  Dæmi: Evrópa, Ísland, Austurland, Egilsstaðir.

• Nöfn þjóða og íbúa þeirra eru skrifuð með stórum staf.
  Dæmi: Ísland, Íslendingar, Kína, Kínverjar.

• Nöfn hátíða er bara skrifað með stórum staf ef heiti þeirra byrjar á sérnafni.
  Dæmi: Jónsmessa, Þorláksmessa.

• Stór stafur er í viðurnefnum sem koma fram fyrir framan nafn persónunnar og tengjast því með bandstriki.
  Dæmi: Skalla-Grímur, Skáld-Rósa, Innri-Njarðvík.

• Stórir stafir eru notaðir þegar heiti eru stytt eða skrifuð sem skammstöfun.
  Dæmi: Kvennó, ASÍ, HÍ, ESB.

• Lítill stafur er notaður nema regla segi að það eigi að nota stóran staf.
  Dæmi: Í þessari málsgrein er bara fyrsti stafurinn í fyrsta orðinu skrifað með stórum staf, allir aðrir bókstafir eru litlir.

• Öll samnöfn eru skrifuð með litlum staf.
  Dæmi: stóll, hugmynd, ást, hendur

• Öll tegundaheiti, t.d. dýra- og jurtaheiti eru skrifuð með litlum staf. Athugið að þetta á líka við þótt tegundaheitið byrji á mannanafni.
  Dæmi: hundur, fíll, afrískur fíll, blóm, sóley, baldursbrá og jakobsfífill.

• Nöfn daga og mánaða eru skrifuð með litlum staf.
  Dæmi: mánudagur, apríl, góa.

• Nöfn á hátíðum eru með litlum staf (nema sérnafn komi fram í upphafi orðsins, sjá reglur um stóran staf).
  Dæmi: jól, páskar, sumarsólstöður, hanukkah, ramadan. 

• Heiti trúarbragða, lífsskoðana og viðhorfa eru með litlum staf. Sama gildir um heiti þeirra sem fylgja trú eða  viðhorfi.
  Dæmi: kristni, islam, hindu, siðmennt, mannúðarsinni, frjálshyggja, kommúnismi, múslimi, kommúnisti.

• Orð sem lýsa þjóðerni, tungumáli eða mállýsku eru skrifuð með litlum staf.
  Dæmi: sænskur, sænska, norðlenska, flámæli.

• Viðurnefni fólks er skrifað með litlum staf (nema sérnafn komi fram í upphafi orðsins, sjá reglur um stóran staf)
  Dæmi: Auður djúpúðga, Einsi kaldi.

Stafsetningaræfingar