Haiku er japanskt ljóðaform. Ljóðin eru stutt og fjalla oft um fyrirbæri í náttúrunni, falleg augnablik eða sérstaka reynslu.
Hvert ljóð er þrjár línur, og í hverri línu er ákveðinn fjöldi atkvæða:
lína hefur 5 atkvæði
lína hefur 7 atkvæði
lína hefur 5 atkvæði
Á vefsíðunni wikihow.com má finna uppskrift að því hvernig maður skrifar haiku:
Ákveddu um hvað þú ætlar að skrifa. Það má finna hugmyndir til dæmis með því að fara út að ganga og finna upplifun, lesa haiku ljóð eftir aðra, hugsa um manneskju sem þú berð sterkar tilfinningar til eða rifja upp atvik sem truflaði þig á einhvern hátt.
Skrifaðu ljóðið og hafðu þessi atriði í huga:
Ljóðið er í þremur línum. Í fyrstu línunni eru fimm atkvæði, í annara línu eru sjö atkvæði og í þriðju línu eru fimm atkvæði.
Dragðu upp einfaldar myndir og lýstu þeim með tilfinningu, t.d. "Latur unglingur,"
Skrifaðu í nútíð, t.d. "nennir ekki að vakna".
Skrifaðu skýran endi á ljóðið, t.d. "Sefur yfir sig"
Farðu yfir ljóðið og lagfærðu:
Lestu það upphátt (þá heyrir þú hvort þér finnst það hljóma nógu vel).
Sýndu vini ljóðið (þá færðu hrós eða ábendingu um eitthvað sem hægt er að laga).
Skrifaðu ljóðið upp og leyfðu því að taka gott pláss á blaðsíðunni.
Latur unglingur
nennir ekki að vakna.
Sefur yfir sig.
Haiku eftir Brynhildi Sigurðardóttur
Hún er vinur minn.
Stingur mig fast í bakið.
Hrynja draumarnir.
Haiku eftir Brynhildi Sigurðardóttur
Sjóndeildarhringur
verður rauður í austri.
Byrjar dagurinn.
Haiku eftir Brynhildi Sigurðardóttur
Haiku ljóð um vináttu eftir Nathan Tree.
Haiku ljóð um bensínlausan bíl.
Eftirfarandi grein var nýtt við gerð þessarar síðu um haiku ljóð:
Cook, A. (2022, 16. september). How to write a haiku poem. WikiHow. https://www.wikihow.com/Write-a-Haiku-Poem.
