Orðhlutar

"Orðhluti hefur verið skilgreindur sem minnsta merkingarbæra eining máls. Afmarkaður hluti úr orði sem hefur einhverja ákveðna merkingu eða hlutverk. Orðhlutar eru rót, viðskeyti, forskeyti, stofn og

beygingarending."

Þessa skýringu og ítarlegri útskýringar á orðhlutum má lesa í góðri samantekt Önnu Guðrúnar Júlíusdóttur á Tungumálavefnum.

Orðmyndunarspilið er hópverkefni þar sem nemendur keppast við að skapa orð úr orðhlutum. Kennarinn er tímavörður og dómari, nemendur raða orðhlutum í rétt hlutverk, alls konar stig eru í boði.

Í lok hverrar umferðar er gott að láta nemendur senda myndir af spilaborðinu með orðunum sem þeir náðu að mynda og þá getur kennari farið yfir borðin og gefið stig. Gott er að fara yfir með nemendum og fá þá til þátttöku í matinu.

Spilið er gott að nota eftir að nemendur hafa fengið innlögn eða inngangsverkefni um orðhlutana.