Cydweithio

Mae cydweithio yn cynnwys cysylltu â phobl eraill i gyfnewid syniadau, profiadau ac arferion sy’n hwyluso gwell dysgu. Mae cydweithio yn arwain at ymdeimlad gwirioneddol o gyfrifoldeb ar y cyd am ddatblygiad y dysgwyr yng nghyd-destun y pedwar diben.

Egwyddorion Allweddol

• Mae cydweithio yn darparu cyfleoedd ar gyfer dysgu proffesiynol, a dylid mynd ati’n fwriadol i’w hyrwyddo yn yr ysgol, yng nghymuned ehangach yr ysgol, a’r tu hwnt.

• Mae aelodau tîm yr ysgol yn gweithio gyda’i gilydd i dderbyn newid, rhannu adnoddau a chefnogi ei gilydd wrth iddynt lunio cwricwlwm sy’n diwallu anghenion pob dysgwr ac sy’n ddilys i’r cyd-destunau lleol, cenedlaethol a rhyngwladol.

• Mae cydweithio effeithiol yn galluogi’r ysgol i ymdrin â dysgu mewn modd amlddisgyblaethol. Mae adrannau a disgyblaethau yn cydweithio i sefydlu cysylltiadau dwfn yn y dysgu.

• Mae cydweithio yn un o’n hegwyddorion addysgeg allweddol yn yr ystafell ddosbarth, sy’n galluogi dysgwyr i ddeall a gwerthfawrogi gwahaniaeth ac amrywiaeth.

• Mae cynnwys disgyblion yn y broses o wneud penderfyniadau am eu dysgu yn sicrhau bod ein cwricwlwm yn canolbwyntio ar y dysgwr. Mae yna sawl ffurf ar hyn, ac mae’n golygu bod disgyblion yn ysgwyddo rhagor o gyfrifoldeb wrth iddynt symud trwy ein hysgol.