1. Miturut gunane, sesorah kabage dadi telu, yaiku:

a. Sabdatama (sesorah tunggal),

b. Pambagyaharja (mahargya rawuhe tamu), lan

c. Tanggap wacana (sesorah kang kudu antuk tanggapan).

2. Miturut kahanane sesorah, yaiku:

a. Sesorah resmi,

b. Sesorah setengah resmi, lan

c. Sesorah ora resmi.

3. Miturut pendekatan isine sesorah, yaiku:

a. Sesorah intelektual, lan

b. Sesorah moral.

4. Miturut ancase sesorah, yaiku:

a. Atur pambagyaharja, yaiku sesorah kanggo nampa rawuhipun para tamu ing adicara apa wae. Tuladha: ing pahargyan (pista), sukuran, lan sapanunggalane.

b. Menehi informasi utawa pawarta, yaiku informasi bisa arupa palapuran utawa sawijining bab kanthi gamblang/cetha. Tuladha: sesorah ing rapat, promosi barang, lan sapanunggalane.

c. Atur panglipur aweh hiburan, yaiku sesorah iki nduweni ancas wong kang mirengake seneng penggalihe. Tuladha: ing acara layatan, atur saking pambelasungkawa.

d. Pangajak, ancase sesorah iki kanggo milut atine wong saengga gelem nindakake apa kang diwedharake. Tuladha: penyuluhan kesehatan, penyuluhan pendhidhikan, lan sapanunggalane.