Text 4
អ្នកនេសាទ ប្រទះឃើញសាកសពមនុស្សម្នាក់ស្លាប់អណ្តែតទឹកក្នុងបឹងកំប្លោក
ភ្នំពេញ៖សាកសពមនុស្ស អណ្តែតទឹកនៅក្នុងនៅក្នុងបឹងកំប្លោកមួយ ត្រូវបានអ្នកនេសាទត្រីម្នាក់ប្រទះឃើញហើយបានរាយការណ៍ជូនដល់ សមត្ថកិច្ចនគរបាលប៉ុស្តិ៍សង្កាត់ព្រៃស។ហេតុការណ៍គួរឲ្យ ភ្ញាក់ផ្អើលនេះបានកើតឡើងកាលពីវេលាម៉ោង១៣និង១នាទីថៃ្ងទី២៥ ខែមីនាឆ្នាំ២០១៣ក្នុងបឹងកំប្លោកមួយកន្លែង ក្នុងព្រៃដាច់ស្រយាលពីផ្ទះប្រជាពលរដ្ឋក្នុងភូមិប្រការសង្កាត់ព្រៃស ខណ្ឌដង្កោរាជធានីភ្នំពេញ។ ភ្លាមនោះ ដោយមានសេចក្តីរាយការណ៍ពីអ្នកនេសាទត្រីជូនទៅដល់សមត្ថកិច្ចថាមាន ស្ត្រីម្នាក់បានស្លាប់នៅក្រោមកំប្លោកក្នុងបឹងខាងលើសមត្ថកិច្ចនគរ បាលខណ្ឌដង្កោដឹកនាំដោយលោកយឹមសារ៉ាន់អធិការនគរបាលខណ្ឌដង្កោលោកប៉ុ សថុនអធិការរងទទួលបន្ទុកផែនសន្តិសុខរួមទាំងលោកមេប៉ុស្តិ៍រដ្ឋបាល ព្រៃសបានចុះដល់កន្លែងកើតហេតុដើម្បីពិនិត្យមើលសាកសព។
សមត្ថកិច្ចនគរបាលបានឲ្យដឹងថា៖មុនពេលកើតហេតុបុរសម្នាក់ឈ្មោះទិ ត្យអាយុ៣២ឆ្នាំជាកម្មករសំណង់ទី២ឈ្មោះម៉ន់ភេទប្រុសអាយុ៣០ឆ្នាំ មុខរបរជាជាងលាបថ្នាំទី៣មិនស្គាល់ឈ្មោះបាននាំគ្នាមករកត្រីដោយបាន ប្រើឧបករណ៍ស្បៃមុងអូសត្រីក្នុងកំប្លោកលុះបានមកដល់កន្លែងខាងជើង កសិដ្ឋានចិញ្ចឹមត្រីក៏នាំគ្នាអូសកៀកំប្លោកដែលមានគ្នាចំនួន៤នាក់ ដងបានត្រីកំភ្លាញចំនួនកន្លះគីឡូក៏នាំគ្នាឈប់អូសហើយបានដើរមក ទិសខាងជើងដើម្បីរកផ្លូវឆ្លងទៅបុរីវិញរហូតមកដល់ម៉ោង១៣និង១នាទី ក៏បានមកដល់ចំណុចខាងលើក៏ឃើញកំប្លោកងាប់គរហាក់ដូចជាមានផ្លូវ ដើរកាត់។
ហើយពួកគេក៏បបួលគ្នាដើរឆ្លងទៅដល់កណ្តាលអូរមានធំក្លិនស្អុយពួកគេ ក៏បានសម្លឹងរកមើលពេលនោះឈ្មោះទិត្យក៏ក្រឡេកឃើញមុនគេហើយគាត់ សន្និដ្ឋានថាជាជើងគោហើយគាត់បានប្រើបុរសម្នាក់ទៀតឲ្យទៅយកឈើទៅបុក កំប្លោកចេញដើម្បីពិនិត្យមើលស្រាប់តែឃើញជើងខោពណ៌ខ្មៅនិងអាវពណ៌ ខៀវទើបដឹកថាជាសាកសពមនុស្សបន្ទាប់មកពួកគាត់បាននាំគ្នារាយការណ៍ជូន មកសមត្ថកិច្ចនគរបាល។លោកយឹមសារ៉ាន់អធិការនគរបាលខណ្ឌដង្កោបាន ប្រាប់សារព័ត៌មានវិទ្យសាស្ត្រខ្មែរឲ្យដឹងថាជាជំហានដំបូងនេះ សមត្ថកិច្ចរបស់យើងនៅមិនទាន់សន្និដ្ឋានបាននៅឡើយថា សាកសពដែលបានស្លាប់នេះប្រុសរឺស្រីនៅឡើយនោះទេព្រោះសាកសពនោះរលួយ ស្អុយស្ទើរមើលពុំយល់នៅពេលនេះសមត្ថកិច្ចរបស់លោកនឹងកម្លាំងជំនាញ ផ្នែកកោសលវិច្ច័យនគរបាលរាជធានីភ្នំពេញកំពុងតែធ្វើការយ៉ាង យកចិត្តទុកដាក់មិនទាន់ដឹងថាជនរងគ្រោះស្លាប់ដោយសារករណីណាមួយនៅឡើយទេ ៕
- See more at: http://www.popzone.asia/?news=1653#sthash.OV6yAmi2.dpuf