Reading Passages
1. នាយករដ្ឋមន្ត្រី ហ៊ុន-សែន។
សម្តេចអគ្គមហាសេនាបតីតេជោ ហ៊ុន សែន។ หรือ สมเด็จอัครมหาเสนาบดีเดโช ฮุน เซน
លោក ហ៊ុន សែន បច្ចុប្បន្នជានាយករដ្ឋមន្ត្រីប្រទេសកម្ពុជា លោកមានគោរមងារជា សម្តេចអគ្គមហាសេនាបតីតេជោ ហ៊ុន សែន។ ហើយបច្ចុប្បន្ន ហើយលោកជាមេដឹកនាំដ៏សំខាន់មួយរូបក្នុង ជួរគណបក្សប្រជាជនកម្ពុជាផងដែរ កាលពីឆ្នាំ១៩៧៩ លោកបានដឹកនាំទ័ពដែលមានការចូលរួមពីទ័ពភាគីប្រទេសវៀតណាមដើម្បី ផ្តួលរលំរបបខ្មែរក្រហម។លោកក៏ជាសមាជិកទាហានខ្មែរក្រហម ដែលបានរត់គេចទៅប្រទេសវៀតណាម មុនឆ្នាំ១៩៧៩ ហើយបានទាក់ទងបញ្ជាទ័ពប្រទេសវៀតណាម ដើម្បីវាយបករំលំខ្មែរក្រហមវិញ។ ហើយចាប់ពីពេលនោះមកគាត់ក៏បានក្លាយជាមនុស្សម្នាក់ដែលមាន ឥទ្ធិពលនិងកេរ្ត៏ឈ្មោះល្បីល្បាញ។ គេថា ហ៊ុន សែន ជាកូនយួនព្រោះមានឈ្មោះថា មាយភុក មាន ២ ន័យ
១. បានសុខសាន្តជារហូត
២. មាយ មានន័យថាលុក ភុកមានន័យថាសុខ ឬស័ក្ក មានន័យថាលុកជាតិដើម្បីសុខ ម៉្យាងទៀតនៅស្រុកចិនពីដើម គេប្រើពាក្យ ភុក សម្រាប់ហៅអ្នកបម្រើ មានន័យថា អាចជឿបាន ។ មិនដឹងយួនដាក់ឈ្មោះលោកហ៊ុន សែន មានន័យយ៉ាងម៉េចដែរ
2. ខេត្តសៀមរាប
ខេត្តសៀមរាប ជាខេត្តមួយដែលមានទីតាំងនៅភាគខាងពាយ័ព្យនៃប្រទេស ក្បែរបឹងទន្លេសាប។ ទីរួមខេត្តរបស់ខេត្តនេះគឺ ក្រុងសៀមរាប។ ខេត្តសៀមរាបត្រូវបានដាក់ឈ្មោះបែបនេះដើម្បី រំលឹកដល់ជ័យជំនះនៅកងទ័ពខ្មែរលើកងទ័ពសៀមនៃរាជាណាចក្រអយុធ្យានៅសតវត្សទី១៧។ សព្វថ្ងៃខេត្តសៀមរាបត្រូវបានគេស្គាល់ទូទាំងពិភពលោកថាជាខេត្តតាំងនៅនៃប្រាសាទអង្គរវត្តដ៏ល្បីល្បាញ។
3. ខេត្តកំពង់ធំ
ខេត្តកំពង់ធំ ជាខេត្តមួយនៃ ប្រទេសកម្ពុជា។ ខេត្តកំពង់ធំមានទីរួមខេត្តឈ្មោះក្រុងកំពង់ធំ ដែលជាទីក្រុងមួយ មានទេសភាពដ៏ល្អប្រណីត គួរអោយចាប់ចិត្ត ស្ថិតនៅតាមបណ្តោយនៃច្រាំង ស្ទឹងសែន ។កំពង់ធំ គឺជាខេត្ត មួយដែលស្ថិតនៅចំកណ្តាលលើផ្ទៃប្រទេស នៃព្រះរាជាណាចក្រកម្ពុជា។ ខេត្តនេះមានផ្ទៃដីសរុប ១៣ ៨១៤គីឡូម៉ែតការេ ហើយបែងចែកជា៨ក្រុង/ស្រុក ៨១ឃុំ/សង្កាត់ និង ៧៣៤ភូមិ[១]។ ខេត្តកំពង់ធំជាខេត្តមានផ្ទៃដីធំទី២នៅ ប្រទេសកម្ពុជា។ ក្រុមប្រាសាទសំបូរព្រៃគុហ៍ ដែលសរុបមានប្រមាណជិតពីររយប្រាសាទផ្សេងទៀត មានសារៈសំខាន់ណាស់សំរាប់ការសិក្សាអំពីអារ្យធម៌ខ្មែរ មុនសម័យអង្គរ ។ ក្រុមប្រាសាទទាំងនេះមានការទាក់ទាញទេសចរណ៍ និង អ្នកស្រាវជ្រាវដូចជាប្រាសាទដទៃទៀតក្នុងតំបន់អង្គរដែរ ហើយដែលត្រូវាបានគេចាប់អារម្មណ៍យ៉ាងខ្លាំងនៅពេលបានទៅ ទស្សនាផ្ទាល់ ។ ជាពិសេសនៅពេលបានទៅកំសាន្តហើយៗបានស្នាក់នៅ១យប់ឬពីរយប់ជាមួយប្រជាជននៅទីនោះ ជាពិសេសនៅភូមិកំពង់ឈើទាលនាមាត់ស្ទឹងសែន ។ នោះគឺ ផ្ទះស្នាក់ Homestay របស់សហគមន៍នៅទីនោះ។ ទំនាក់ទំនងទូរស័ព្ទ ០៧៨ ៣២៨ ៣៣៣ ខេត្តនេះ មានបណ្តាញផ្លូវជាតិលេខ៦ ភ្ជាប់ពី ក្រុងភ្នំពេញ ទៅ ខេត្តសៀមរាប ហើយ មានផ្លូវបំបែកទៅ ខេត្តព្រះវិហារ តាមរយះផ្លូវជាតិលេខ៦៤ ដែលមានចំងាយ ១២៦ គីឡូម៉ែត។
4. ព្រះរាជាណាចក្រកម្ពុជា or พระราชอาณาจักรกัมพูชา
ព្រះរាជាណាចក្រកម្ពុជា រឺកម្ពុជា (អ.ស.អ.: [kɑmˈpuˈciə], ការបញ្ចេញសំឡេងខ្មែរ: [កាំ'ពុ'ជា]) បានស្គាល់ជាផ្លូវការថាព្រះរាជាណាចក្រកម្ពុជា គឺជាប្រទេសមួយស្ថិតនៅផ្នែកខាងត្បូងនៃទៀបកោះឥណ្ឌូចិន រឺឧបទ្វីបឥណ្ឌូចិននៅអាស៊ីអាគ្នេយ៍។ ជាមួយផ្ទៃដីរួមសរុប ១៨១០៣៥សហាតិមាត្រការ៉េ រឺ គីឡូម៉ែត្រការ៉េ វាមានព្រំដែនជាប់ថៃនៅខាងលិចឆៀងខាងជើង លាវខាងកើតឆៀងខាងជើង វៀតណាមនៅខាងកើត និងឈូងសមុទ្រថៃនៅខាងលិចឆៀងខាងត្បូង។
មានប្រជាជនជាង១៤,៨ លាននាក់ កម្ពុជាគឺប្រទេសដែលមានប្រជាជនច្រើនបំផុតទី៦៨ក្នុងពិភពលោក។ សាសនាផ្លូវការគឺព្រះពុទ្ធសាសនាថេរវាទ ដែលត្រូវកាន់ដោយប្រជាជនកម្ពុជាប្រហែល៩៥%។ ក្រុមជនជាតិភាគតិចនៃប្រទេសនេះរួមមានយួន ចិនហាន ចាម និងកុលសម្ព័ន្ធភ្នំ៣០ផ្សេងៗទៀត។[៦] រាជធានីនិងទីក្រុងធំបំផុតគឺភ្នំពេញ ជាមជ្ឈមណ្ឌលនយោបាយ សេដ្ឋកិច្ច និងវប្បធម៌នៃកម្ពុជា។ ព្រះរាជាណាចក្រនេះជារាជាធិបតេយ្យអាស្រ័យរដ្ឋធម្មនុញ្ញដែលមានព្រះនរោត្តម-សីហមុនី ក្សត្រមួយអង្គដែលបានជ្រើសដោយក្រុមប្រឹក្សារាជបល្ល័ង្ក ជាប្រមុខរដ្ឋ។ ប្រមុខរដ្ឋាភិបាលគឺហ៊ុន-សែន ដែលលោកថ្មីៗនេះគឺជាមេដឹកនាំដែលបម្រើការយូរបំផុត នៅអាស៊ីអាគ្នេយ៍និងបានដឹកនាំកម្ពុជាអស់រយៈពេលជាង២៥ឆ្នាំហើយ។
នៅឆ្នាំ៨០២នៃគ.ស. ព្រះបាទជ័យវរ្ម័នទី២បានប្រកាសព្រះអង្គឯងជាព្រះមហាក្សត្រ ដែលកត់សម្គាល់ការចាប់ផ្ដើមនៃអធិរាជាណាចក្រខ្មែរ ដែលបានរុងរឿងអស់ជាង៦០០ឆ្នាំ និងអនុញ្ញាតឱ្យព្រះមហាក្សត្រសោយរាជ្យបន្តបន្ទាប់ត្រួតត្រាភាគច្រើននៃអាស៊ីអាគ្នេយ៍ និងប្រមែប្រមូលអំណាច និងភោគទ្រព្យដ៏ច្រើនលើសលប់។ ព្រះរាជាណាចក្រឥណ្ឌានីយកម្មនេះបានសាងប្រាសាទបូជនីយដ្ឋាននានាដូចជាអង្គរវត្ត និងបានធ្វើឱ្យងាយស្រួលនូវការផ្សព្វផ្សាយព្រហ្មញ្ញសាសនា ក្រោយមកព្រះពុទ្ធសាសនាទៅដល់ភាគច្រើននៃអាស៊ីអាគ្នេយ៍។ បន្ទាប់ពីការធ្លាក់ចុះអង្គរទៅអយុធ្យានៅសតវត្សទី១៥
5. វៀតណាម
ប្រទេសវៀតណាម ជាប្រទេសនៅអាស៊ីអាគ្នេយ៏ ហៅនៅភាសាវៀតណាម Việt Nam និង នៅភាសាខ្មែរ ជា ប្រទេសយូន តែមានមនុស្សមួយចំនួន គិតថាពាក្យយួននេះជាពាក្យដែលសំដៅដល់ការរើសអើងក្នុងន័យអាក្រក់ទៅវិញ។[១]
ប្រទេសវៀតណាមមានព្រំដែនជាប់ជាមួយ សាធារណរដ្ឋប្រជាមានិតចិន នៅខាងជីង ជាប់ជាមួយប្រទេស ឡាវ នឹង ប៉ែកខាងលិចជាប់នឹងព្រះរាជាណាចក្រកម្ពុជា ។ ប្រទេសវៀតណាម មានប្រជាជនប្រមាណ៨០លាននាក់ ។ រដ្ឋធានីគឺ ទីក្រុងហាណូយ ហើយទីក្រុងដ៏សំខាន់មួយទៀតគឺ ទីក្រុងហូជីមីញ ឬ ទីក្រុងសៃហ្កន (ទីក្រុងព្រៃនគរ) ស្ថិតនៅប៉ែក ខាងត្បូងនៃប្រទេស។
6. សម្លាប់ប្រពន្ធនៅសៀមរាប រត់គេចទៅស្រុកថៃសមត្ថកិច្ចចាប់ខ្លួនធ្លាយរឿងឃាតកម្មមួយនៅខេត្តកណ្តាល
ខេត្តកោះកុង ៖ ថ្ងៃទី២៥ មីនា ២០១៣ កម្លាំងការិយាល័យកណ្តាលនគរបាលយុត្តិធម៌នៃស្នងការដ្ឋាននគរបាល ខេត្តកោះកុង បានសហការជាមួយសមត្ថកិច្ចនគរបាលភូមិន្ទថៃ ចាប់ខ្លួនជនសង្ស័យម្នាក់ឈ្មោះលុន វែង ភេទប្រុស អាយុ២៩ឆ្នាំ តាមរយៈការផ្តល់អត្តសញ្ញាណ និងរូបថតជនសង្ស័យជាមុនទៅឱ្យសមត្ថកិច្ចថៃដែលជនសង្ស័យរូបនេះ បានប្រព្រឹត្តអំពើមនុស្សឃាតទៅលើប្រពន្ធរបស់ខ្លួន ដោយយកដុំថ្មវាយបែកក្បាលពីខាងក្រោយ កាលពីថ្ងៃទី២៣ តុលា ២០១២ នៅក្នុងក្រុងសៀមរាប រួចរត់គេចខ្លួនទៅនៅស្រុកថៃ គឺលាក់ខ្លួនក្នុងឃុំខ្លងស្រុន ស្រុកខ្លងយ៉ៃ ខេត្តត្រាត ។ លុះដល់ថ្ងៃទី២៥ មីនា ២០១៣ ថ្មីនេះ ទើបសមត្ថកិច្ចថៃចាប់ខ្លួនជនសង្ស័យរូបនេះបានរួចកម្លាំងកណ្តាលនគរបាល យុត្តិធម៌ខេត្តកោះកុងទៅនាំខ្លួនយកមក ។
លោកវរសេនីយ៍ទោ ឃឹម សាណេ ស្នងការរងទទួលផែនព្រហ្មទណ្ឌបានបញ្ជាក់ថា តាមការសហការរវាងកម្លាំងនគរបាលខេត្តកោះកុង និងកម្លាំងនគរបាលខេត្តសៀមរាប រួមនឹងកម្លាំងនគរបាលភូមិន្ទថៃយើងដឹងថា ជនសង្ស័យរូបនេះ (លុន វែង) បានប្រព្រឹត្តអំពើឃាតកម្មចំនួន២លើក ។ លើកទី១ កាលពីថ្ងៃទី១១ សីហា ២០០៥ នៅភូមិរកា ឃុំខ្ពប ស្រុកស្អាង ខេត្តកណ្តាល លើកទី២ បន្ទាប់ពីគេចខ្លួនពីខេត្តកណ្តាលមករស់នៅក្នុងខេត្តសៀមរាប នៅថ្ងៃទី២៣ តុលា ២០១២ ឈ្មោះលុន វែង បានសម្លាប់ប្រពន្ធរបស់ខ្លួន រួចរត់គេចខ្លួនទៅស្រុកថៃ រហូតដល់ថ្ងៃចាប់ខ្លួនបានតែម្តង ៕
7. បុរសម្នាក់បណ្តើរកង់ធ្លាក់លូបាក់.កស្លាប់
ខេត្តកំពង់ឆ្នាំង ៖ បុរសម្នាក់បានស្លាប់បាត់បង់ជីវិត ខណៈដែលបណ្តើរកង់ទៅលេងផ្ទះកូន ហើយបានធ្លាក់ចូលលូទឹកជម្រៅជាង១ម៉ែត្រ កាលពីវេលាម៉ោង៦និង៣០នាទីល្ងាចថ្ងៃទី១៤ វិច្ឆិកា នៅតាមផ្លូវលំ ស្ថិតក្នុងភូមិសន្ទូច ឃុំថ្មី ស្រុករលាប្អៀរ ។ នេះជាលើកទី២ ហើយក្នុងខេត្តកំពង់ឆ្នាំង ដែលមានអ្នកជិះ និងបណ្តើរកង់ធ្លាក់លូទឹកស្លាប់ក្នុងខែវិច្ឆិកា ។
ប្រភពព័ត៌មានឱ្យដឹងថា ជនរងគ្រោះឈ្មោះស៊ីម ភឿន អាយុ៦០ឆ្នាំ មានទីលំនៅជិតកន្លែងកើតហេតុ ។ ប្រភពដដែលបន្តថា មុនពេលកើតហេតុជនរងគ្រោះបានជិះកង់ទៅលេងផ្ទះកូនដែលមានទី លំនៅភូមិ-ឃុំជាមួយគ្នា ប៉ុន្តែពេលជិះដល់ពាក់កណ្តាលផ្លូវ ដោយយប់ងងឹតបុរសរងគ្រោះក៏បានចុះបណ្តើរកង់ ។ ពេលកំពុងបណ្តើរកង់នោះមានបុរសឈ្មោះជា រ៉េត បានឃើញបុរសរងគ្រោះកំពុងបណ្តើរកង់ទាំងយប់ងងឹតបែបនេះក៏ស្រែក សួរ «អ៊ំទៅណា» គាត់បានឆ្លើយថា ទៅលេងកូន គ្រាន់តែឆ្លើយផុតមាត់បែបនេះ ស្រាប់តែឮព្រូស ពេលនោះប្រជាពលរដ្ឋដែលនៅក្បែរបាននាំគ្នាមកមើល ឃើញជនរងគ្រោះធ្លាក់ចូលលូទឹកបាក់.កស្លាប់តែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕