Text 1
តម្លៃស្រូវផ្កាម្លិះនៅក្នុងរដូវប្រមូលផលមានការប្រែប្រួល
តម្លៃ ស្រូវផ្កាម្លិះក្នុង រដូវប្រមូលផលក្នុងខែវិច្ឆិកានេះបានធ្លាក់ចុះបន្ទាប់ពីបានហក់ ឡើងពីពាក់កណ្តាលខែតុលា។ តម្លៃ ស្រូវតាមបណ្តាខេត្តជាប់ព្រំដែនថៃដល់ពេលនេះគឺ១៣៦០រៀលក្នុងមួយ គីឡូក្រាម ធ្លាក់ចុះពីតម្លៃ១៥០០រៀលកាលពីពាក់កណ្តាលខែតុលា។ ស្រូវផ្កាម្លិះជាស្រូវដែលមានតម្រូវការខ្ពស់សម្រាប់កែច្នៃជា អង្ករ នាំចេញហើយការធ្លាក់ថ្លៃនៅពេលនេះដោយសារតែប្រជាកសិករប្រមូលផល ច្រើន។ លោកលឹមប៊ុនហេង ប្រធានសមាគមអ្នកនាំអង្ករចេញនិងជា ប្រធានក្រុមហ៊ុនឡូរ៉ង់ដែល មានរោងម៉ាស៊ីនកិនស្រូវនិងកែច្នៃអង្ករ នៅខេត្តបាត់ដំបងសម្រាប់នាំអង្ករចេញនិយាយថាតម្លៃស្រូវផ្កា ម្លិះទិញចូលបានឡើងខ្ពស់រហូត១៥០០រៀលកាលពីពាក់កណ្តាលខែតុលា តែតម្លៃនេះបានធ្លាក់ចុះមកវិញនៅត្រឹម១៣៦០រៀលនាពេលបច្ចុប្បន្ន នេះ។
លោកបន្តថាតម្លៃស្រូវផ្កាម្លិះបានហក់ឡើងនៅពាក់ កណ្តាលខែតុលានោះបណ្តាលមកពីការប្រមូលផលមិនទាន់មានច្រើនខណៈ តម្រូវការពីម្ចាស់រោងម៉ាស៊ីនកិនស្រូវមានច្រើនសម្រាប់ផលិតអង្ករ នាំចេញប៉ុន្តែមកដល់ពេលនេះប្រជាកសិករច្រើនបាននិងកំពុងប្រមូលផល ដែលជាកក្តាជំរុញឱ្យតម្លៃស្រូវធ្លាក់ចុះព្រោះការផ្គត់ផ្គង់មាន ច្រើន។ លោកថ្លែងថា៖ «តម្លៃទិញខ្ពស់កាលពីពេលនោះព្រោះយើងចង់ទិញយកមកកែច្នៃដើម្បី នាំចេញទៅកាន់ទីផ្សារ»។ លោកបានលើកឡើងថា ក្នុងខែវិច្ឆិកានេះក្រុមហ៊ុនលោកគ្រោងនាំអង្ករចេញចំនួន១ពាន់តោន ទៅប្រទេសសិង្ហបុរី និងទីផ្សារប្រទេសម៉ាឡេស៊ី។ក្រៅពីនោះក៏មានផែនការនាំចេញទៅកាន់ទី ផ្សារអឺរ៉ុបជិត៤០០តោនដែរតែវាជាប្រភេទអង្ករអ៊ីអ៊ែរ។
កាលពាក់កណ្តាលខែវិច្ឆិកាឆ្នាំមុនស្រូវផ្កាម្លិះមានតម្លៃ១៣៥០រៀល ក្នុងមួយគីឡូក្រាម។ លោកសេនរិទ្ធប្រធានសមាគមរោងម៉ាស៊ីនកិនស្រូវ ខេត្តសៀមរាបបានបញ្ជាក់ប្រាប់ ផបហ្សូន អាស៊ីថាផ្ទៃដីដាំដុះស្រូវក្រអូបបានកើន ឡើងតែតម្លៃស្រូវហាក់មិនមានការប្រែប្រួលគួរឱ្យកត់សម្គាល់ទេ នៅ ខេត្តសៀមរាប។លោកបន្តថាតម្លៃស្រូវផ្កាម្លិះដែលទើបប្រមូលផល មានខុសៗគ្នានៅពេលនេះពោលគឺ១៣៦០រៀលទៅ១៣៨០រៀលសម្រាប់ពូជស្រូវ ផ្កាម្លិះដែលមិនសូវសុទ្ធល្អ តែសម្រាប់ពូជស្រូវផ្កាម្លិះសុទ្ធល្អវិញតម្លៃមានរហូតដល់១៤៥០រៀល ក្នុងមួយគីឡូក្រាម។ លោកនិយាយថាតម្លៃអង្ករនៅលើទីផ្សារ អន្តរជាតិមានស្ថិរភាពរហូតមកទល់ពេលនេះតែតម្លៃស្រូវប្រែប្រួល លើទីផ្សារកម្ពុជាដោយសារឈ្មួញក្រឡុកទីផ្សារ៖ «បើតម្លៃស្រូវធ្លាក់ចុះពេលប្រមូលផលហើយវាឡើងនៅពេលប្រមូលផល រួចនោះវាជារឿងរបស់ឈ្មួញទេព្រោះតម្លៃលើទីផ្សារអន្តរជាតិមិន ប្រែប្រួលទេ»។លោកបានព្យាករណ៍ថាដោយសារតម្រូវការបរិមាណនាំ ចេញអង្ករពីទីផ្សារកម្ពុជាកាន់តែច្រើនឡើង តម្លៃស្រូវមិនទំនងជា ធ្លាក់ចុះទេតែផ្ទុយទៅវិញវាអាចស្ថិតនៅទ្រឹងឬក៏ហក់ឡើងពី តម្លៃបច្ចុប្បន្ន។
- See more at: http://www.popzone.asia/?news=218#sthash.oZV4SNb4.dpuf
Tuesday, February 26, 2013, Views: 680