Ef hæfnikortið er allt (eða næstum allt) blátt (framúrskarandi) hefur nemandinn náð framúrskarandi tökum á þeirri hæfni sem ætlast er til að hann búi yfir í lok annar miðað við jafningja og eigin forsendur. Athugið að nemandi með frammúrskarndi hæfni getur ekki verið með rautt, gult né fjólublátt í kortinu sínu. Samantekt á hæfni nemandans er þá “A” eða framúrskarandi hæfni auk umsagnar þar sem það á við. 

Ef hæfnikortið er grænt (hæfni náð) og blátt (framúrskarandi) hefur nemandi náð mjög góðum tökum á þeirri hæfni sem er ætlast til að hann búi yfir í lok annar miðað við jafnaldra og eigin forsendur, auk þess sem hann hefur sýnt fram á framúrskarandi hæfni á einhverjum sviðum. Nemandi með B+ getur almennt ekki verið með rautt (hæfni ekki náð) eða gult (þarfnast þjálfunar) í kortinu sínu. Samantekt á hæfni nemands er þá “B+” eða frammúrskarandi hæfni ásamt umsögn þar sem það á við. 

Ef mikill meirihluti hæfnikortsins er grænn (hæfni náð) og restin fjólublá (góðri leið) og blá (frammúrskarandi) hefur nemandinn náð tökum á þeirri hæfni sem til er ætlast að hann búi yfir í lok annar miðað við jafningja og eigin forsendur.  Nemandi með hæfni náð í lokamati getur almennt ekki verið með rautt viðmið (hæfni ekki náð) í kortinu sínu. Samantekt á hæfni nemandans er þá “B” eða hæfni náð ásamt uppbyggilegri umsögn þar sem það á við. 

Ef meirihluti hæfnikortsins er blanda af gulum (þarfnast þjálfunar) og grænum (hæfni náð) eða ef meirihlutinn er fjólublár (á góðri leið), er nemandinn á góðri leið með að ná tökum á þeirri hæfni sem ætlast er til að hann búi yfir í lok annar miðað við jafningja og eigin forsendur. Athugið að nemandi sem fær C+ er ekki með mikið rautt í kortinu sínu. Samantekt á hæfni nemandans er þá “C+”eða hæfnitáknið á góðri leið og svo uppbyggileg umsögn um stöðu nemandans í námsgreininni eftir þörfum. 

Ef meirihluti hæfnikortsins er gult (þarfnast þjálfunar) eða gult og rautt (hæfni ekki náð), hefur nemandinn náð tökum á hluta af þeirri hæfni sem ætlast er til að hann búi yfir í lok annar miðað við jafningja og eigin forsendur en þarfnast þjálfunar á ákveðnum sviðum. Kortið getur verið blanda af gulu, rauðu, fjólubláu, grænu og jafnvel bláu (minnihluta grænt og blátt).

Samantekt á hæfni ætti í þessum tilfellum að vera “C” eða hæfnitáknið þarfnast þjálfunar og svo uppbyggileg umsögn um stöðu nemandans eftir þörfum. 

Ef öll hæfniviðmiðin er með rauða hæfnitákninu: “Hæfni er ekki náð” hefur nemandinn ekki náð tökum á þeirri hæfni sem ætlast er til að hann búi yfir í lok annar miðað við jafningja og eigin forsendur. Þegar kemur að því að skrá lokamat þarf að hafa í huga hvað veldur því að viðkomandi nemandi náði ekki hæfninni. Hér skráum við autt með útskýringu á því hvers vegna nemandinn uppfyllti ekki námskröfur. Mat sem þetta ætti aldrei að koma foreldrum né nemanda á óvart að vori. Kennari ætti að hafa átt leiðbeinandi samtal við nemenda og foreldra um námsframvinduna.