Almennar upplýsingar 2b.

Um árganginn

Í vetur eru skráðir 50 nemendur í 2. bekk. Við verðum með teymiskennslu sem gengur út á að við erum einn bekkur en tveir stofuhópar. Það er mikil samvinna milli kennara og er hópum skipt reglulega upp eftir verkefnum. Við erum tvær sem kennum 2. bekk og heitum Árný Ösp og Þóra Lind ásamt Margréti þroskaþjálfa.

Áherslur vetrarins

Lestur
Skólafærni: Við leggjum áherslu á að vinna með skólafærni og jákvæðan skólabrag. Í skólafærni felst að ganga vel um, að börnin læri að vera sjálfstæð, að viðhalda góðum samskiptum og sýna samnemendum, starfsfólki og umhverfinu virðingu.

Frímínútur

· Frímínútur eru tvisvar á dag.

· Nemendur koma klæddir eftir veðri.

· Merkja allan fatnað vel.

· Gott er að hafa aukaföt í töskunni.

Heimanám

· Lesa heima upphátt a.m.k. 5 sinnum í viku, 15 mínútur á dag. Einnig er gott að æfa sig í hljóði aukalega.

· Samhliða heimalestri skal skrifa í orðakistu.

· Foreldrum/forráðamönnum ber að kvitta fyrir hlustun í Læsir þar sem börnin þurfa markvissan stuðning til að ná færni í lestri.

· Gott er að lesa fyrir börnin heima til að auka lesskilning og orðaforða.

· Umsjónarkennara ber að skrá í Mentor sé heimalestri ekki sinnt.

Mentor

Námslotur, námsmat og veikindaskráning.
Stundvísi er mikilvæg.
Tilkynna þarf forföll strax að morgni með því að hringja í ritara skólans eða skrá veikindi á Mentor. Tilkynna þarf veikindi daglega.
Skólinn er staður fyrir fullfríska krakka, ef þau eru lasin þá eiga þau að vera heima.

Samskipti milli heimila og skóla

Vikufréttir á Mentor á hverjum föstudegi.
Tölvupóstur (ekki er hægt að reikna með að kennarar lesi tölvupósta á meðan á kennslu stendur, hægt er að koma skilaboðum áleiðis í gegnum ritara).
Afmæli – Þið ákveðið!
Góð regla er að bjóða öllum hópnum, öllum stelpum eða strákum í hópnum einnig er sniðugt að halda afmæli saman. Ekki er í boði að dreifa boðskortum á skólatíma nema öllum sé boðið.
Gott er að tilkynna kennurum um óvænta atburði í lífi nemenda sem geta haft áhrif á þá.
Að tala alltaf vel um skólann og starfsmenn hans í viðurvist barnanna.

Ýmislegt

Þurfi nemandi leyfi þarf að sækja um það á heimasíðu skólans: https://alfholsskoli.wixsite.com/leyfisbeidni
Álfhólsskóli á Facebook https://www.facebook.com/alfholsskoli
Íþróttir og sund

Nemendur eiga að koma með íþróttaföt í íþróttir (t.d stuttbuxur og bol).

Sundið er kennt í lotum í 4 vikur, 3 tímar á viku, haust- og vorönn (fara ekki í íþróttir á meðan).

Nemendur eiga að koma með sundföt, handklæði og sundgleraugu í sundlotu.

Kennarar árgangsins

Árný Ösp Arnardóttir (umsjónarkennari)
Þóra Lind Þórsdóttir (umsjónarkennari)
Margrét J. Magnúsdóttir (þroskaþjálfi)
Bryndís Reynisdóttir (íslenska sem annað mál)
Kristbjörg Pálsdóttir (stærðfræði kennsla)
Íþróttakennarar (Ásgeir, Hanna Bára, Hákon og Sverrir)
List- og verkgreinar (Hreiðar, Lilja, María Bóel, Erla og Andrea)

Page updated

Report abuse