La pace di Gigi

di Luigi Carrano

O vient int'e case

E parole senza voce

O ffuoco int'e mmur

E strill senza luce

è nnato, è nnato sotto terra

addò sul a luce e Ddio le da calore.

Ddio che vere,

che sente,

che guard e nun fa niente.

Sole, sole e fuoco

comm e cuorp cchien' e rulur

che nun riescen a fermà sti cannun pe nu poco e pace,

comme se fermaje Cristo 'ncroce.

Sirene, sirene e terra e no de mare

addò int'è vie

a mieze e cchiazze

c'è sta sul nu fuja fuja

e nisciun aspetta a nisciun.

Acqua, acqua innocente che score 'nterra annanza e piere e sti criature.

Stelle, stelle e fuoco

ca nun tenen speranza

ma abboffan sul a panza

a sti padrun

con tanti core e mamm      

che chiagnane sotto tanti purtun aspertann a ccocurun.

Fermamm tutto chest,

facimm fest

e sunamm e tambur.