Welsh iPad Apps

Helô anturiaethwyr! Dewch i mewn i fyd hudol Ffrindiau'r Wyddor a chwrdd â ffrindiau anhygoel pob llythyren yr wyddor Gymraeg! Allwch chi ddyfalu pwy byddwch chi'n cwrdd â nhw ar gyfer y llythyren 'A'? Neu pa antur sy’n aros amdanoch chi gyda'r llythyren 'Y'?

Mae gan bob cymeriad ei stori arbennig ei hun sy’n llawn animeiddiadau. Dyma gyfle i fynd ar daith wib trwy'r wyddor! O robotiaid i ddreigiau, mae pob stori yn rhyfeddod newydd!

Wyddoch chi beth? Nid gwylio’n unig fyddwch chi ond gwrando a chanu hefyd! Gyda lleisiau hudol, mae pob stori yn dod yn fyw wrth iddi gael ei darllen yn uchel. Ond nid yw'r hwyl yn dod i ben yma! Paratowch i fod yn seren eich sioe gerdd eich hun gyda chaneuon bachog am bob llythyren!

P’un a ydych chi’n arth ddewr, yn ddraig sy’n dawnsio, neu’n gath chwilfrydig, mae ffrind a chân yn aros amdanoch chi! Felly, ydych chi'n barod i ddysgu, chwerthin, a chanu?

Lawrlwythwch Ffrindiau'r Wyddor heddiw i ddechrau ar eich antur!

Mae Cawlach yn gêm gair gwych i basio'r amser ac yn addas ar gyfer pob oedran.

Cawlach is a great word game to pass the time and suitable for people of all ages.

Mae Cawlach yn gêm gair gwych i basio'r amser, ar y bws, yng nghefn y gynhadledd, neu ar y ty bach.

Mae angen creu cymaint o eiriau Cymraeg o'r llythrennau ag y gallwch, gyda phwyntiau ychwanegol ar gyfer geiriau cudd.

Mae Cawlach yn addas ar gyfer pob oedran a gallu yn Y Gymraeg :)

Croeso i Ap Byd Cyw - ap llawn hwyl i blant chwilfrydig sy’n dwlu ar gemau, straeon a chaneuon.

Welcome to Cyw World - a fun filled app for kids who love games, stories, songs and exploration!

Wedi’i seilio ym myd lliwgar brand meithrin S4C, mae’r ap yn cynnwys gwahanol ardaloedd i blant chwarae a darganfod gyda’u hoff gymeriadau. Mae gweithgaredd arbennig i bob ardal, a llond y lle o bethau i chwarae â nhw - felly cofiwch dapio popeth ar y sgrin i ddod â’r byd yn fyw!

Gall plant dyfu blodau, ffrwythau a llysiau o’r hadau yng ngardd Cyw, a rhoi eu cynnyrch i Bolgi ei fwyta wrth wrando ar ganeuon Cyw ar y radio. Yn ardal Llew, gallan nhw drefnu’r blodau o ardd Cyw a chwarae pêl. Beth am chwarae cerddoriaeth gyda Plwmp a Deryn hefyd? Gall defnyddwyr newid rhwng dydd a nos, er mwyn canu gyda’r caneuon yn ystod y dydd a gwrando ar straeon amser gwely wrth i’r sêr ddisgleirio.

Gydag ystod o gemau i’w chwarae, mae llawer i fechgyn a merched ei brofi. Yn ‘Gêm y Fferm’, mae modd dewis sut i reoli tractor wrth fedi cnydau’r fferm, gan glirio pob cae cyn symud ymlaen. Wrth i’r haul fachlud, gall chwaraewyr cystadleuol geisio am sgôr uchel a chasglu sêr.

Gall chwaraewyr helpu Bolgi gasglu ei hoff fwydydd yn y gêm ‘Bwydo Bolgi’ sy’n gêm blatfform freuddwydiol i drio casglu cymaint â phosib o brydau cyn iddo ddeffro!

Wrth ddefnyddio’r ap, gall plant ennill gwobrau a datgloi nodweddion arbennig fel cân newydd i’r radio neu hedyn newydd i’r ardd, mae ennill gwobrau yn adborth positif i blant ifanc ac yn eu hannog i ddal ati. Dewch i Salon Llew i dorri, lliwio a steilio ei wallt yn barod i dynnu llun!

Mae’r ap Cymraeg yma’n fodd o annog chwarae a darganfod, felly gall siaradwyr rhugl a dysgwyr elwa o’i ddefnyddio. Mae hefyd adran gyda chyfrinair i oedolion, sy’n rhoi gwybodaeth i’r rhiant am ddefnydd eu plentyn o’r ap. Yn ogystal, mae modd golygu proffiliau ac mae yma ddolenni at wybodaeth bellach.

Gêm newydd unwaith y dydd, gan geisio ateb 10 cwestiwn mor gyflym â phosib, gyda llwyth o wobrau i ennill! 

Gyda gwobrau wrth ein noddwyr ar gyfer un chwaraewr lwcus yn y 200 uchaf BOB WYTHNOS, heb anghofio am y siawns i ennill gwyliau i bedwar mewn chalet sgïo moethus yn Yr Alps ar ddiwedd y tymor. Y cyfan sydd angen i ti wneud i fod gyda’r siawns o ennill… ydy chwarae! 

Bydd y tymor yn rhedeg rhwng 20/05/24 a 07/10/24 - cyfnod o 20 wythnos. Chwarae yn erbyn teulu, pobl yn dy ardal leol, Cymru, a thu hwnt! 

Lawrlwytha'r ap NAWR i gystadlu ac i gyrraedd top ein sgorfwrdd. 

Yr unig gwis dyddiol am ddim yn y Gymraeg, gan S4C.