Embedded Files
Ітак, мы дайшлі да моманту ў святой Імшы, калі прымаем Святую Камунію. Ты ўжо цэлы год прымаеш Езуса ў Святой Камуніі. Падумай, штосьці ў табе змянілася за гэты час? Можа паводзіны сталі лепшымі? А можа ты стаў спакойней сябе весці на занятках? А можа ты з большым жаданнем прыходзіш на Імшу і нават ужо разумееш, што падчас яе адбываецца? А можа мама ўжо не павінна цябе доўга ўпрошваць пасядзець з малодшымі дзецьмі, бо ты ахвотна ёй дапамагаеш?
Калі заўважаеш у сабе добрыя змены - падзякуй Пану Езусу. Гэта тая справа, якую Ён робіць у тваім сэрцы. І дапамагае Яму ў гэтым тое, што ты прымаеш Яго, адкрываеш сваё сэрца ў сакрамэнце Пакаяння і прымаеш Яго Цела ў Святой Камуніі.
Нашае цела патрабуе добрага харчавання, каб жыць. А калі нам трэба прайсці які-небудзь доўгі шлях, або, напрыклад, падняцца ў горы? Тады трэба мець шмат сіл, мець запас вады і ежы, каб мы змаглі справіцца з дарогай.
Памятаеш, як народ ізраільскі ўцякаў з Егіпта? Бог даваў народу выбранаму хлеб з неба.
Тое самае адбываецца і ў нашай дарозе да Бога. Нам патрэбна ежа для нашай душы. Бог не пакінуў нас без ежы для нашай душы. Ён застаўся з намі ў Святой Камуніі.
Святая Камунія дае нам жыццё вечнае. Езус сказаў, што Яго Цела - сапраўдная ежа, а Яго Кроў - сапраўдны напой. Нашая душа таксама можа стаць "галоднай". Яе голад - туга па Богу і Яго любові, па Яго прысутнасці ў нашым жыцці. Хочаш, каб Ён заўсёды быў побач? Хочаш адчуваць, як моцна Ён цябе любіць? Хочаш з Ім дзяліцца сваімі радасцямі, марамі, смуткамі? Шукай Яго ў Святой Камуніі, размаўляй з Ім. Так пачынаецца неба. Бо на небе мы будзем бачыць Бога тварам у твар.
Хатняе заданне:
Хатняе заданне:
1) прачытай тэму 22
2) выканай усе заданні, якія ў гэтай тэме ёсць
Page updated
Google Sites
Report abuse