Embedded Files
Хвала Хрысту! Як думаеш, без чаго чалавек не можа жыць?
Правільна, без хлеба! Хлеб патрэбны кожнаму.
Ёсць на свеце людзі, якім не хапае хлеба, яны галадаюць.
Ёсць яны па ўсім свеце, але таксама і побач з намі, часам мы праходзім каля бедных, якія просяць хлеба. Мы можам ім дапамагчы, калі падзелімся з імі бутэрбродам, кавалкам хлеба..
Можам таксама маліцца і прасіць Бога, каб ва ўсіх на Зямлі быў хлеб.
Езус, калі ўзыходзіў у неба, паабяцаў сваім вучням, што застанецца з намі назаўсёды. І Ён застаўся з намі прысутны пад постаццю Хлеба. Называем Езуса пад постаццю хлеба - Найсвяцейшым Сакрамэнтам.
Памятаеш з папярэдняга ўрока, што Ён захоўваецца ў табэрнакулюме?
Езус паабяцаў, што кожны, хто будзе спажываць Яго Цела і піць Яго Кроў, будзе жыць вечна. Таму падчас Святой Імшы прымаем Цела Хрыста. Называем гэта Святой Камуніяй.
Святая Камунія нас перамяняе. Мы становімся домам для Езуса. Ён жыве з гэтага моманту ў нашых сэрцах. У наступным годзе вы таксама першы раз у сваім жыцці прымеце Святую Камунію. Вельмі важна добра падрыхтавацца да гэтага моманту.
Езус хоча, каб мы іншым неслі радасную вестку пра тое, што Ён жыве, што збавіў кожнага, што даў нам святую Камунію, каб мы маглі жыць вечна. Падумай, як мы можам быць сведкамі Хрыста ў сваёй сям'і, у школе, сярод сяброў. Выканай заданне.
Раз у год у Касцёле адзначаецца ўрачыстасць Найсвяцейшага Цела і Крыві Хрыста. У гэты дзень асабліва ўшаноўваем Езуса ў Найсвяцейшым Сакрамэнце. Адбываюцца прыгожыя працэсіі, калі мы ўсе ідзем вакол касцёла за Езусам, Якога ў Манстранцыі нясе святар.
Вакол касцёла будуюцца 4 алтары. Каля кожнага з гэтых алтароў чытаецца Святое Пісанне і мы разам молімся.
Дзяўчаты сыплюць кветкі, дзеці ідуць з упрыгожанымі падушкамі. Усе разам свяваем і хвалім Пана!
Урачыстасць Божага Цела ў гэтым годзе будзе 11 чэрвеня.
Хатняе заданне:
Хатняе заданне:
1) прачытай тэму 23 у дапаможніку;
2) выканай заданне нумар 1 у сшытку.
Гэта наш апошні занятак. Жадаю добра адпачыць на канікулах! І не забывайся пра Пана Бога! Памятай пра Святую Імшу ў нядзелі. І пра малітву кожны дзень! Да сустрэчы ў верасні!
Page updated
Google Sites
Report abuse