Tegwch mewn Addysg

Nawr yn fwy nag erioed mae'n bwysig deall sut a pham mae'r amgylchiadau bywyd heriol y mae llawer o ddysgwyr yn eu profi yn effeithio ar eu lles a'u parodrwydd i ddysgu. Bydd dealltwriaeth glir ac ymrwymiad i Degwch a Lles yn yr ystafell ddosbarth yn helpu pob dysgwr i gyflawni a sicrhau nad oes unrhyw ddysgwr yn cael ei adael ar ôl.   

Wrth galon Cwricwlwm i Gymru mae ymrwymiad i ddatblygu pob dysgwr i fod yn iach, yn hyderus, yn egwyddorol, yn wybodus, yn fentrus, yn greadigol, yn uchelgeisiol ac yn alluog. Dim ond os oes dealltwriaeth ac ymrwymiad i degwch mewn addysg a phwysigrwydd lles dysgwyr y gellir cyflawni hyn. 

Mae tegwch mewn addysg yn golygu darparu pob dysgwr ag adnoddau, cefnogaeth a phrofiadau dysgu sy'n cwrdd â'u hanghenion gan eu galluogi i lwyddo. Ni ddylai amgylchiadau unigol a chymdeithasol fod yn rhwystr i gyflawni potensial addysgol. Mae tegwch mewn addysg yn ei gwneud yn ofynnol i systemau, ar lefel ysgol, leol a chenedlaethol gymryd i ystyriaeth, ac ymateb i, yr heriau unigryw sy'n cyflwyno eu hunain i unigolion neu grwpiau o ddysgwyr.