Bydd dysgu proffesiynol yn ganolog i sicrhau bod gan holl staff ysgolion y wybodaeth a'r sgiliau proffesiynol i gyflawni'r diwygiadau addysg sydd ar y gweill yng Nghymru. Mae timau rhanbarthol a phartneriaethau'n gweithio ar y cyd i gynllunio a chyflenwi rhaglen/au DP  gydlynol ar draws Cymru. 

Er mwyn helpu pob ysgol a lleoliad ledled Cymru i gyflawni'r Cwricwlwm i Gymru datblygwyd rhaglen dysgu proffesiynol gynhwysfawr gan y tîm Dysgu Proffesiynol trawsrhanbarthol.  Mae'r cynnig hwn, sy’n seiliedig ar dystiolaeth, yn plethu holl elfennau'r diwygio ehangach ac yn cefnogi ymarferwyr gyda sesiynau i arweinwyr, athrawon, cymorthyddion dysgu a llywodraethwyr.   

Mae'r sesiynau yn gyfuniad o theori ac enghreifftiau ymarferol o ysgolion a lleoliadau ar draws Cymru. Yn ogystal, bydd llawer o sesiynau trwy gydol tymor yr Haf 2023 yn cynnig cyfle i ysgolion drafod â chyd-weithwyr ar hyd a lled Cymru.   

Mae pob sesiwn o Raglen Cwricwlwm Dysgu Proffesiynol Cwricwlwm Cymru yn cael ei recordio ar gyfer mynediad ar ôl y sesiwn. Rydych hefyd yn gallu lawrlwytho'r sleidiau PowerPoint isod. Gofynnwn i chi gofnodi eich presenoldeb, er mwyn ein helpu i ddeall pwy sy'n cael gafael ar y deunyddiau ledled Cymru. 

Cofnodwyd y sesiynau isod yn ystod blwyddyn academaidd 2022/23

Enghreifftiau ysgol:

Ysgol Bro Preseli: https://youtu.be/tdJ0C_tx89s

Ysgol Gymraeg y Trallwng: https://youtu.be/BGLC5G7Jj70

Trwy ymgysylltu â’r modiwl anghydamserol hwn, bydd arweinwyr canol ac ymarferwyr yn ennill gwybodaeth a dealltwriaeth o: 

• Sut mae pob Maes Dysgu a Phrofiad yn cefnogi gwireddu'r pedwar diben 

• Sut mae pob Maes Dysgu a Phrofiad wedi'i strwythuro a'i drefnu 

• Y datganiadau o'r hyn sy'n bwysig a'r cysyniadau allweddol sydd wedi'u cynnwys yn y rhesymeg sy'n gorwedd oddi tanynt ym mhob Maes Dysgu a Phrofiad 

• Egwyddorion dilyniant mewn perthynas â phob Maes Dysgu a Phrofiad 

I gael mynediad i'r modiwl, defnyddiwch y ddolen ganlynol: Rhestr chwarae Deall Meysydd Dysgu a Phrofiad 

I gael mynediad i'r Dilyniant mewn Meysydd Dysgu a Phrofiad o adnoddau, cliciwch yma