Нарадзіўся 3 кастрычніка 1953 года ў вёсцы Сіманавічы Глускага раёна Магілёўскай вобласці. З дзяцінства быў адароным. Скончыў 8 класаў Сіманавіцкай базавай школы (1960 – 1968), 9 і 10 класы вучыўся у Завалочыцкай сярэдняй школе (1968 – 1970). Наведваў творчую студыю выяўленчага мастацтва дварца піянераў ў горадзе Бабруйску (1967 – 1970). У 1971 годзе скончыў Маскоўскі завочны ўніверсітэт мастацтваў, аддзяленне выяўленчага мастацтва імя Н.К. Крупскай. Затым паступіў у Бабруйскае мастацкае вучылішча, якое скончыў у 1974 годзе па спецыяльнасці мастак-дэкаратар. У 1980 годзе скончыў Беларускі дзяржаўны тэатральна-мастацкі інстытут па спецыяльнасці мастацкая кераміка. Размеркаванне атрымаў у Краснаярск. У 1988 годзе праходзіў стажыроўку ў Грузінскай Дзяржаўнай Акадэміі мастацтваў у горадзе Тбілісі Грузінскай ССР. У 1995 годзе працаваў у творчай групе расійскіх мастакоў-керамістаў на базе ТПК СГРФ “Варанцова” ў Маскве. З 1988 года працуе ў Краснаярскім дзяржаўным інстытуце мастацтваў (да 2007 – загадчык кафедры мастацкай керамікі).
Удзельнік больш за 100 выставак і выставачных праектаў у Краснаярску, Томску, Санкт-Пяцярбурзе, Навасібірску, Благавешчанску, Екацерынбургу, а таксама ЗША. Яго творы знаходзяцца ў музеях і прыватных сабраннях Краснаярска, Навасібірска, Уладзівастока, Іркуцка, Нарыльска, а таксама ЗША, Германіі, Фінляндыі, Велікабрытаніі і інш.