10.33
अक्षराणामकारोऽस्मि द्वन्द्व: सामासिकस्य च ।
अहमेवाक्षय: कालो धाताहं विश्वतोमुख: ॥ ३३ ॥
akṣarāṇām a-kāro ’smi
dvandvaḥ sāmāsikasya ca
aham evākṣayaḥ kālo
dhātāhaṁ viśvato-mukhaḥ
पदच्छेद: पदपरिचय: पदार्थ: padacchedaḥ padaparicayaḥ padārthaḥ
разбиение слов, грамматика слов, значение слов
акшара̄н̣а̄м — из букв; (м, 6.3)
а-ка̄рах̣ — первая буква; (м, 1.1)
асми — (Я) есть; (лаТ, 1.1)
двандвах̣ — двучленное слово; (м, 1.1)
са̄ма̄сикасйа — из сложных слов; (м, 6.1)
ча — и; (ав)
ахам — Я; (асмад, 1.1)
эва — безусловно; (ав)
акшайах̣ — вечное; (м, 1.1)
ка̄лах̣ — время; (м, 1.1)
дха̄та̄ — творец; (м, 1.1)
ахам — Я; (асмад, 1.1)
виш́ватах̣-мукхах̣ — Брахма (м, 1.1)
अन्वय: anvayaḥ
अक्षराणा, अकारः अस्मि। सामासिकस्य द्वन्द्वः च । अहम एव अक्षयः कालः , विश्वतोमुखः धाता अहम्।
akṣarāṇā, akāraḥ asmi| sāmāsikasya dvandvaḥ ca | ahama eva akṣayaḥ kālaḥ , viśvatomukhaḥ dhātā aham|
The Subodhinī commentary by Śrīdhara
akṣarāṇāmiti | akṣarāṇāṃ varṇānāṃ madhye akāro'smi | tasya sarvavāṅmayatvena śreṣṭhatvāt | tathā ca śrutiḥ akāro vai sarvā vāksaiṣā sparśoṣambhirvyajyamānā bahvī nānārūpā bhavati [Ai.Ā. 1.3.6] iti | sāmāsikasya samāsasamūhasya madhye dvandvaḥ rāmakṛṣṇāvityādisāmāso'smi | ubhayapadapradhānatvena śreṣṭhatvāt | akṣayaḥ pravāharūpaḥ kālo'hameva | kālaḥ kalayatāmahamityatrāyurgaṇanātmakaḥ saṃvatsaraśatādyāyuḥ svarūpaḥ kāla uktaḥ | sa ca tasminnāyuṣi kṣīṇe sati kṣīyate | atra tu pravāhātmako'kṣayaḥ kāla ucyate iti viśeṣaḥ | karmaphalavidhātṝṇāṃ madhye viśvatomukho dhātā | sarvakarmaphalavidhātāhaṃ ityarthaḥ ||33||
Sanskrit Commentary By Sri Shankaracharya
।।10.33।। --,अक्षराणां वर्णानाम् अकारः वर्णः अस्मि। द्वन्द्वः समासः अस्मि सामासिकस्य च समाससमूहस्य। किञ्च अहमेव अक्षयः अक्षीणः कालः प्रसिद्धः क्षणाद्याख्यः? अथवा परमेश्वरः कालस्यापि कालः अस्मि। धाता अहं कर्मफलस्य विधाता सर्वजगतः विश्वतोमुखः सर्वतोमुखः।।
Перевод
Из букв Я буква «а», а из сложных существительных — двучленное. Я же вечное время, а из творцов Я Брахма.
व्याकरणम् vyākaraṇam - грамматика
सन्धिः
अकारोऽस्मि
एवाक्षयः
कालो धाता
धाताहम्
समासः
सामासिकम् - समासानां समूहः - समूहार्थे ठक् (इक्) प्रत्ययः
अक्षयः - न विद्यते क्षयः अस्य सः - नञ् बहुव्रीहिः
विश्वतोमुखः - विश्वतः मुखानि यस्य सः - बहुव्रीहिः
कृदन्तः
क्षयः - क्षि + अच्
धातृ - धा + तृच्
sandhiḥ
akāro'smi
evākṣayaḥ
kālo dhātā
dhātāham
samāsaḥ
sāmāsikam - samāsānāṃ samūhaḥ - samūhārthe ṭhak (ik) pratyayaḥ
akṣayaḥ - na vidyate kṣayaḥ asya saḥ - nañ bahuvrīhiḥ
viśvatomukhaḥ - viśvataḥ mukhāni yasya saḥ - bahuvrīhiḥ
kṛdantaḥ
kṣayaḥ - kṣi + ac
dhātṛ - dhā + tṛc