Psalm 90

Psalm 90:1-17 King James Version (KJV) Public Domain

Psalm 90:1

Lord, thou hast been our dwelling place in all generations.

ᏣᎬᏫᏳᎯ ᏂᎯ ᎣᎦᏁᎳᏗᏍᏗᏱ ᎨᏒᎩ ᏂᎪᎯᎸ ᏴᏫ ᎤᎾᏓᏁᏟᏴᏒᏒᎢ.

tsagvwiyuhi nihi oganeladisdiyi gesvgi nigohilv yvwi unadanetliyvsvsvi.

Psalm 90:2

Before the mountains were brought forth, or ever thou hadst formed the earth and the world, even from everlasting to everlasting, thou art God.

ᎠᏏ ᏙᏓᎸ ᏂᏓᏙᏢᎬᎾ ᎨᏎᎢ, ᎠᎴ ᎠᏏᏉ ᏂᏓᏙᏢᏍᎬᎾ ᎨᏎ ᎦᏙᎯ ᎠᎴ ᎡᎳᏂᎬᎢ, ᎠᎴ ᏅᏧᏓᎴᏅᎲᎾ ᎠᎴ ᎾᎵᏍᏆᏗᏍᎬᎾ ᏂᎯ ᏣᏁᎳᏅᎯ.

asi dodalv nidadotlvgvna gesei, ale asiquo nidadotlvsgvna gese gadohi ale elanigvi, ale nvtsudalenvhvna ale nalisquadisgvna nihi tsanelanvhi.

Psalm 90:3

Thou turnest man to destruction; and sayest, Return, ye children of men.

ᎠᏲᎱᎯᏍᏗ ᎨᏒ ᎢᏗᏢ ᏫᎩᎦᏘ ᏴᏫ, ᎠᎴ ᎯᎠ ᏂᏪᎭ, ᏥᏣᏨᎾ ᏂᎯ ᏴᏫ ᏧᏁᏥ.

ayohuhisdi gesv iditlv wigigati yvwi, ale hia niweha, tsitsatsvna nihi yvwi tsunetsi.

Psalm 90:4

For a thousand years in thy sight are but as yesterday when it is past, and as a watch in the night.

ᏂᎯᏰᏃ ᏕᎯᎧᏅ ᏌᏉ ᎢᏯᎦᏴᎵ ᎢᏧᏕᏘᏴᏛ ᎤᏒᎯᏉ ᎾᏍᎩᏯ ᎿᏉ ᎦᎶᎯ, ᎠᎴ ᏌᏉ ᎢᏯᏯᏫᏍᏗ ᏒᏃᏱ ᎾᏍᎩᏯᎢ.

nihiyeno dehikanv saquo iyagayvli itsudetiyvdv usvhiquo nasgiya hnaquo galohi, ale saquo iyayawisdi svnoyi nasgiyai.

Psalm 90:5

Thou carriest them away as with a flood; they are as a sleep: in the morning they are like grass which groweth up.

ᏕᎭᏘᏁᎦ ᎾᏍᎩᏯ ᎦᏃᎱᎩᏍᎬ ᏧᏂᏄᎲᏍᏗᏍᎩ; ᎦᎸᏗᏉ ᎨᏒ ᏓᎾᏤᎸ; ᏑᎾᎴ ᎧᏁᏍᎦ ᏣᏛᏍᎪ ᏓᎾᏤᎸ

dehatinega nasgiya ganohugisgv tsuninuhvsdisgi; galvdiquo gesv danatselv; sunale kanesga tsadvsgo danatselv

Psalm 90:6

In the morning it flourisheth, and groweth up; in the evening it is cut down, and withereth.

ᏑᎾᎴ ᎠᏥᎸᏍᎪ ᎠᎴ ᎠᏛᏍᎪᎢ; ᎤᏒᎯᏰᏱ ᎠᏂᏍᎫᏕᏍᎪ ᎠᎴ ᎢᎧᎾᏍᎬᎪᎢ.

sunale atsilvsgo ale advsgoi; usvhiyeyi anisgudesgo ale ikanasgvgoi.

7 For we are consumed by thine anger, and by thy wrath are we troubled.

ᏣᎾᎸᏒᏰᏃ ᎣᎩᏒᎲᏍᎦ, ᎠᎴ ᏣᏔᎳᏬᏍᎬ ᎣᎦᏕᏯᏙᏗᎭ.

tsanalvsvyeno ogisvhvsga, ale tsatalawosgv ogadeyadodiha.

Psalm 90:8

Thou hast set our iniquities before thee, our secret sins in the light of thy countenance.

ᏣᎧᏛ ᎢᎬᏱᏗᏢ ᏂᏕᏨᏁᎸ ᎣᎩᏍᎦᏅᏨᎢ, ᎠᎴ ᎤᏕᎵᏛ ᎣᎩᏍᎦᏅᏨ ᏣᎧᏛ ᏚᎸᏌᏛ ᎢᎬᏱᏗᏢ ᏂᏕᏨᏁᎸ.

tsakadv igvyiditlv nidetsvnelv ogisganvtsvi, ale udelidv ogisganvtsv tsakadv dulvsadv igvyiditlv nidetsvnelv.

Psalm 90:9

For all our days are passed away in thy wrath: we spend our years as a tale that is told.

ᏣᏔᎳᏬᎯᏍᏗᏰᏃ ᎨᏒ ᏅᏗᎦᎵᏍᏙᏗ ᏙᎩᎩᏨᏂᏒ ᏕᎦᎶᏐᎲᏍᎪᎢ;

ᏙᎦᏕᏘᏱᎶᏍᎬᏃ ᏕᎦᎶᏍᎦ ᎾᏍᎩᏯ ᎠᏓᏅᏖᏗ ᏥᎦᎶᏍᎪᎢ

tsatalawohisdiyeno gesv nvdigalisdodi dogigitsvnisv degalosohvsgoi; dogadetiyilosgvno degalosga nasgiya adanvtedi tsigalosgoi.

Psalm 90:10

The days of our years are threescore years and ten; and if by reason of strength they be fourscore years, yet is their strength labour and sorrow; for it is soon cut off, and we fly away.

ᎦᎵᏆᏍᎪᎯ ᏧᏕᏘᏴᏛ ᎠᏎᎸᎯ ᎣᎦᎴᏂᏓᏍᏗᏱ; ᏙᎦᎵᏂᎬᎬᏃ ᏱᏅᏗᎦᎵᏍᏙᏗ ᏁᎳᏍᎪᎯ ᏧᏕᏘᏴᏛ ᏱᏃᎩᏛ, ᎠᏎ ᎾᏍᎩ ᏙᎦᎵᏂᎩᎬᎬ ᏧᏯᏪᎢᏍᏗ ᎠᎴ ᎤᏕᏯᏙᏗ ᎨᏐᎢ; ᏞᎩᏳᏰᏃ ᎠᎵᏍᏆᏗᏍᎪ ᎠᎴ ᎢᏓᎵᏛᏗᏍᎪᎢ.

galiquasgohi tsudetiyvdv aselvhi ogalenidasdiyi; dogalinigvgvno yinvdigalisdodi nelasgohi tsudetiyvdv yinogidv, ase nasgi dogalinigigvgv tsuyaweisdi ale udeyadodi gesoi; tlegiyuyeno alisquadisgo ale idalidvdisgoi.

Psalm 90:11

Who knoweth the power of thine anger? even according to thy fear, so is thy wrath.

ᎦᎪ ᎠᎦᏔᎭ ᏄᎵᏂᎬᎬ ᏣᏔᎳᏬᎯᏍᏗ ᎨᏒᎢ? ᎾᏍᎩ ᏂᏣᎾᏰᎯᏍᏛ ᎾᏍᎩᏯ ᏄᏍᏗ ᏣᏔᎳᏬᎯᏍᏗ ᎨᏒᎢ.

gago agataha nulinigvgv tsatalawohisdi gesvi? nasgi nitsanayehisdv nasgiya nusdi tsatalawohisdi gesvi.

Psalm 90:12

So teach us to number our days, that we may apply our hearts unto wisdom.

ᏍᎩᏰᏲᎲᎦ ᏦᎦᏎᏍᏗᏱ ᏙᎩᎩᏨᏁᎬ ᎾᏍᎩ ᏗᎦᏔᎿᎢ ᎢᏧᎵᏍᏙᏗᏱ ᏦᎩᎾᏫ.

sgiyeyohvga tsogasesdiyi dogigitsvnegv nasgi digatahnai itsulisdodiyi tsoginawi.

Psalm 90:13

Return, O Lord, how long? and let it repent thee concerning thy servants.

ᎭᎦᏔᎲᎾ ᏱᎰᏩ, ᎢᎳᎪ ᏅᏓᎪᎯᏥ? ᎠᎴ ᎤᏲ ᎭᏓᏅᏓᏓ ᏘᏂᎥᏏᏓᏍᏗ ᏕᎭᏓᏅᏖᏍᎬᎢ.

hagatahvna yihowa, ilago nvdagohitsi? ale uyo hadanvdada tinivsidasdi dehadanvtesgvi.

Psalm 90:14

O satisfy us early with thy mercy; that we may rejoice and be glad all our days.

ᏣᏓᏙᎵᏍᏗ ᎨᏒ ᏄᎳᏉ ᎣᎩᏛᏓᏁᎯ ᎢᎦᎢ ᏍᎩᎥᏏ; ᎾᏍᎩ ᎣᎦᎵᎮᎵᏍᏗᏱ,; ᎠᎴ ᎣᏍᏛ ᎣᎦᏓᏅᏓᏗᏍᏗᏱ ᏂᎪᎯᎸ ᎣᏣᎴᏂᏙᎲᎢ

tsadadolisdi gesv nulaquo ogidvdanehi igai sgivsi; nasgi ogalihelisdiyi, ale osdv ogadanvdadisdiyi nigohilv otsalenidohvi.

Psalm 90:15

Make us glad according to the days wherein thou hast afflicted us, and the years wherein we have seen evil.

ᎣᏍᏛ ᏍᎩᏯᏓᏅᏓᏗᏍᏓ ᎾᏍᎩᏯ ᎢᎪᎯᏛ ᏍᎩᎩᎵᏲᎢᏍᏔᏅᎢ, ᎠᎴ ᎾᏍᎩᏯ ᏂᏚᏕᏘᏴᎲ ᎤᏲ ᎣᎩᎪᎯᏙᎸᎢ.

osdv sgiyadanvdadisda nasgiya igohidv sgigiliyoistanvi, ale nasgiya nidudetiyvhv uyo ogigohidolvi.

Psalm 90:16

Let thy work appear unto thy servants, and thy glory unto their children.

ᏕᏣᎸᏫᏍᏓᏁᎸ ᏘᏅᏏᏓᏍᏗ ᎬᏂᎨᏒ ᏫᏄᎾᎵᏍᏓᏏ, ᎠᎴ ᎡᏣᎸᏉᏗᏳ ᎨᏒ ᏧᏁᏥ ᎬᏂᎨᏒ ᏫᏄᎾᎵᏍᏓᏏ.

detsalvwisdanelv tinvsidasdi gvnigesv winunalisdasi, ale etsalvquodiyu gesv tsunetsi gvnigesv winunalisdasi.

Psalm 90:17

And let the beauty of the Lord our God be upon us: and establish thou the work of our hands upon us; yea, the work of our hands establish thou it.

ᎠᎴ ᎤᏬᏚᎯᏳ ᎨᏒ ᎤᏁᎳᏅᎯ ᎤᏤᎵ ᏫᏙᎩᎧᎿᏩᏗᏓ; ᎠᎴ ᏍᎩᏍᏓᏱᏗᏏ ᏦᎪᏰᏂ ᏙᏨᏗᏍᎬ ᏙᎩᎸᏫᏍᏓᏁᎲᎢ; ᎥᎥ, ᏦᎪᏰᏂ ᏙᏨᏗᏍᎬ ᏙᎩᎸᏫᏍᏓᏁᎲ ᎯᏌᏓᏱᏛ ᎾᏍᎩ.

ale uwoduhiyu gesv unelanvhi utseli widogikahnawadida; ale sgisdayidisi tsogoyeni dotsvdisgv dogilvwisdanehvi; vv, tsogoyeni dotsvdisgv dogilvwisdanehv hisadayidv nasgi.