Psalm 116
Ps 116:1
ᏥᎨᏳᎠ ᏱᎰᏩ, ᏅᏗᎦᎵᏍᏙᏗᎭ ᎠᏆᏛᎦᏁᎸ ᏥᏁᎬ ᎦᏓᏙᎵᏍᏗᏍᎬᎢ.
tsigeyua yihowa, nvdigalisdodiha aquadvganelv tsinegv gadadolisdisgvi.
2
ᎾᏍᎩ ᏣᏆᏛᏓᏍᏓᏁᎸ ᎾᏍᎩ ᎢᏳᏍᏗ ᏥᏯᏓᏙᎵᏍᏓᏁᎮᏍᏗ ᏂᎪᎯᎸ ᎨᎥᎢ.
nasgi tsaquadvdasdanelv nasgi iyusdi tsiyadadolisdanehesdi nigohilv gevi.
3
ᎤᏲ ᎠᏰᎸᏗ ᎠᏲᎱᎯᏍᏗ ᎾᏍᎩᏯ ᏓᏆᏚᏫᏍᏔᏅᎩ, ᎠᎴ ᎡᎯᏍᏗ ᎠᏓᏅᏓᏗᏍᏗ ᏨᏍᎩᏃ ᎡᎯ ᎠᎩᎷᏤᎸᎩ; ᎠᎩᏩᏛᎲᎩ ᎤᏕᏯᏙᏗ ᎠᎴ ᎤᏲ ᎠᏰᎸᏗ ᎨᏒᎢ.
uyo ayelvdi ayohuhisdi nasgiya daquaduwistanvgi, ale ehisdi adanvdadisdi tsvsgino ehi agilutselvgi; agiwadvhvgi udeyadodi ale uyo ayelvdi gesvi.
4
ᎿᏉᏃ ᎥᏥᏯᏓᏙᎵᏍᏓᏁᎸᎩ ᎥᏥᏯᏅᎲᎩ ᎦᏛᎣ ᏱᎰᏩ; ᏱᎰᏩ, ᎤᏲᏍᏛᏉ ᎱᏓᎳᎩ ᎠᏆᏓᏅᏙ.
hnaquono vtsiyadadolisdanelvgi vtsiyanvhvgi gadvo yihowa; yihowa, uyosdvquo hudalagi aquadanvdo.
5
ᏱᎰᏩ ᎤᏓᏙᎵᏣᏔ ᎠᎴ ᎤᏓᏅᏘ; ᎥᎥ, ᎤᏁᎳᏅᎯ ᎢᎦᏤᎵ ᎤᏓᏙᎵᏣᏘᏳ.
yihowa udadolitsata ale udanvti; vv, unelanvhi igatseli udadolitsatiyu.
6
ᏱᎰᏩ ᏓᏍᏆᏂᎪᏗᎭ ᎤᎾᏠᎾᏍᏗ ᏂᎨᏒᎾ; ᎤᏲ ᎾᏆᏛᎿᏕᎬᎩ, ᎾᏍᎩᏃ ᎠᎩᏍᏕᎸᎲᎩ.
yihowa dasquanigodiha unatlonasdi nigesvna; uyo naquadvhnadegvgi, nasgino agisdelvhvgi.
7
ᏣᏣᏪᏐᎸᏍᏙᏗᏱ ᏫᎯᎶᎯ ᎠᏆᏓᏅᏙᎩ; ᏱᎰᏩᏰᏃ ᎣᏍᏛ ᏂᏣᏛᏁᎸ.
tsatsawesolvsdodiyi wihilohi aquadanvdogi; yihowayeno osdv nitsadvnelv.
8
ᏂᎯᏰᏃ ᏍᏊᏓᎳᎡᎸᎩ ᎠᏆᏓᏅᏙ ᎠᏲᎱᎯᏍᏗ ᎨᏒᎢ, ᏗᏥᎦᏙᎵ ᏗᎦᏌᏬᏍᏗ ᎨᏒᎢ, ᎠᎴ ᏗᏆᎳᏏᏕᏂ ᎦᏅᎢᏍᏗ ᎨᏒᎢ.
nihiyeno squudalaelvgi aquadanvdo ayohuhisdi gesvi, ditsigadoli digasawosdi gesvi, ale diqualasideni ganvisdi gesvi.
9
ᏓᎨᏙᎵ ᏱᎰᏩ ᎤᎧᏛ ᎢᎬᏱᏗᏢ ᎦᏙᎯ ᏗᏅᏃᏛ ᎠᏁᎲᎢ.
dagedoli yihowa ukadv igvyiditlv gadohi dinvnodv anehvi.
10
ᎠᏉᎯᏳᏅᎩ, ᎾᏍᎩ ᎢᏳᏍᏗ ᎠᎩᏁᏨᎩ; ᎤᏣᏘ ᏥᎩᎵᏲᎬᎩ.
aquohiyunvgi, nasgi iyusdi aginetsvgi; utsati tsigiliyogvgi.
11
ᎠᎩᏏᏄᎶᎯᏎᎸᎩ ᎯᎠ ᎾᎩᏪᏒᎩ, ᏂᎦᏗᏳ ᏴᏫ ᎠᏂᏰᎪᎩ.
agisinulohiselvgi hia nagiwesvgi, nigadiyu yvwi aniyegogi.
12
ᎦᏙ ᏓᏥᏯᎵᏍᎪᎸᏓᏁᎵ ᏱᎰᏩ ᏓᏥᏯᎫᏴᏓᏁᎵ ᎤᏣᏘ ᎣᏍᏛ ᎾᏆᏛᏁᎸᎢ?
gado datsiyalisgolvdaneli yihowa datsiyaguyvdaneli utsati osdv naquadvnelvi?
13
ᏓᏥᎩᏏ ᎤᎵᏍᏈᏗ ᎠᎵᏍᏕᎸᏙᏗ, ᎠᎴ ᏓᏥᏯᏓᏙᎵᏍᏓᏁᎵ ᏚᏙᎥ ᏓᏥᏯᏅᎯ ᏱᎰᏩ.
datsigisi ulisquidi alisdelvdodi, ale datsiyadadolisdaneli dudov datsiyanvhi yihowa.
14
ᏱᎰᏩ, ᏥᏁᏤᎸ ᎢᏯᏆᏛᏁᏗᏱ ᎠᏎ ᏓᎦᎫᏴᎯ ᎠᏂᎦᏔᎲ ᏂᎦᏛ ᏧᏤᎵ ᏴᏫ.
yihowa, tsinetselv iyaquadvnediyi ase dagaguyvhi anigatahv nigadv tsutseli yvwi.
15
ᏱᎰᏩ ᏙᏗᎧᏅ ᎦᎸᏉᏗᏳ ᏓᏂᏲᎱᏍᎬ ᏧᏤᎵ ᎤᎾᏓᏅᏘ.
yihowa dodikanv galvquodiyu daniyohusgv tsutseli unadanvti.
16
ᏱᎰᏩ, ᎤᏙᎯᏳᎯᏯ ᏍᏆᏤᎵ ᏍᎩᏅᏏᏓᏍᏗ; ᏍᏆᏤᎵ ᏍᎩᏅᏏᏓᏍᏗ ᎠᏴ, ᎠᎴ ᎠᎨᏴ ᎯᏅᏏᏓᏍᏗ ᎤᏪᏥ; ᏂᎯ ᏕᏣᎸᏒᎭ ᏓᏆᏢᏍᏛᎢ.
yihowa, udohiyuhiya squatseli sginvsidasdi; squatseli sginvsidasdi ayv, ale ageyv hinvsidasdi uwetsi; nihi detsalvsvha daquatlvsdvi.
17
ᏓᎬᏯᎵᏍᎪᎥᏓᏁᎵ ᎠᏥᎸ ᎨᎳᏍᏗ ᎬᏯᎵᎡᎵᏤᎲ ᎬᏂᎨᏒ ᎢᎬᏁᎯ, ᎠᎴ ᏱᎰᏩ ᏕᎤᏙᎥ ᏓᏥᏯᏅᎯ ᏓᏥᏯᏓᏙᎵᏍᏓᏁᎵ.
dagvyalisgovdaneli atsilv gelasdi gvyalielitsehv gvnigesv igvnehi, ale yihowa deudov datsiyanvhi datsiyadadolisdaneli.
18
ᏱᎰᏩ ᏥᏁᏤᎸ ᎢᏯᏆᏛᏁᏗᏱ ᎠᏎ ᏓᎦᎫᏴᎯ ᎠᏂᎦᏔᎲ ᏂᎦᏛ ᏧᏤᎵ ᏴᏫ;
yihowa tsinetselv iyaquadvnediyi ase dagaguyvhi anigatahv nigadv tsutseli yvwi;
19
ᏱᎰᏩ ᎤᏤl ᎠᏓᏁᎸ ᏚᏜᏅᏛᎢ, ᎠᏰᎵ ᏂgᎯ ᎨᏒ, ᏥᎷᏏᎵᎻ. ᎡᏥᎸᏉᏓ ᏱᎰᏩ.
yihowa utsel adanelv dudlanvdvi, ayeli nighi gesv, tsilusilimi. etsilvquoda yihowa.
Psalm 116King James Version (KJV)
116 I love the Lord, because he hath heard my voice and my supplications.
2 Because he hath inclined his ear unto me, therefore will I call upon him as long as I live.
3 The sorrows of death compassed me, and the pains of hell gat hold upon me: I found trouble and sorrow.
4 Then called I upon the name of the Lord; O Lord, I beseech thee, deliver my soul.
5 Gracious is the Lord, and righteous; yea, our God is merciful.
6 The Lord preserveth the simple: I was brought low, and he helped me.
7 Return unto thy rest, O my soul; for the Lord hath dealt bountifully with thee.
8 For thou hast delivered my soul from death, mine eyes from tears, and my feet from falling.
9 I will walk before the Lord in the land of the living.
10 I believed, therefore have I spoken: I was greatly afflicted:
11 I said in my haste, All men are liars.
12 What shall I render unto the Lord for all his benefits toward me?
13 I will take the cup of salvation, and call upon the name of the Lord.
14 I will pay my vows unto the Lord now in the presence of all his people.
15 Precious in the sight of the Lord is the death of his saints.
16 O Lord, truly I am thy servant; I am thy servant, and the son of thine handmaid: thou hast loosed my bonds.
17 I will offer to thee the sacrifice of thanksgiving, and will call upon the name of the Lord.
18 I will pay my vows unto the Lord now in the presence of all his people.
19 In the courts of the Lord's house, in the midst of thee, O Jerusalem. Praise ye the Lord.