2017 Carlos Casares

Nado o 24 de agosto de 1941. Estudou ciencias na Universidade de Santiago de Compostela. De regreso a Galicia, establece a súa residencia en Vigo, onde desenvolve a súa actividade profesional como escritor, editor e profesor de bacharelato.

Colaborou en numerosas revistas e xornais, entre eles Grial, que dirixiu desde 1989 ata 2002, ano da súa morte. Colaborou tamén con La Región, xornal onde escribiría a sección "Con esta lupa", de gran calidade, artigos que posteriormente se recollerían nun libro publicado pola Deputación de Ourense.

Finalmente, tamén colaboraría co xornal coruñés La Voz de Galicia. Parte desta obra xornalística publicouse en forma de libro: Á marxe.

Entre as súas obras destacan: Cambio en tres, Xoguetes pra un tempo prohibido, Os escuros soños de Clío, Ilustrísima, Os mortos daquel siempre, Na marxe de cada día, Deus sentado nun sillón azul, Un país de palabras e O sol que verán.

Como escritor de literatura infantil publicou: A galiña azul, As laranxas máis laranxas de todas as laranxas, O can Rin e o lobo Crispín, Lolo anda en bicicleta... 

Como biógrafo e ensaísta realizou obras sobre a vida e obra de Vicente Risco, Otero Pedrayo, Ramón Piñeiro e Curros Enríquez. 

Traduciu varias obras ao galego, como O Principiño do francés Antoine de Saint-Exupéry, Os escaravellos voan ao solpor da sueca María Gripe ou O vello.

Dedicóuselle o Día das Letras Galegas no ano 2017.