Mi slektshistorie

SLEKTSHISTORIA I KORTFORMAT

Far si slekt kjem frå Rage i Oltedal (omlag nokre kilometer forbi Kongeparken). Familien har budd i Stavanger sidan 1700-talet, og har stort sett bestått av handverkarar (mange skomakarar!), fram til min farfar Johan Severin Svendsen, som var feiermester. Han vart gift med Josefine Knudsen, som var datter til bøkkermester Johannes Knudsen. Hans forfedre kom frå Veka i Suldal, og både han og hans far var kvekerar. Brørne til farmor var forretningsmenn - Knud Knudsen som grunnla forretningen Stavanger Malervare, der far seinare var disponent, og Johannes M. Knudsen som etablerte Viking Sardines og var aktiv i den blomstrande hermetikkindustrien. På morssida kom slekta deira frå Spangereid i Vest-Agder.

Mor si slekt er meir spreidd. Mor hennar kom frå Mysen, der faren Anton Kristensen Ødegaard først grunnla Indre Smaalenene Avis der han var redaktør, og seinare verka som metodistprest. Ho vart gift med postekspeditør Olav Martin Bøe, som stamma frå Hardanger på morssida og Manger på farssida. Far hans Ingebrigt Bøe var snekker og byggmester og var med på bygginga av Ole Bull sin villa på Lysøen.

Bakover i tid kan ein trekkja direkte liner til David Petræus, som var den første presten etter reformasjonen i Granvin og også stamfar til min svigerson Øystein Lid sin familie. Det er også direkte liner bakover til Galtung-slekta, og til Tysnes.

Også Britt si slekt er teke med i databasen. På farssida stammar slekta frå Sunnhordland, og det same også på morssida. Far hennar var båtbyggjar og snekker.