MeteoValadares

PARTICIPANTES

Detrás dos micros estaba un equipo que traballaba colaborativamente para compartir a predición do tempo de cada fin de semana.

• Arón, Derek, Irene, Mateo e Rodrigo, alumnado do grupo NESP, foron os locutores deste programa.

• Da parte técnica encargábase Arón, engadir a sintonía de Onda Valadares e subir os podcast a Ivoox.

• Anxela, profesora do ámbito científico matemático foi a encargada de dirixir este equipo.

• Aínda que era un grupo reducido necesitábase moita colaboración, por iso, Bea, Flor e Carmen axudaban os venres nas gravacións.

CONTIDO

O alumnado do grupo de NESP, no ámbito científico matemático e na materia de tecnoloxía crearon unha estación meteorolóxica dentro do IES, aprenderon a utilizala e a facer predicións meteorolóxicas.

1. Recollida de datos. Durante toda a semana recollían datos na estación meteorolóxica do centro.

2. Predición. Os xoves facían a predición do tempo para a fin de semana.

3. Guión. Elaboraban o seu guión.

4. Ensaio. Ensaiaban o programa de radio.

5. Gravación. Gravaban o programa todos os venres a primeira hora da mañá.

6. Emisión. Emitíase no recreo, subíase a Ivoox e enviábase o enlace a AFAGA para que puideran escoitalo as persoas maiores desta asociación. 

O primeiro episodio do programa emitiuse o 22 de xaneiro e o último o 11 de xuño do 2021.

TEMPO DE TRABALLO E DE LECER

• Despois da gravación aproveitaban esa hora na biblioteca para ler ou xogar.

• O alumnado creou un logo para o seu programa e fixeron unhas chapas que sempre levaban con orgullo.

GUIÓN

• Todos os xoves elaborábase un guión segundo a predicións do tempo para a seguinte fin de semana, todo o alumnado participaba en dita elaboración.

• Dito guión seguía o modelo e as pautas dadas dende o equipo da radio.

Na seguinte fotografía aparece un exemplo dos guións realizados, se premes nela podes escoitar o programa: