Embedded Files
Na materia de Competencia Lingüística, o alumnado de 1º e 2º de ESO mergullouse no libro Os xoguetes esquecidos de Xosé López González e Xosé Manuel García. A partir desta lectura, cada rapaza e rapaz escolleu un dos xoguetes que aparecen no libro para investigar e contar a súa historia… en formato podcast!
Que fixemos?
Lectura guiada: cada estudante leu a páxina correspondente ao seu xoguete.
Ficha de datos: recompilamos información básica (nome, época, materiais, uso, curiosidades, vínculos coa vida cotiá).
Taller de resumo: practicamos como “destilar” as ideas principais sen perder o esencial.
Guión de podcast: aprendemos a estruturar un audio (introdución, contexto, miolo e peche) con linguaxe clara e próxima.
Gravación: cada quen gravou o seu episodio falando do xoguete, coidando a dicción, o ton e a duración.
Ficha_Organizador Gráfico para Xogos Populares Galegos.pdfResumo_Xogos Populares Galegos.pdfPor que o fixemos?
Este proxecto axúdanos a coidar o noso patrimonio inmaterial, recuperando lembranzas e saberes arredor do xogo tradicional. Queremos que esas historias non queden no esquecemento e cheguen á comunidade educativa a través da radio.
Que aprendemos?
Que aprendemos?
A ler con atención e resumir con cabeza.
A escribir para o oído, facendo guións claros e atractivos.
A comunicar en público e a traballar en equipo.
A valorar a cultura galega a través dos xoguetes que xogaban as nosas familias.
O resultado
O resultado
Unha serie de podcasts curtiños, frescos e cheos de memoria, onde cada episodio lle dá vida a un xoguete esquecido. Escoitalos é viaxar no tempo e entender mellor quen somos.
Escoita os episodios en Onda Valadares (no despregable arriba-dereita) e acompáñanos nesta viaxe pola tradición e a creatividade do noso alumnado. ¡Grazas por formar parte desta aventura sonora!
Page updated
Google Sites
Report abuse