Programación

A posta en marcha da emisora de radio do centro ten como obxectivo principal proporcionar oportunidades para o desenvolvemento de competencias clave a través de tarefas nas que se traballen contidos curriculares mediante metodoloxías activas. Esta foi a finalidade coa que xorde Radio na biblio no instituto. É un xeito de ofrecer un recurso máis ao alumnado e ao profesorado para traballar as alfabetización múltiples. Por iso pensouse en deseñar unha programación de Onda Valadares con diferentes tipos de programas nos que encaixar cada unha das propostas. No curso 20/21 realizáronse os seguintes programas:

• MeteoValadares: programa de predición meteorolóxica do tempo en Valadares. Realizado polo alumnado do grupo de NESP.

• Onda gastronómica: Programa de radio sobre hábitos, costumes e comidas de diferentes partes do mundo, creado polo alumnado de 1ºESO. É o produto final da tarefa integrada "Onda Gastronómica" (ITI, Lingua Castelá e Matemáticas).

• Misterios de Valadares: Relatos de misterio creados polo alumnado de 1ºESO. Estas historias son o produto final dunha tarefa integrada traballada nas materias de ITI, Lingua Castelá e Matemáticas. 

• Que está a pasar? Programas de diferentes temáticas relacionados coa actualidade. O primeiro programa, Xuventude polo clima, foi a nosa achega a acción global polo clima. Fixemos un programa de radio en directo durante o recreo. Participou alumnado de 1ºESO, 3ºESO e Bacharelato. Durante o curso 20/21 realizáronse diferentes programas en directo durante os recreos, nos programas intercalaban música con felicitacións de aniversarios, resultados das competicións deportivas do centro e da contorna (voleibol, patinaxe, fútbol,...), datas de avaliacións, festividades,...

• Entrevistas: Programa que inclúe entrevistas realizadas por alumnado de 1ºBacharelato.

•  Entrevista foi a Carlos Spuch, Investigador Senior del Grupo de Neurociencia Traslacional, Instituto de Investigación Sanitaria Galicia.

• Entrevista a Lucío Martínez, historiador galego e profesor de historia no IES Valadares.

• O rincón dos curiosos: Programa de radio para descubrir curiosidades sobre a música, os videoxogos, os coches ou a historia. Realizados polo alumnado de 3ºESO-F. 

• Poesía compartida e Poesía para calquera situación: programas realizados para conmemorar o Día da poesía, o profesorado de linguas do centro propuxo gravar pequenos recitais de poesía en diferentes idiomas.

• Letras galegas 2021: programa creado para conmemorar o día das Letras Galegas.

• Bo Nadal 2020: felicitacións dende o IES Valadares a toda a comunidade educativa.