A voz de Rosalía

O 23 de febreiro celébrase o Día de Rosalía de Castro, conmemorando o aniversario do seu nacemento.  

Como di Carme Adán no manifesto da Asociación de Escritoras e Escritores en Lingua Galega, as palabras de Rosalía "dan existencia a un mundo de inxustizas e opresións contra as mulleres, os pobres, a lingua galega ou os migrantes". Por esta razón, dende Onda Valadares, tamén queremos espallar a palabra desta grande escritora galega e divulgar a súa obra. 

Ao longo de todo o mes, acolleremos os seus poemas nas voces de todas as persoas da nosa Comunidade Educativa que desexen recitar un poema seu ou ler parte dalgún texto narrativo da súa autoría.

Na biblioteca "tenderemos" os seus versos e dende a radio difundiremos os seus poemas musicados.  

Achégate e déixanos a túa voz para pregoar a de ROSALÍA.

Todos aqueles que viñeron a prestar a súa voz levaron unha chapa de Rosalía de agasallo.