Sempre cerca
Inauguración
Por que?
Dentro da programación de Onda Valadares temos un espazo para podcasts que falan do que está a acontecer ao noso arredor. É unha ventá que amosa a actualidade contada polo noso alumnado.
Inauguración
Contexto
O día 5 de febreiro do presente curso escolar 2019- 2020 inauguramos a nova biblioteca que pasou a formar parte do programa LÍA-2. Para a preparación do día da inauguración deseñouse unha tarefa interdisciplinar na que alumando e profesorado de todos os niveis educativos traballaron.
O grupo de axudantes da biblioteca fixo unha visita guiada pola biblioteca para amosar como traballan e cal é a finalidade de cada un destes recunchos. Esta visita foi enriquecida coas achegas do alumnado do club de lectura, club de escoita e club de letras, así coma o de excelencia matemática e lingüística. Os asistentes puideron gozar da lectura coma se estiveran no noso club de escoita, disfrutaron co truco de maxia do alumnado de excelencia matemática e coñeceron o traballo do club de reporteiros e reporteiras formado pola rapazada de excelencia lingüística.
O alumnado de 2º de PMAR foi o encargado de preparar un programa de radio en directo. Hai que salientar que era a primeira vez que traballaban na radio e que falaban en directo para un público.
Contido
O contido do programa centrouse na presentación da biblioteca e do proxecto de radio “Onda Valadares”.
Tarefas
O alumnado de PMAR preparou o programa nos dous ámbitos:
Por unha banda, no ámbito socio-lingüístico traballararon a entrevista.
En primeiro lugar leron diferentes entrevistas e analizaron a súa estructura e as súas características.
Posteriormente buscaron información para o seu programa entrevistando á coordinadora da biblioteca. Desta conversa xurdiron as propostas temáticas sobre as que poderían crear as preguntas que guiarían o programa.
Por útimo, completaron unha escaleta na que especificaron os minutos de música, as peguntas, os interlocutores. Traballaron co modelo dado e crearon a sía propia escaleta.
Traballaron a parte técnica no ámbito científico.
Fixeron obradoiros para aprender a manexar o equipo.
Gravaron os seus podcasta e avaliaron os resultados facendo propostas de mellora.
Guión
No guión relataron todos os cambios feitos na biblioteca tanto do espazo coma dos recursos (libros, xogos, tablets, portátiles, pantalla interactiva, croma...).
Este foi o guión que seguiron no seu podcast.
Programa Inauguración2.pdfParticipantes
O grupo de 2º PMAR foi o encargado de gravar este podcast.
Ocupábanse da parte técnica Aarón e Andrea, así coma da presentación do programa.
Alba, María, Adán e Carla foron os convidados que participaron na conversa.
Valoración
O resultado foi fantástico. O programa emitido en directo sorprendeu aos asistentes que pideron ver e escoitar a nosa radio en directo. Foron felicitados persoalmente polas autoridades, polo profesorado e polos seus compañeiros e compañeiras.
Foi unha expereincia enriquecedora para este grupo. Tiveron un papel moi importante neste acto xa que foron os primeiros que gravaron en directo un programa de radio e foron os encargados de inaugurar o noso Laboratorio.